Hayyanintta Kaallidi Maaddite (S-43) Yaagiya Qitsiyaa Goꞌettiyo Ogiyaa
Ha qitsiyaa kunttana koshshiyoy, koshshay deꞌiyo, intte demmiyo uri intte moottan deꞌiya asa gidenna wode woy kare biittaa qaalaa haasayiya ura gidiyo wode. Hagaappe kase koshshay deꞌin aggin, kare biittaa qaalaa haasayiya uraa demmiyo wode nuuni he qitsiyaa goꞌettidaba gidikkonne, haꞌꞌi he uri koshshay deꞌiyoogaa gidiyo wode xallan goꞌettoos. Hanotay hegaappe dumma gidiyoy he uri hayttay siyennaagaa gidiyo wode xallaana. Nuuni hayttay siyenna uraa demmiyaaba gidikko, ayyo koshshay deꞌin aggin, S-43 giya qitsiyaa kunttana koshshees.
Nuuni he qitsiyaa kuntti simmidi waatana koshshii? Nuuni hegaa gubaaꞌiyaa xaafiyau immana bessees. I hegaa kiittana koshshiyo gubaaꞌiyaa erikko, koshshay deꞌiyo uraara gayttanaadan he gubaaꞌiyaa cimati giigissana mala etayyo kiittana danddayees. I ay gubaaꞌiyau kiittanaakko erana xayikko, he qitsiyaa macara biiruwau kiittana koshshees.
Koshshay deꞌiyo, kare biittaa qaalaa haasayiya uri intte moottan deꞌiyaaba gidikko, kare biittaa qaalan goꞌettiya gubaaꞌiyan deꞌiya aassiyaagaara gattana gakkanaassi a koshshaa denttettanau kaallidi maaddana danddayeeta.—Hidaare 2009 Nu Kawotetta Haggaazuwaa, sinttaa 4 xeella.