MAKHALELO A MAKRISTAU

Mukhaliherye Emusi Anyu Ohimuliyala Yehova

Yeremiya aavahiwe muteko wowaalopola aYuda wira yaarowa opwetexiwa okhala wira yaahimuliyala Muluku aya, Yehova. (Yer 13:25) Nloko nle naahononen’ye sai mpakha okhala noohiloka? Imusi sa wIsarayeli saahiyeleela omuroromela waya Yehova. Woonasa wene ale yaahoolela itthoko iyo khiyaattharihela malakiheryo a Yehova alempwale eliivuru ya Otumererya 6:5-7.

Emusi enihooleliwa ni maama paahi ennitteeliwa murima okathi onimulompa aya Muluku Vatthokoni; emusi enirumeela maapha a ilapo siniromoliwa mBiibiliyani okathi onimulompa aya Muluku Vatthokoni

Imusi soolipa omunepani sinnikhaliherya olipiha miloko olelo-va. Ahooleli a itthoko anoowerya okhaliherya imusi saya ohimuliyala Yehova amulompaka Muluku vatthokoni vaya khula esumana. (Esa 22:28) Nuumala oweha eviidiyu eni “Masu Ala . . . Ahaana Okhala Vamurimani Vanyu”—Ovaanela ni Imusi, nto mwaakhuleke makoho ala:

Moota xeeni imusi sikina sinikhumela aya saana ni eprograma ya omulompa Muluku vatthokoni?
Mireerelo xeeni sinikhumelela mwaha wa okhalana eprograma yooloka ya omulompa Muluku vatthokoni?
Voohimya sa eprograma ya omulompa Muluku vatthokoni, mixankiho xeeni sirina aka ni kinrowa oxintta sai?