Akeekanawu Metennaagaa

Yesuusi Oottidobaa

BIIDUWA: Nu Aaway Nuussi Qoppiyogaa Yesuusi Leemisuwan Yootiis

1. BIIDUWA beꞌa, woy Maatiyoosa 6:25-27 nabbaba. Yaatada, kaallidi deꞌiya oyshata akeeka:

1. Yihooway nuussi qoppiyogaa Yesuusi leemisuwan waati tamaarissidee?

2. Yesuusi kafotubaa darobaa eriyaba gidikkonne, I yootido akeekanawu waayissennabay aybee? Hegee tamaarissiyo loꞌꞌo oge gididoy aybissee?

Yesuusappe Ay Tamaariyoo?

2. Akeekanawu waayissenna ogiyan nuuni tamaarissiyogee, asay nu tamaarissidobaa akeekanaadan ootteesinne eta wozanaa denttettees.

Yesuusa Milata

3. Darobaa haasayoppa. Issibaa xeelliyagan neeni eriyo ubbabaa yootiyogaappe, xannaꞌissiyo xuufiyan deꞌiyabaa qonccissa. Issi oyshaa oychcha simmada, ne xannaꞌissiyo uri zaarana gakkanaashin danddayan naaga. Zaaruwa I erennaba woy Geeshsha Maxaafay yootiyobaara maayettennabaa zaariyaba gidikko, qofaa I loytti akeekanaadan oottiya hara oyshata oychcha. Ne xannaꞌissiyo uri waanna qofaa akeekikko, kaalliya qofaakko kantta.

4. Ne xinaatee tamaariyobaa kase I eriyobaara gattidi akeekanaadan maadda. Leemisuwawu, dendduwabaa xannaꞌissiyogaa doommanaappe kase, hayqqidaageetu hanotaa xeelliyagan I tamaaridobaa qanttan zaarettana danddayaasa.

5. Leemisota akeekan goꞌetta. Issi leemisuwa goꞌettanaappe kase nena hagaadan oychcha:

1. ‘Ha leemisoy qonccee?’

2. ‘Taani xannaꞌissiyo uri ha leemisuwa metootennan akeekanee?’

3. ‘Ta xannaꞌissiyo uri leemiso xallaa gidennan, waanna qofaa hassayanaadan hagee maaddanee?’