Eti Ubbatoo Yihoowawu Oottanaadan Loohissite

Ubbatoo mishettidi haggaazanaadan koyroppe doommidi loohissido, aassiyoogaa mati doommidaageeti darotoo haggaazuwan qara gidiyoogaa akeekida. (Lee 22:6; Pili 3:16) Ne xinaatee minnidi haggaazanaadan maaddanawu neeni oottana danddayiyo issi issibay kaallidi deꞌees:

• Ne xinaatee aassiyaagaa gididi sunttettosaara loohissiyoogaa doomma. (km 8/15 1) Saaminttaa giddon oottanawu halchiyoobaappe issoy haggaazuwaa gidiyoogaa mintta yoota. (Pili 1:10) Haggaazo moottaabaa loꞌꞌobaa yoota. (Pili 4:8) Loytti haggaaziyoogaa meezetanaadan citaa xomoosiya ishaara woy aassiya haratuura haggaazanaadan minttetta.—Lee 1:5; km 10/12 6 ¶3

  

• Ne xinaatee xammaqetti simminkka haggaazuwawu loohissiyoogaanne minttettiyoogaa aggoppa; ubba qassi xinaatee “Xoossaa Siiquwan” giyo maxaafaa xannaꞌidi wurssibeennaba gidikko, hegaadan oottiyoogee keehi loꞌꞌo.—km 12/13 7

  

• Aassiyoogaa mati doommida uraara haggaaziyo wode, asaa haasayissanawu metenna qofaa goꞌetta. I asaa haasayissi simmin, hegawu a loytta galata. Haggaazuwan kaseegaappe murutanawu maaddiya issi issi qofaa yoota.—km 5/10 7