Testemunhas de Jeová—Fé Em Ação, Parte 2: Deixam a Luz Brilhar
Nuumala okumihiwa mukhatteya munna Rutherford ni akhwaawe mwaakha wa 1919, Anamasoma a Biibiliya yaahipacerya muteko muulupale. Ntoko sinooniherya aya eviidiyu Testemunhas de Jeová—Fé Em Ação, Parte 2: Deixam a Luz Brilhar, Anamasoma a Biibiliya yaahikhalana anyokhani anceene, wiiwexexa waya Soolempwa waahincerereya ni waamini waya waahilokihereya. (Mir. 4:18; Mal. 3:1-3; Yoh. 15:20) Nuumala oweha eviidiyu eyo, munoowerya waakhula makoho ala?
(1) Itthu xeeni Anamasoma a Biibiliya yaarumeela aya wira amwaramwarye ihapari sooreera? (2) Exeeni yiiranen’ye mwa akonkresu aalupale a 1931 ni 1935? (3) Mwaha xeeni waathokoreriwe murevistani A Sentinela 1 ya Novembro 1939? (4) Muhimye yaakhumelenle oMadison Square Garden vaavo munna Rutherford aalavunle awe mwaha waahimya so: “Ekuvernu ni Murettele”. (5) Etthu xeeni alavunle awe munna Knorr mmwaha waahimya wira: “Murettele Ola Pooti Opisa”? (6) Mwaakha wa 1942 ipalano xeeni Anamoona a Yehova yaapanke aya wira yinnuuherye muteko woolaleerya? (7) Mutthokiherye moota saaphukiwe aya saana milattu sa anna Estados Unidos, Canadá ni oGresia. (8) Moota xeeni exikola ya oGileadi yinnuuherye aya muteko woolaleerya? (9) Muteko xeeni wootthuneya opacenrye mwaakha wa 1946, ni nthowa xeeni? (10) Exeeni Anamoona a Yehova yaapanke aya wira mweettelo aya ovarihaneke ni malamulo a Biibiliya? (11) Muhimye mirukunuxo saapakiwe iyaakha sa 1970, wira Nikhuuru Noolamulela nitthare ntakiheryo na mBiibiliyani na moota wohoolela. (12) Moota xeeni oweha eviidiyu ela wuncerenrye aya osuwela wanyu wira nikhuuru nahu nootthokiheya ti na Yehova ni wira Muluku tonihoolela? (13) Eviidiyu ela yoolipinheni sai ovikaniha olaleya ihapari mooluttuweliwa pooti mukhalanaka mixankiho? (14) Nirumeeleke sai eviidiyu ela wira naakhaliherye amusi ahu, ale anaasomiha ahu Biibiliya ni akina?
Khula nihiku ninvira, onnincerereya mwaha musya mwa sowiiraneya sa Anamoona a Yehova. Irelatoorio sinrowa wooniherya exeeni voohimya sa wiimananiha wahu olaleerya? Ntoko axinna ahu a khalai, mooluttuweliwa nrowe nivikanihe ‘okumiherya okokola’!—2 aKor. 4:6.