Uddufune

Mata layttappe haa simmin, daro biittata beteti zuloosona. Intte biitti yiya asatuppe daroti haasayiyo qaalan sarotaa tamaarana danddayaasa. Hegaa bollikka, eta ufayssana danddayiya amarida qaalata tamaariyoogee loꞌꞌo. Yaatada, jw.org saytiyaa eta erissada yan eta qaalan deꞌiya dumma dumma biidotanne xuufeta bessana danddayaasa. Nuuni haggaazuwan loytti ayfana mala, Yihooway Deꞌuwaanne Haggaazuwaa SHiiquwaa siiquwan giigissiis. He shiiquwan nuuni demmiyo maaddiya kaaletoy nuuppe daroti zaarettidi oychchanawunne Geeshsha Maxaafaa xannaꞌissanawu xalanaadan maaddees. Yelidaageetoo, intte naati bantta wozanaappe zaaranaadan tamaarissiyoogan eti bantta pooꞌuwaa pooꞌissanaadan maaddite. Eti wozanappe yootiyo qoncce qofay eranawu koyidi yiida imattati tumaa akeekanaadan issi issitoo maaddiis.—1 Qor. 14:25. w18.06 22-23 ¶7-9

Nuuni ubbay issi wode Xoossaara dabbotibeenna “imatta,” woykko allagga biitta asa gidiyoogaa hassayiyoogee loꞌꞌo. (Efi. 2:12) SHin Yihooway “siiquwaa wodoruwan” nuna baakko shiishshiis. (Hoo. 11:4; Yoh. 6:44) Qassi Kiristtoosi nuna mokki ekkiis. Xoossaa keettaa asa gidana mala I nuussi ogiyaa dooyiis. Yesuusi nagaranchcha gidida nuna kehatettan mokkikko, nuuni oonanne mule ixxana koshshenna! Ha iita alamiyaa xayoy matiyo wode, shaahoy, asa shenetiyoogeenne ixxiyoogee yaa gujjanaagee qoncce. (Gal. 5:19-21; 2 Xim. 3:13) SHin nuuni Yihoowa ashkkarata gidiyo gishshawu, asa zaggennanne sarotettaa ehiya, bollappe yiya aadhdhida eratettaa koyoos. (Yaaq. 3:17, 18) Nuuni wogaa dummatettaa hammu gi ekkidinne ubba qassi hara qaalaa tamaaridi, hara biittaa asaara dabbotiyo wode keehi ufayttoos. Nuuni yaatiyo wode, sarotettay shaafaadan goggees, qassi abbaa beetaadan hanees.—Isi. 48:17, 18. w18.06 12 ¶18-19

Ba caammaa wottibeenna Rooma wotaaddaray olawu baanawu giigettibeenna. A caammay saꞌaa mintti yedhdhanawu keehi maaddiya heezzu achcha galbbaa gatti oyttidoogaappe oosettiis. He caammay keehi gamꞌꞌanaadaaninne wottanawu injjetanaadan giigiis. Rooma wotaaddarati wottiyo caammay wottidi olawu biyooba; shin Kiristtaaneti wottiyo leemiso caammay eti sarotettaabaa yootanaadan maaddiyaaba. (Isi. 52:7; Roo. 10:15) Gidikkokka, injjetiyo wode yootanawu xalana koshshees. Boo giyo 20 laytta naꞌay, “Tanaara tamaariyaageetussi markkattanawu kase yayyays” yaagiis. Gujjidikka, “Taani he wode yeellatays. Kasebaa qoppiyo wode, taani ayssi hegaadan hanidaakko erikke. Ta lagge gidiyaageetussi markkattiyoogee haꞌꞌi tana ufayssees” yaagiis. Daro yelagati loytti giigettiyo wode, mishiraachchuwaa yootanawu ufayttiyoogaa akeekidosona. w18.05 29 ¶9-11

Yesuusi, “Ta sarotettaa intteyyo immais” yaagidi yootiis. (Yoh. 14:27) He imotay, hegeekka, A sarotettay nuuni ayfiyaa ayfanaadan waati maaddii? Nuuni gencciyo wode, Yihoowaynne Yesuusi nuna nashshiyoogaa eriyo gishshawu, nu wozanan xayenna sarotettay deꞌees. (Maz. 149:4; Roo. 5:3, 4; Qol. 3:15) Yesuusi I kiittidoogeeti ‘daro ufayttanaadan’ koyiyoogaa yooti simmidi, issi uri ba goꞌꞌaa aggibayidi siiqiyoogee keehi koshshiyoogaa odiis. (Yoh. 15:11-13) Guyyeppe I eta, “Taani inttena ta laggeta gaas” yaagiis. Yesuusaara laggetiyoogee keehi gita imota! Kiitettidaageeti A lagge gididi deꞌanawu ay oottana koshshii? Eti ubbatoo “aifiyaa aifana” koshshees. (Yoh. 15:14-16) Hegaappe naaꞌꞌaa gidiya layttaa kasetidi, Yesuusi I kiittidoogeeti sabbakanaadan azaziiddi, “Saluwaa kawotettai matattiis” yaagiis. (Maa. 10:7) Hegaa gishshawu, I hayqqanaappe kase qammi, eti doommido oosuwan genccanaadan eta minttettiis.—Maa. 24:13; Mar. 3:14. w18.05 20-21 ¶15-16

