WAAKHULIWA WA MAKOHO A MBIIBILIYANI

Xeeni atthu anceene anikupali aya wira ohaavo Mpattuxa?

Mwa iyaakha sowiiraka 3.000, poeta mmosa aalempe so: “Kinnoxukhuruni, mana mukùmpe votikiniha”. (Esalimo 139:14) Nkahaya muupuwelele ela: Mwaana onninnuwa mmirimani mwa maama awe opaceryaka ni eseelula emosa paahi. Niireke eyo khenootikinihani? Atthu anceene annikupali wira Mpattuxa topanke itthu sotheene sirina okumi.​—Musome Esalimo 139:13-17; aHéberi 3:4.

Ole opattunxe erimu ni elapo wira ekhaliweke ti yoowo-tho opattunxe okumi. (Esalimo 36:10) Owo onnilavula ni hiyo ni onninleela voohimya sa yena.​—Mmusome Yesaya 45:18.

Niireke hiyo khalai naari axinama?

Mwa inamuna sinceene, erutthu ahu enlikana ni erutthu ya axinama. Eyo enniiraneya mwaha woowi atthu ni axinama apakiwe ni Mpattuxa wira ekhaleke valaponi. Owo khampattunxe pinaatamu oopacerya omurumeelaka mwaamunama, masi aarumenle etthaya.​—Musome Maphattuwelo 1:24; 2:7.

Atthu annivirikana ni axinama mwa inamuna piili suulupale. Yoopacerya, apinaatamu anoowerya omusuwela, omphenta, ni omuttittimiha Mpattuxa. Yanenli, moovirikana ni apinaatamu, axinama khapattuxiwe wira ekhaleke mwa okathi wotheene. Nto hiyo ninnookhwa mwaha woowi mulopwana oopacerya aahikhootta omwiiwelela Mpattuxa.​—Musome Maphattuwelo 1:27; 2:15-17.

Wira musuwele soohimmwa sikina, muwehe muru 1 wa eliivuru ela, yoolaleiwa ni Anamoona a Yehova

Enniphwanyaneya-tho va www.jw.org/vmw