Wochiyo Keelan Kiyiya Ooratta Huuphe Yohuwaa
Aginan koyro Qeeraa gallassi Geeshsha Maxaafaa xinaatiyaa doomissanau, Wochiyo Keelan kiyiya “Xoossaa Qaalaappe Tamaara” giya huuphe yohuwaa goꞌettiiddi takkida. Ichashiyaappe doommidi, he huuphe yohoy, asau immiyo Wochiyo Keelaa wurssetta sinttan kiyiya, “Geeshsha Maxaafaa Oyshaa Zaaruwaa” giya huuphe yohuwan laamettees. Haggaazuwan, “Xoossaa Qaalaappe Tamaara” giya huuphe yohuwaa goꞌettiyo ogiyan ha ooratta huuphe yohuwaakka goꞌettana danddayoos. (km 12/10 sinttaa 2) Kaseegaadankka, aginan koyro Qeeraa gallassi xinaatiyaa waati doomissana danddayiyaakko maaddiya qofay Nu Kawotetta Haggaazuwan kiyees.