Yelagatoo Yihoowawu haggaazanawu kuuyite. Hegaa giyoogee intte intte deꞌuwan ayyaanaabaa halchcheeta giyoogaa. Intte lagge yelagati bantta deꞌuwan loꞌꞌo wodiyaa aattiyoogaa xallaa halchchana danddayoosona; qassi intte etaara wodiyaa aattanaadan eti shoobbana danddayoosona. Intte halchchidobaa polanawu murttidoogaa issi wode bessana koshshees. Intte intte halchchuwaa doganaadan harati oottana mala paqqadoppite. Intte harati koyiyoobaa oottanaadan eti denttettiyoogaa eqettana danddayiyo daro ogee deꞌees. Leemisuwawu, intte paacettanaadan oottiya hanotaappe haakkite. (Lee. 22:3) Bala gididabaa oottiyoogee kaalettiyo azzanttiyaabaa qoppite. Inttessi zoree koshshiyoogaa intte huuphiyaa kawushshidi ammanite. Intte aawaynne aayyiyaa, qassi intte gubaaꞌiyan deꞌiya kayma ishanttinne michchontti intteyyo yootiyoobaa siyite. (1 PHe. 5:5, 6) Loꞌꞌo zoriyaa ekkanawu intte huuphiyaa kawushsheetii? w18.04 28-29 ¶14-16

Yesuusi Qeeri Isiyan deꞌiya amarida gubaaꞌetun deꞌiya A kaalliyaageeti oottidobaa gishshawu eta galatiis. Leemisuwawu, I Tiyaaxiroona gubaaꞌiyawu hagaadan giidi doommiis: “Taani ne oosuwaa, ne siiquwaa, ne ammanuwaa, ne maaduwaanne ne genccaa erais; neeni koiro oottiyoogaappe ha77i darissada oottiyoogaa taani erais.” (Ajj. 2:19) Yesuusi eti minnidi oottiyoogaa odiyoogaa xalla gidennan, eti he loꞌꞌo oosuwaa oottanaadan denttettida eeshshaa gishshawukka eta galatiis. Yesuusi Tiyaaxiroonan deꞌiya amaridaageeta zorana koshshikkonne, I etassi yootiyoogaa doommiyo wodenne wurssiyo wode eta minttettiis. (Ajj. 2:25-27) Gubaaꞌetu ubbawu huuphe gidiyoogaadan Yesuusawu deꞌiya maataa qoppa. Nuuni ayyo oottiyoobaa gishshawu I nuna galatana bessenna. Gidikkonne, I nuna galatees. I cimatuyyo keehippe loꞌꞌo leemiso! w19.02 16 ¶10

Koyro xeetu layttan deꞌiya bolla gididi heemmiyaagee kaalettiyaageetakka ubba Kiristtaanetakka minttettiyaagaa gidiyoogaa bessiis. Eti bantta yame gidida PHeexiroosinne Yohaannisi mati Kiristtaane gididaageeti geeshsha ayyaanaa ekkanaadan etawu woossana mala kiittidosona. (Oos. 8:5, 14-17) Bolla gididi heemmiyaagee maaddidoogan Piliphphoosi, ooratta ishanttinne michchontti keehi minettidosona! Ha wodiyan, Yihoowa Markkata Bolla Gididi Heemmiyaagee Beeteele keettaa asaa yarata, kumetta wodiyaa dumma haggaazuwaa haggaaziyaageetanne kumetta saꞌan deꞌiya ishanttu maabaraa yame gidida tumu Kiristtaaneta minttettees. Koyro xeetu layttan deꞌida ishanttuugaadan, minttettoy nunakka keehi ufayssees! Hegaa bollikka, Bolla Gididi Heemmiyaagee 2015n attamissido Yihoowakko Simma giyo brooshuree kumetta saꞌan deꞌiyaageeti minttettuwaa demmanaadan maaddiis. w18.04 19 ¶18-20

Daro laꞌatettaa demmiyoogee yaa injjetanaadan oottees giidi asay qoppees, shin zawi baynna laꞌatettaa demmiyoogee naaꞌꞌu baggaykka qara gidido mashshaa mala. Laꞌatettawu teqetti baynnaakko alamee ay mala gidanaakko qoppiyo wode dozhggu oottees. Yaatiyo gishshawu, Ze World Buuk Insaykilopidiyaa giyo maxaafay, “Ubba deretettan deꞌiya wogay laꞌatettaakka teqettaakka likkidi kessido shikkaalettidaba” yaagees. “SHikkaalettidaba” giya qaalay hegawu bessiya qaala. Higgiyaa birshshiyaanne naagissiya daro afkaatotanne daannata aggiyaakkonne, asi xaafido qoodin wurenna higgeta ane qoppa. Yesuusi yootido he kaaletoy tumu laꞌatettaa demmanawu naaꞌꞌubay koyettiyoogaa qonccissees; hegeetikka koyruwan, I tamaarissido tumaa ekkiyoogaanne naaꞌꞌanttuwan, I erissiyo ashkkara gidiyoogaa. Yaatiyoogee tumu laꞌatettaa demissees. SHin hegee aybippe laꞌa kessii? Yesuusi gujjidi, “Nagara oottiya ooninne nagara aille. . . . Na7ai inttena ailletettaappe kessikko, intte ailletettaappe intte tumu kiyana” yaagiis.—Yoh. 8:34, 36. w18.04 6-7 ¶13-14

