Testemunhas de Jeová —Fé Em Ação, Parte 1: Da Escuridão Para a Luz
MBiibiliyani, muthuko onitaphulela ekeekhai, masi epiphi enitaphulela ethiru. (Esal. 43:3; Yes. 5:20) Satana topacerinhe epiphi molumwenkuni vaavo anwonke awe Eva, nto mowaakuveya khuwiiriha apinaatamu okela mweepiphini yuulupale. (Wis. 12:9) Eviidiyu Testemunhas de Jeová—Fé Em Ação, Parte 1: Da Escuridão Para a Luz, ennooniherya moota muthuko womunepani opacenrye aya omwaleela eriyari ya epiphi. (Yes. 60:1, 2) Nuumala oweha eviidiyu eyo moone mwaaweryaka waakhula makoho ala.
(1) Epiphi yaapacenrye sai wunnuwa nuumala okhwa awiixutti? (2) Okhuma iyaakha sa 1100, itthu xeeni saakhalihenrye atthu osuwela wira ikerexa khasiixuttiha ekeekhai? (3) Henry Grew ni George Storrs, yaari aani? (4) Itthu xeeni saamwiiranenle Charles Russell saamuxankinhe mookumini mwawe? (5) Moota xeeni munna Russell, tiithi awe, ni atthu vakhaani aasuwela awe, yaapaka aya yoosoma ya Biibiliya ya ekrupu aya, ni yaawerya sai ophwanya ekeekhai ya Biibiliya? (6) Ekrupu ele ya Biibiliya yaatakaahanne sai ni ekrupu ya Nelson Barbour, masi etthu xeeni yaamwiirinhe munna Russell ovalanasa? (7) Exeeni yaakhumelenle mweeri wa Julyo 1879, yaapacerinhe mukhalelo musya wa omwaleya wa omunepani? (8) Nuumala-vo, ekrupu ele ya Anamasoma a Biibiliya yaapanke exeeni wira elaleye ihapari sooreera isya? (9) Ehinatthi eyaakha ya 1914, exeeni Anamasoma a Biibiliya yaawehererya aya wiiraneya mwaakha owo? (10) Mixankiho xeeni saaphwannye Anamasoma aBiibiliya nuumala okhwa munna Russell? (11) Exeeni Anamasoma a Biibiliya yaapanke aya nuumala munna Rutherford ni akhwaawe okumihiwa mukhatteya? (12) Moota xeeni oweha eviidiyu ela wuncerenrye aya oxukhurela wanyu mulokiheryo wa Yehova? (13) Eviidiyu ela yoolipinheni sai ovikaniha olaleya ihapari mooluttuweliwa pooti mukhalanaka mixankiho? (14) Nirumeeleke sai eviidiyu ela wira naakhaliherye amusi ahu, ale anaasomiha ahu Biibiliya ni akina?
Tthiri, Anamasoma a Biibiliya aanihiyerya etthu ya efaita ya omunepani! Eriyari ya epiphi yomunepani ya olumwenku, anna ale moolipa murima yanaarya mooluttuweliwa. Nto, nitthareke ntakiheryo naya ‘nettaka ntoko àna òwarya a Muluku’.—aÉf. 5:8.