Nilokiherye Inamuna Sahu Soolaleerya—Mmananihe Opaka Nikoho Wira Mwaakhule Nihiku Nikina

OTTHUNEYA WAYA:

Hiyo ninniphavela okhuwari ipyo sa ekeekhai sinaala ahu. (1a Kor. 3:6) Tivonto, okathi onimphwanya ahu mutthu onisiveliwa ihapari sooreera, oryaaya okathi wooreerela opaka nikoho wira nikhalane eparakha yootthikela omuxukurya. Eyo enoomukhaliherya osuwela nihiku nintthika ahu ni wiilokiherya wahu saana. Vaavo vanitthika ahu omuxukurya, pooti omuhimerya wira nitthinke wira naakhule nikoho naapanke ahu ekwaha yookiserya.

MOOTA WOOPAKA EYO:

• Okathi oniilokiherya anyu wira mwalaleerye empa ti empa, mulokiheryeke nikoho wira mwaakhule ekwaha yootthikela oxukurya. Pooti okhala nikoho nnaakhuliwa ni eliivuru enikawa anyu nihiku nlo. Wala pooti orumeela khula eliivuru ya yoosoma ya Biibiliya elokihenrye anyu wira mutthikele oxukurya.

• Okathi onimaliha anyu ovaanela ni khula mutthu onooniherya osiveliwa ekeekhai, mmooniherye otthuna wanyu ovaanela-tho ni yena, ni mumpakele nikoho nilokihenrye anyu. Vaweryaneya mmukohe moota mukhanle anyu ookumana-tho.

• Vakhala wira moomuleela okathi onrowa anyu otthika, mulepe mpapheloni mwanyu.—Mat 5:37.