Nuussi siyettiyaabawunne nu ufayssawu qoppiya asaa giddon deꞌiyoogee nuna ufayssees. Eti nu hanotaa qoppidi nuussi siyettiyaabaa akeekanawu baaxetoosona. Eti nuussi koshshiyaabaa akeekidi, haray atto maaddanaadan nuuni oychchanaappe kase maaddoosona. Haratussi siyettiyaabaa akeekiya woy ‘qarettiya’ asaa, hegeekka nuussi qoppiya asaa nuuni nashshoos. Nuuni tumu Kiristtaaneti ubbay haratussi siyettiyaabaa akeekanawu koyoos. SHin, yaatiyoogee issi issitoo metana danddayees. Aybissi? Issi gaasoy, nuuni nagaranchcha gidiyoogaa. (Roo. 3:23) Meretan nuuni qoppiyo waannabay nubaa. Hegaa gishshawu, nuuni haratussi qoppanawu minnidi baaxetana koshshees. Qassi nuuppe issoti issoti diccido hanotaappe woy issi wode eta gakkidabaappe denddidaagan haratussi siyettiyaabaa akeekanawu metootana danddayoosona. Wurssettan, nu yuushuwan deꞌiya asaa qofay nu xeelaa moorana danddayees. Ha wurssetta gallassatun, daroti haratussi siyettiyaabaa akeekokkona. Eti “banttana siiqiyaageeta.” (2 Xim. 3:1, 2) Nuuni Xoossaa Yihoowanne A Naꞌaa Yesuus Kiristtoosa leemisuwaa kaallikko, kaseegaappe aaruwan asawu siyettiyaabaa akeekana. w19.03 14 ¶1-3

Tammu Azazotuppe wurssettaagee iitabaa amottiyoogaa, woy hara asabaa qaaqqatiyoogaa diggees. (Zaa. 5:21; Roo. 7:7) Yihooway goꞌꞌiyaabaa tamaarissanawu ha higgiyaa immiis; A asay ba wozanaa naagana bessees, hegee ba qofaanne bawu siyettiyaabaa naagana bessees giyoogaa. Iita oosoy iita qofan doommiyoogaa I erees. Leemisuwawu, Kawuwaa Daawiti hegaa mala balabaa oottiis. I loꞌꞌo asa. SHin issi wode, I hara asa machchiyo amottiis. Amoy A nagaraa ootissiis. (Yaaq. 1:14, 15) Daawiti wodiraa laammiis, maccaasee azinaa cimmanawu maliis, qassi guyyeppe A worissiis. (2 Sam. 11:2-4; 12:7-11) Yihooway issi urawu bolla baggaara beettiyaaba xallaa xeellenna. I nu wozanan deꞌiyaabaa beꞌees. (1 Sam. 16:7) Appe geemmana danddayiya qofaynne oosoy baawa. I nu wozanan deꞌiya loꞌꞌobaa koyidi nuna minttettees. SHin bala qofay nuna iitabaa ootissanaappe kase nuuni hegaa shaakki eridi naagettanaadan I koyees.—2 Odi. 16:9; Maa. 5:27-30. w19.02 21 ¶9; 22 ¶11

Geeshsha Maxaafay, “Muusee biittan sa7an ubban de7iya asaa ubbaappe aadhdhiya ashkke asa” yaagees. (Qoo. 12:3) Hegaa giyoogee I kuuyanawu yayyiya laafa, woykko harati eqettiyo wode minni eqqanawu yayyiyaagaa giyoogee? Issi issi asati ashkke ura hegaadan qonccissana danddayoosona. Gidoppe attin, hegee tuma gidenna. Xoossaa ashkkaray Muusee minonne issibawu murttanaassi xala. I Yihoowa maaduwan Gibxxe biittaa haariya wolqqaamaa haasayissiis, Israaꞌeelata bazzuwan kaalettiisinne eti bantta morkketa xoonanaadan maaddiis; Israaꞌeelati 3,000,000 gidennan waayi aggana. Muuseegaa mala metoy nuna gakkana xayikkokka, galla galla ashkketettaa bessanawu metiya asaara gayttoos, qassi hegaadan metiya dumma dumma hanotay nuna gakkees. SHin ha eeshshan loohidaageeta gidanawu nuna denttettiya gitabay deꞌees. Yihooway “ashkketi biittaa laattana” yaagidi qaalaa geliis. (Maz. 37:11) Nena ashkke asadan xeellay? Harati shin, nena ashkke asadan xeelliyoonaa? w19.02 8 ¶1-2

Asi saꞌan deꞌiyoogaa doommoosappe asawu kahay deꞌees. Addaameenne Hewaana Yihoowa higgiyaa kantti simmidi qosettidosona. Hegee eti bantta kahan zilꞌꞌettidoogaa bessees. Kahaa maara loohissibeenna asi moorettida komppaasiyaa kaallidi laaggiyo markkabiyaa mala. Suure komppaasee baynnan markkabiyaa laaggiyoogee balettana danddayees. Carkkoynne abbaa beetay markkabiyaa biyo ginaappe deshissana danddayees. Loytti giigissido komppaasee markkabiyaa laaggiyaagee biyo ginaappe deshennan laagganaadan maaddees. Kandduwaaban nu kahay komppaase mala. I nuna likke ginan kaalettana danddayiya, iitaanne kehaa nu wozanan shaakki eranaadan maaddiyaaba. SHin nu kahay nuna suure kaalettana mala loytti giigissidoba gidana bessees. Issi ura kahay maara loohana xayikko, iitabaa oottennaadan teqqenna. (1 Xim. 4:1, 2) Hegaa mala kahay nuuni “iitaa lo77o” gaanaadan oottana danddayees. w18.06 16 ¶1-3

