Mmuxukurye Mutthu Owo Moohipisa

Okhuma okathi ekumiheriwe aya esaite ahu esya, atthu anci anniveka yoosoma ya Biibiliya arumeelaka Internet. Nave, sooveka iyo sihincerereya mwaha wa olaleerya mapuro otheene ari atthu. Efiliyaali ennithokorerya sooveka iyo okathi yoowo enaakhela aya. Mwa ntakiheryo, akhala wira yooveka eyo epakiwe orweela mwa esaite jw.org, axitokweene a muttetthe onikhala awe mutthu owo, annileeliwa ni efiliyaali muhina mwa mahiku manli. Masi, irelatoorio sinooniherya wira atthu akina anisiveliwa ekeekhai, yaahixukuriwa nuuvira isumana sinci. Nipakeke exeeni wira nimukhaliherye mutthu owo ohinatthi otteettheya?​—Mar. 4:14, 15.

Mwamphwanya mutthu onisiveliwa ekeekhai masi ohinikhala muttetthe anyu, moohipisa mulepe eformulaario (S-43), ni munvahererye sekretaario a muloko anyu omuthukumanoni esumana yeeyo. Nto muhina mwa nihiku nimosa wala man-ci, sekretaario owo ohaana ovahererya eformulaario eyo muloko oniweherya muttetthe wa mutthu owo, wala oroiha ofiliyaali moohipisa, orumeelaka esaite jw.org, epantte ya muloko. Axitokweene ahaana owehaka esaite eyo moohihiyererya. Akhala wira awo aavekeliwa ni efiliyaali wira amuxukurye mutthu, ahaana opaka eyo moohipisa. Ole othanliwe omuxukurya mutthu owo ohaana opaka eyo moohipisa. Akhala wira mutthu owo khokhanle owannyawe, waaniheryasa nyuwo pooti ohiya epaphelo yaamukhaani enooniherya nummuru nanyu na telefoni wala e-mail.