Neeni Aggana Koshshii?

Issi issi aassiyaageeti meezetido saatiyan, geella laaxa saatiyan haggaaziyoogaa aggoosona. Issotu issotu hanotay eti amarida saatiyaa haggaazidi agganaadan oottana danddayees. SHin nenaara haggaaziyaageeti aggido gishshau woy intte heeran amarida saatiyaa haggaazidi aggiyoogee meeze gidido gishshau, neenikka he saatiyan aggabayay? Dabaaban woy ogiyan amarida daqiiqaa haggaazaydda takkana danddayay? So simmaydda issi woy naaꞌꞌu ura zaarettada oychana danddayay? Neeni koshshay deꞌiyo ura zaarettada demmiyoogee woy maxeetiyaa issi urau immiyoogee ay keena loꞌꞌokko qoppa! Nuuni he saatiyan aggana koshshennaba gidikko, guuttaa daqiiqaa takkiyoogee “galataa yarshshuwaa” gujjidi yarshshanaadan oottees.—Ibr. 13:15.