Alamiyaa qofay keehi qonccennan odettiyo wodekka nuuni akeekananne eqettana bessees. Leemisuwawu, issi issi odoti amarida polotikaa qofata nashshiyoogan odettoosona. Qassi odettiya issi issibay halchchettidabaaninne oosettidaban alamiyaa asay nashshiyoobaa aassees. “Bana kaseyiyoogaa” qassi “so asaa kaseyiyoogaa” bessiyaaba, ufayssiyaabanne ubba qassi likkeba milatissidi issi issi pilimetinne maxaafati qonccissoosona. Nuuni Yihoowa aybippenne aaruwan siiqiyo wode, nuunikka nu so asaykka ufayttanaagaa Geeshsha Maxaafay yootiyoogaa hegaa mala qofay xaasayees. (Maa. 22:36-39) Hegee loꞌꞌoban allaxxiyoogee bala giyoogaa gidenna. Gidikkokka, ha oyshata nuna oychchiyoogee loꞌꞌo: ‘Alamee tamaarissiyoobati geeman odettiyo wodekka nuuni akeekiyoo? Issi issi televizhiine prograametuppe woy xuufetuppe nu naatikka nuunikka naagettiyoo? Nuuni nu naati siyiyoonne beꞌiyo alamiyaa qofay eta qohenna mala hanotata eti Yihoowaagaadan xeellana mala maaddiyoo?’ w18.11 22 ¶18-19

Yihooway nu hanotaa ubbaa kaalliyoogaaninne nuuyyo qarettiyoogan nunaara deꞌiyoogaa bessees. I nuussi wozanappe qarettiyoogaa woygidi qonccissiyaakko beꞌa. Yihooway, ‘Neeni ta sinttan alꞌꞌonne bonchcho, qassi taani nena siiqays’ yaagees. (Isi. 43:4) Yihooway baassi haggaaziyaageeta siiqennaadan diggana danddayiyaabi saluwankka saꞌankka aybinne baa; I awudenne nuussi ammanettiya Xoossaa. (Isi. 54:10) Deꞌoy keehi wayssanaadan oottiya paaceta digganawu Yihooway qaalaa gelenna, shin metuwaa ‘shaafay’ nuna muukkanaadan woy paaciyaa ‘lacoy’ nuna muleera qohanaadan eeno geenna. SHin he metuwaa ‘gidduwaara pinnanaadan’ nuna maaddiyoogan nunaara deꞌanaagaa yootees. Yihooway waatanee? Nuna woriyaabi gakkikkonne nuuni ayyo ammanettidi deꞌana mala yayyennaadan I nuna maaddana. (Isi. 41:13; 43:2) Xoossay ‘Taani nenaara daꞌays’ giidi gelido qaalan ammanettiyo wode, nuunikka metuwan gencciiddi xalana danddayoos. w19.01 3 ¶4-6

Neeni yelaga gidikko, asttamaareti, zoriyaageeti woy harati neeni xoqqa timirttiyaa tamaarada daro damoozaa demissiya ooso oyqqanaadan nena minttettennan waayi aggana. SHin, Yihooway neeni hegaappe dumma ogiyaa kaallanaadan zorees. Neeni timirttiyaa wurssa simmada deꞌossi koshshiyaabaa demmana mala minna tamaaranaadan I koyees. (Qol. 3:23) SHin, ne kaseyana bessiyaabaa kuuyiyo wode, ha wurssetta wodiyan I nuuyyo halchchidobaanne qoppidobaa bessiya maaraa neeni kaallana mala I minttettees. (Maa. 24:14) Yihooway ha alamee xayiyo wodee ay keena matattidaakko I loytti erees. (Isi. 46:10; Maa. 24:3, 36) I nena ufayssiyaabaanne ufayssennabaa erees. Yaatiyo gishshawu, asa zoree ay keena loꞌꞌo milatikkonne, Xoossaa Qaalaa kaallana xayikko, hegee mule eratetta gidenna. w18.12 19 ¶1-2

“Ashkketi biittaa laattana; eti sarotettaaninne duretettaani ufaittidi daana.” Daawiti, “Xilloti biittaa laattananne yan merinau de7ana” yaagidikka sinttappe hananabaa ayyaanay denttettin yootiis. (Maz. 37:11, 29; 2 Sam. 23:2) He ammanttiya yohoti Xoossaa sheniyaa oottanawu koyiyaageeta waati maaddidosona gaada qoppay? Saꞌan xillo asa xallay daanaba gidikko, wodeppe Edene ataakiltte soho mala gannatee saꞌan deꞌana giidi eti naaganaadan oottiyaabay dees. Yihoowawu haggaazoos giya daro Israaꞌeelati daro layttaa giddon anne tumu goynuwaa aggidosona. Hegaa gishshawu, Xoossay Baabilooneti ba asaa xoonanaadan, eta biittaa bashshanaadaaninne etappe darota omooddidi efaanaadan oottiis. (2 Odi. 36:15-21; Erm. 4:22-27) Gidikkonne, Xoossay kiittin hiraagaa yootiyaageeti A asay bantta biitti 70 layttappe guyyiyan simmanaagaa yootidosona. He hiraagati polettidosona. SHin hegeeti sinttappe saꞌay gannate gidanaagaa naaganaadan nunakka maaddoosona. w18.12 4 ¶9-10

