Olaleerya Wookhweya

Ihapari sa Omwene N.° 38

“Ehaali? Niri ekampaanya ya olumwenku wotheene yookawa etratato ela erina ihapari sootthuneya. Ela ti yawinyu”.

Moone ela: Wira nikawe muttetthe wotheene, nihaatteke soohimya. Masi akhala wira mwaneene etthoko onnisiveliwa ekeekhai, ni onniphavela ovaanela, mmukohe moonelo awe voohimya sa nikoho niri ohoolo wa etratato, mmooniherye moota Biibiliya onaakhula awe nikoho nlo ntoko siri aya mutratatoni, ni muthokorerye vakhaani itthu siri mutratatoni, okathi wakhala vale. Muhinatthi okhuma, mmooniherye nikoho niri vathi va epantte eni: “Wira Muupuwelele”, ni mwiiwanane nihiku nootthikela wira muthokorerye nikoho nno.

OWEHAWEHA 1 ya Novembro

“Mmoonelo anyu, etthu xeeni yuulupale enootheriwa awe Muluku? [Nwehererye waakhuliwa.] Moovarihana ni Biibiliya, Muluku oniphavela wira atthu amphenteke ni omuroromela. [Mmusome Yesaya 41:13.] Erevista ela ennihimya itthu tthaaru Muluku onootheriwa awe seiyo siniwiiriha akina wuupuwelaka wira khaniwerya omwaattamela”.

Despertai! a Novembro

“Nnaaxukurya atthu olelo-va, mwaha woowi anamunceene annixankiheya vaavo anoona aya wira mweettelo woohiloka ohuulaana”. Munoonela sai, niireke apinaatamu aahiya makhalelo aya ooloka? [Nwehererye waakhuliwa.] Biibiliya aahihimya vahinatthi wira makhalelo ni mweettelo wa atthu, waarowa oturukeya. [Mmusome 2 Timótheyo 3:1-5.] Erevista ela ennihimya nthowa naya vanitthuneya ahu ororomela malakiheryo ooloka ari mBiibiliyani”.

[Ipaaxina soohikhala etthu 11-12]