Asaa SHoobbiyoogaa
1. Killiliyaa shiiquwawu asaa shoobbiyo zamachaa awude doommanee?
1 Daro miishshaa kessadanne daafurada giigissido dumma qumaa ne laggetanne so asaa shoobbanawu koyikko, neeni eta ufayttada shoobbiyoogee attenna. Hegaadan, mata wode shiiqana killiliyaa shiiquwawu ayyaanaaban daro gibiray giigiis. He shiiqoy doommiyo gallassaappe heezzu saaminttaa kasetidi, nuuni he shiiquwawu asaa shoobbana mala Yihooway maataa immiis. Asaa ufayttiiddi shoobbana mala nuna aybi maaddana danddayii?
2. Nuuni zamachan minnidi oottanaadan aybi denttettii?
2 Yihooway killiliyaa shiiquwan nuuyyo giigissido ayyaanaabaa gibiran nuuni ay keena goꞌettiyaakko qoppiyoogee, asaa minnidi shoobbanaadan denttettees. (Isi. 65:13, 14) Layttan layttan nuuni he zamachan oottiyoobay loꞌꞌo ayfiyaa demissiyoogaakka hassayana koshshees. (“Loꞌꞌo Ayfiyaa Demissees” giya saaxiniyaa xeella.) Nuuni shoobbiyo asatuppe issoti issoti yoosona; harati qassi yookkona. SHoobbin yiya asay ay keena gidikkokka, nuuni he shiiquwawu asaa minnidi shoobbiyoogee Yihoowa bonchisseesinne a kehatettaa qonccissees.—Maz. 145:3, 7; Ajj. 22:17.
3. SHoobiyaa woraqataa asawu waatidi immana danddayiyoo?
3 Gubaaꞌiyaa cimati shoobiyaa woraqataa ishatinne michoti ubba asawu waati immana danddayiyaakko, qassi asa demmibeenna keettan wottana bessiyaakko bessennaakko woykko dabaaban haggaaziyo wode asawu immana bessiyaakko bessennaakko kuuyana koshshees. Qeeraanne Woggaa gallassi hanotay injjetikko maxeetetakka shoobiyaa woraqataara issippe immana koshshees. Zamachay wuriyo wode, Yihooway giigissido gita ayyaanaabaa gibirawu nuuyyo danddayettida keenan daro asaa shoobbidoogaa eriyo wode nuuni keehi ufayttana!