Ha alame zoree Geeshsha Maxaafaa qofaara maayenna. SHin ha wodiyan alamiyaa zoree Geeshsha Maxaafaa zoriyaappe aaruwan maaddii? Yesuusi, “Aadhdhida eratettai ba oosuwan tuma gididi beettees” yaagiis. (Maa. 11:19) Alamee tekinolojiyan keehi dicciis; shin olaa, zariyan shaakkiyoogaa, danobaanne ufayssawu xube gidida hegaa mala gita metota xayssana danddayibeenna. Qassi alamee pokkobaa coꞌꞌu giidi xeelliyoogaa shin? Hegee so asay shaahettiyoogaa, sahuwaanne hegaa mala metuwaa qaariyoogaappe, ubba yaa gujjiyoogaa daroti akeekidosona. SHin, Xoossaagaadan qoppiya Kiristtaaneti so asaara kaseegaappe dabbotay minnin, kandduwaa geeshshatettan goꞌettidi, qassi kumettaa saꞌan deꞌiya bantta mala Kiristtaanetuura sarotettan deꞌoosona. (Isi. 2:4; Oos. 10:34, 35; 1 Qor. 6:9-11) Hagee Yihoowa qofay alamiyaa qofaappe keehi aadhdhiyoogaa bessiyaaba gidennee? w18.11 20 ¶8-10

Nuuni so asaara dabbotan deꞌanawunne etawu kehanawu baaxetikkonne, eta ufayssanawu tumaa aggennaadan naagettana bessees. Nu so asaara sarotettan deꞌanawu baaxetiyoogaa aggana xayikkonne Yihoowa siiqiyaageetu xalaalaa nuussi mata lagge oottana. Tuman hemettiyaageeti ubbay geeshsha gidana bessees. (Isi. 35:8; 1 PHe. 1:14-16) Nuuni ubbay tumaa ekkido wode, Geeshsha Maxaafan deꞌiya xillotettaa maaraadan deꞌanawu laamettana koshshiis. Issoti issoti gita laame laamettana koshshiis. Kase nu ay mala asa gidikkonne, geeshshanne xillo gidida nu hanotaa ha alamiyaa tunabaaninne pokkoban nuuni laammana bessenna. Nuuni pokkobaa oottennaadan waanidi naagettana danddayiyoo? Geeshsha gidana mala, Yihooway nuussi qanxxido alꞌꞌobaa, hegeekka A Naꞌaa Yesuus Kiristtoosa alꞌꞌo suuttaa qoppa. (1 PHe. 1:18, 19) Nuuni Yihoowa sinttan geeshsha gididi deꞌanawu, Yesuusa wozuwaa yarshshuwaa goꞌꞌaa nu qofaaninne wozanan ubbatoo xoqqu ootti xeellana koshshees. w18.11 11 ¶10-11

Ubba wode haggaaziya daroti eta hanotay laamettiyo wodekka, aggennan haggaaziyoogee eti ufayttiyaageetanne loꞌꞌo xeelay deꞌiyoogeeta gidanaadan maaddiyoogaa yootoosona. Eta leemisoy bessiyoogaadan, danddayettida keenan nu hanotaa loyttikko, qassi ammanettidi Yihoowa naagikko nuuni sarotettan deꞌana. (Mik. 7:7) Ooratta hanotaara meezetiyoogee ayyaanaaban keehi maaddiyoogaakka nuuni akeekana danddayoos. Ha alamiyan nu deꞌoy qoppennan laamettana danddayees. Nuuyyo Yihoowa haggaazuwan ooratta oosoy immettana danddayees, nuuni sahettana danddayoos, woy nu soo asawu koshshiyaabaa kunttana bessees. SHin aybi gakkikkonne, Yihooway neessi koshshiyaabaa kunttanaagaanne bessiya wodiyan nena maaddanaagaa ammanetta. (Ibr. 4:16; 1 PHe. 5:6, 7) He wode gakkanaassi, ne hanotaa loyttanawu danddayettida ubbabaa oottanawu baaxeta. Ne Aawaa Yihoowa woossa; qassi kumetta wozanappe an zemppiyoogaa tamaara. Yaatiyoogan, hanotay laamettikkonne, neenikka sarotettan deꞌana. w18.10 30 ¶17; 31 ¶19, 22

Yihooway ba ashkkaratuyyo qoppiyoogaa bessiya daro leemisota Geeshsha Maxaafay yootees. Leemisuwawu, yelaga Sameeli Qeese Ubbatu Halaqaa Eelawu pirddaa yootanaadan kiitettido wode Xoossay ayyo qoppidoogaa 1 Sameela 3:1-18y yootees. Naati cimata, ubba qassi deriyaa haariyaageeta bonchchanaadan Yihooway Higgiyan azaziis. (Kes. 22:28; Wog. 19:32) Sameeli maallado Eelakko biidi Xoossay pirddido yashshiyaabaa xalidi yootana gaada neeni qoppay? Yootennaagee qoncce! Geeshsha Maxaafay Sameeli “ajjuutaabaa Eelayyo yootanau” yayyidoogaa yootees. SHin Xoossay Sameela I xeesidoogaa Eelawu qonccissiis. Hegaappe denddidaagan, Eeli Sameeli yayyennan ‘issibaanne qottennan’ yootanaadan minttettiis. Sameeli eeno giidi “ubbabaa Eelayyo yootiis.” Sameeli yootidobay kase odettidobaara maayees. (1 Sam. 2:27-36) Sameelabaanne Eelabaa yootiya taarikee Yihooway ay keena qoppiyaakkonne I ay keena aadhdhida eranchchakko bessees. w18.09 23 ¶2; 24 ¶4-5

Ha wodiyan asay worddotiyoogee meeze gididaba. Y. Bottacharji xaafido, “Nuuni Worddotiyo Gaasuwaa” giya xuufee yootiyoogaadan, “worddotiyoogee asay agganawu keehi metiya eeshsha gidiyoogee erettiis.” Asay qohettennaadan woy kawuyyennaadan woykko diccanawu giidi darotoo worddotees. Eti balidobaanne mooridobaa genttanawu woy miishshan woykko haraban goꞌettanawu worddotoosona. He xuufee yootiyoogaadan, “etaara erettennaageetussi, issippe oottiyaageetussi, laggetussinne siiqiyoogeetussi gitaban guuttaban coo worddotiya” asay deꞌees. Ha ubba worddoy ay kaalettii? Ammanettennaadaaninne dabbotay moorettanaadan oottana danddayees. Mazamuraawee Daawiti hagaadan giidi Yihoowa woossiis: “Neeni wozana giddo tumatettaa amottaasa.” (Maz. 51:6) Tumay nu wozanaa giddoppe kiyiyoogaa Daawiti erees. Tumu Kiristtaaneti bantta deꞌuwan ubbaban ‘issoi issuwaara tumaa haasayoosona.’—Zak. 8:16. w18.10 7 ¶4; 8 ¶9-10; 10 ¶19

Israaꞌeelati 1513n K.K., Gibxxeppe kiyiyo wode, eta qooday heezzu miilooneppe darennan waayi aggana. Eti heezzu woy oyddu yeleta asa; naati, cimati, qassi sahettiya woy bollan pacay deꞌiyo amaridaageeti eta giddon deꞌiyoogee qoncce. Hegaa keena cora asaa Gibxxeppe kessanawu eta Kaalettiya, eta hanotaa akeekiyaanne etassi qoppiya uri koshshiyoogee erettidaagaa. Muuse baggaara Yihooway etawu hegaadan haniis. Hegaappe denddidaagan, Israaꞌeelati appe haraa erenna biittaappe hirggennan kiyidosona. (Maz. 78:52, 53) Yihooway waatidi ba asay hirggennaadaaninne woppu gaanaadan oottidee? Issibay, ‘olawu giigidabadan’ ootti darajjayidi eta Gibxxeppe kaaletti kessiis. (Kes. 13:18) Hegaadan darajjayettidoogee Israaꞌeelati bantta Xoossay banttana naagiyoogaa ammanettanaadan oottidoogee qoncce. Qassi, Yihooway “gallassi shaaran, qammi tamaa poo7uwan” I etaara deꞌiyoogee qonccanaadan oottiis. (Maz. 78:14) Hegee Yihooway, “Yayyoppa. Nena kaalettanawunne naaganawu taani nenaara deꞌays” giidoogaa mala. w18.09 26 ¶11-12

Beni wode, ammanettidi Xoossawu haggaazida issoti issoti bantta hanotan keehi unꞌꞌettidi hayqqanawu koyidosona. Leemisuwawu, keehi waayettida Iyyoobi, “Taani ta de7uwaa karaas; taani merinau de7anau koyikke” yaagiis. (Iyy. 7:16) Yoonaasi baassi imettida oosuwan hanidaban keehi azzanidi hagaadan giis: “Abeet GODAU, ha77i simmi hai hayyanaa tana wora; paxa de7iyoogaappe haiqqiyoogee taayyo keha.” (Yona. 4: 3) Hananabaa yootiya ammanettida Eelassikka issi wode bana gakkidaban keehi azzanidi hayqqanawu woossiis. I, “Abeet GODAU, taayyo gidana. . . . Ta shemppuwaa ekka” yaagiis. (1 Kaw. 19:4) Gidikkonne, Yihooway baassi ammanettidi oottida he asata nashshiis; qassi eti paxa deꞌanaadan koyiis. Etawu siyettidaban eta boriyoogaappe, eti hayquwaa amottiyoogaa agganaadan I maaddiis; qassi eti ubbatoo ammanettidi ayyo haggaazanaadan siiquwan eta minttettiis. w18.09 13 ¶4

Xoossaara issippe oottiyaageeti imattaa mokkiyoogan erettoosona. Giriiketto Geeshsha Maxaafan, “imattaa mokkiyoogaa” geetetti birshshettidaagee “imattawu kehiyoogaa” giyoogaa. (Ibr. 13:2) Nuuni hegaadan siiqanaadan tamaarissiya hanotata Xoossaa Qaalay yootees. (Doo. 18:1-5) Eti ‘nunaara ammanuwan deꞌiyaageeta’ gidin aggin, nuuni harata ubbatoo maaddana danddayiyo hanotaa koyana danddayoos; qassi yaatana koshshees. (Gal. 6:10) Aqiyo sohoy koshshiyo, kumetta wodiyaa haggaaziyaageeta mokkiyoogan Yihoowaara issippe oottana danddayay? (3 Yoh. 5, 8) Hegaa mala hanotay darotoo nuuni ‘issoy issuwaa minttettanaadan’ oottees. (Roo. 1:11, 12) Attumaageeti gubaaꞌiyawu oottanawunne cima gidanawu baaxetiyoogan Yihoowaara issippe oottanaadan Xoossaa Qaalay minttettees. (1 Xim. 3:1, 8, 9; 1 PHe. 5:2, 3) Hegaadan oottiyaageeti ayyaanaabankka harabankka harata maaddanawu koyoosona. (Oos. 6:1-4) Gubaaꞌiyawu koshshiya hegaa malabaa oottiyaageeti harata maaddiyoogee keehi ufayssiyoogaa neeyyo yootana. w18.08 24 ¶6-7; 25 ¶10

Ximootiyoosawu cima ishanttu bolli guutta maatay deꞌikkonne, I etawu qarettananne eta bonchchana koshshees. SHin he maaraa nuuni ay keena kaallanee? Leemisuwawu, issi cima asi eriiddi nagaraa oottikko woy Yihoowa ufayssennabaa yootikko, nuuni A qofaa coo maayana koshshees giyoogee? Yihooway beꞌiyooban coo pirddenna; qassi I eriiddi nagara oottida uri cima gidiyo gishsha xallawu ayyo atto geenna. Isiyaasa 65:20y nagaranchchay xeetu layttaa deꞌikkonne ‘qanggettidabadan qoodettanaagaa’ yootiyo maaraa akeeka. Hizqqeeli beꞌido ajjuutaykka hegaa mala maaraa qonccissees. (Hiz. 9:5-7) Yaatiyo gishshawu, nuna ubbatoo qofissana bessiya waannabay Merinaasappe Deꞌiyaagaa, Xoossaa Yihoowa bonchchiyoogaa. (Dane. 7:9, 10, 13, 14) Nuuni yaatikko, zoree koshshiyo urawu layttay ay keena gidikkonne, A zoranawu yayyokko.—Gal. 6:1 w18.08 11 ¶13-14

Nuuni tumu Kiristtaaneti issi qofaa yiggi xeellidi likkebaa kuuyana danddayiyaageeta gidana koshshees. (Lee. 3:21-23; 8:4, 5) Nuuni yaatan danddayennaba gidikko, Seexaanaynne A alamee nu qofaa mooranawu oottiyooban eesuwan qohettana. (Efi. 5:6; Qol. 2:8) Nuuni likkebaa kuuyana danddayiyoy tumubaa eriyo wode xallaana. Ha wodiyan asay darobaa siyees. Interneettiyaa websaytetun, televizhiiniyaaninne hegaa mala haraban zawi baynna dumma dumma qofay odettees. Daro asawu qassi laggetinne eti eriyo asati imeeliyaa, moobayliyaa kiitaanne hanidabaa oduwaa zulissoosona. Eriiddi wordduwaa yootiyoogeenne tumaa geellayiyoogee meeze gidido gishshawu, nuuni siyiyoobaa akeekan yiggi xelliyo loꞌꞌo gaasoy deꞌees. w18.08 3 ¶1, 3

Xoossaa Naꞌay asa gididi yelettiyo wodee gakkin, bana ziqqi oottiya geelaꞌiyaa Mayraama ha dumma naꞌaa aayo gidanaadan Yihooway O dooriis. Mayraama Beetaliheemeppenne A gita beeta maqidasiyaappe keehi haakkiya guutta kataman Naazireeten deꞌaasu. (Luq. 1:26-33) Mayraama ayyaanaaban kayma gidiyoogee guyyeppe A ba dabbee Elssaabeexissi yootidoban qoncciis. (Luq. 1:46-55) Yihooway tumukka Mayraamo xeelliis, qassi A ammanettido gishshawu, A qoppabeenna he maataa iyyo immiis. Mayraama guyyeppe Yesuusa yeliyo wode, Yihooway Yerusalaameeninne Beetaliheemen deꞌiya erettida sunttatussi woy deriyaa haariya asatussi hanidabaa erissidi eta bonchchibeenna. Kiitanchchati Beetaliheemeppe gaxan deriyan dorssaa heemmiya hiyyeesa henttanchchatussi qonccidosona. (Luq. 2:8-14) Hegaappe simmin, he henttanchchati biidi yelettida naꞌaa beꞌidosona. (Luq. 2:15-17) Yesuusi hegaadan bonchchettidoogaa beꞌidi, Mayraamanne Yooseefi ay keena ufayttidonaashsha! w18.07 9-10 ¶11-12

Yihooway Solomona keehi hanqqettidoy aybissee? Geeshsha Maxaafay hagaadan gees: “Ayyo naa77utoo qonccida GODAAPPE . . . , Solomona wozanai wora simmido gishshau, GODAI a hanqqettiis. Hara xoossata kaallennaadan GODAI Solomona azaziis; gidikkonne, Solomoni GODAA azazuwaa naagibeenna.” Hegaappe denddidaagan, Xoossay A nashshiyoogaanne maaddiyoogaa aggiis. Solomona zareti kumetta Israaꞌeela kawotettan haaribookkona; qassi xeetan qoodettiya layttawu eta wolqqaama metoy gakkiis. (1 Kaw. 11:9-13) Solomona hanotaappe akeekiyoogaadan, ayyaanaaban qohettanaadan oottiyaabaappe issoy Yihooway kessido maarata akeekennanne bonchchenna asatuura laggetiyoogaa. Issoti issoti gubaaꞌiyaa yame gidana danddayoosona, shin eti Yihoowaara dabbotaa minttibookkona. Harati qassi Yihoowayyo goynnenna dabbota, shoorota, issippe oottiyaageeta, woy issippe tamaariyaageeta gidana danddayoosona. Nu mata laggeti Yihooway kessido maarata xaasayi xeelliyaageeta gidikko, eti Xoossaara nu dabbotido dabbotaa wurssettan moorana danddayoosona. w18.07 19 ¶9-10

Seexaanay ba qofaa aassanawu pilmetanne televizhiiniyaa prograameta goꞌettees. Seexaanay taarikee nuna ufayssiyoogaa xalla gidennan, A qofaa, ayyo siyettiyaabaanne I oottiyoobaa nuuni tamaaranaadan oottiyoogaa erees. Yesuusi tamaarissanawu taarikiyaa loytti goꞌettiis. Leemisuwawu, I Samaare biittaa bitaniyaabaanne sooppe kiyi biidi ba laattido aquwaa xayssida naꞌaabaa yootido taarikiyaa akeeka. (Maa. 13:34; Luq. 10:29-37; 15:11-32) SHin, Seexaanaa qofan eta qofay moorettido asati nu qofaa mooranawu taarikiyaa goꞌettana danddayoosona. Nuuni akeekanchcha gidana koshshees. Pilmetuuninne televizhiiniyaa prograametun nu qofay moorettennan, etan ufayttananne etappe tamaarana danddayoos. Gidikkokka, nuuni naagettana bessees. Nuuni wodiyaa aattiyoobaa dooriyo wode, nuna hagaadan oychchana koshshees: ‘Ha pilmee woy televizhiiniyaa prograamee taani asatettaa amuwaa polikkokka aynne baa gaada qoppanaadan oottii?’ (Gal. 5:19-21; Efi. 2:1-3) Issi prograamee Seexaanaa qofaa aassiyoogaa neeni akeekikko, waatana bessii? Asappe asa oyqqiya harggiyaagaadan neeni hegaappe haakka! w19.01 15-16 ¶6-7

Birata qophee wotaaddaraa guuggiyaa naagiyoogaadan, nu ‘atotettaa hidootay’ nu qofaa naagees. (1 Tas. 5:8; Lee. 3:21) Nuuni nu birata qophiyaa digganaadan Seexaanay waatidi denttettana danddayii? I Yesuusa waatidaakko qoppa. Yesuusi guyyeppe asaa haaranawu hidootan naagiyoogaa Seexaanay eriyoogee qoncce. SHin Yihooway keerido wodee gakkanaashin Yesuusi naagana koshshees. Qassi hegaappe kase I waayettidi hayqqana koshshees. Hegaa gishshawu, he hidootay eesuwan polettiyo qaaday deꞌiyoogaa Seexaanay Yesuusawu yootiis. Yesuusi issitoo ayyo goynnikko, he ubbabaa sohuwaara demmanaagaa Seexaanay yootiis. (Luq. 4:5-7) Hegaadankka, nuuyyo asatettan maaddiyaabaa Yihooway ooratta alamiyan immanaagaa Seexaanay erees. SHin nuuni naagana koshshees, qassi hegee gakkanaashin waayettana danddayoos. Yaatiyo gishshawu, nuuni hegaa mala deꞌuwaa haꞌꞌi deꞌanawu paacettanaadan oottiyaabaa Seexaanay giigissees. I nuuni kasetidi asatettan goꞌꞌiya ubbabaa haꞌꞌi demmanawu qaaqqatanaadan koyees. Xoossaa Kawotettaa naaꞌꞌanttuwan koyanaadan Seexaanay nuna denttettees.—Maa. 6:31-33. w18.05 30-31 ¶15-17

Ee, yelagatettan neeni ufayttanaadan Yihooway koyees. Neeni kuuyiyo wodenne ayyaanaabaa halchchiyo wode Yihoowa zoriyaa kaalla. Neeni naatettan hegaadan oottiyoogaa doommikko, Yihooway nena kaalettanaagaa, naaganaagaanne anjjanaagaa sohuwaara neeni akeekana. Xoossaa Qaalaappe neeni demmiyo maaddiya zore ubbaa qoppa; “Ne yelagatettaa laittan nena Medhdhidaagaa qoppa” giya zoriyaa oosuwan peeshsha. (Era. 12:1) Gubaaꞌiyan deꞌiya yelagati bantta deꞌuwan Yihoowawu haggaazanawu murttido gishshawu wozanappe galatana bessees. Yelagati hegaadan oottiyoy ayyaanaaban halchchidobawu baaxetiyoogaananne sabbakiyo oosuwaa aybippenne kaseyiyoogaana. Hegaa bollikka, ha alamee eta qofay shaahettanaadan oottenna mala eti qofaa qachchidosona. Yelagati minnidi oottidobay hada gidennaagaa ammanettana danddayoosona. Eta ishanttinne michchontti eta siiquwan maaddoosona; qassi eti bantta huuphiyaa Yihoowawu hadaraa immiyo wode, eti deꞌuwan halchchidobay polettana. w18.04 29 ¶17, 19