Haggaazuwan Kaseegaappe Qara Gidiyoogaa​—Suure Koshshay Deꞌiyoogeeti Erissiyo Ashkkara Gidanaadan Maaddiyoogaa

HEGEE KEEHI KOSHSHIYOY AYBISSEE? Yihooway “merinaa de7uwaassi” suure koshshay deꞌiyoogeetu wozanan tumaa zerettay mokkidi diccanaadan oottees. (Oos 13:48; 1Qor 3:7) Nuuni haggaaziyo wode ufayttidi tamaariyaageeta maaddanawu qoppidi aara issippe oottoos. (1Qor 9:26) Kiristtaaneti attanawu xammaqettana koshshiyoogaa Geeshsha Maxaafaa xannaꞌiyaageeti erana koshshees. (1PHe 3:21) Nuuni eti banttawu laamettidi tamaarissiyaageetanne sabbakiyaageeta gidanaadan, qassi bantta deꞌuwaa Yihoowayyo sheedhdhanaadan tamaarissidi erissiyo ashkkara gidanaadan eta maaddoos.—Maa 28:19, 20.

WAATANA DANDDAYIYOO?

• Geeshsha Maxaafaa xinaateti xannaꞌiyo waanna halchchoy Yihoowa ‘eranaadaananne’ A ufayssanaadaana gidiyoogaa hassayissite.—Yoh 17:3

• Eti iita eeshshaanne loꞌꞌo gidenna laggetettaa mala xubbiyaabaa aggiyoogan ayyaanaaban diccanaadan maaddite

• Eti xammaqettanaappe kasekka, xammaqetti simminkka minttettitenne maaddite.—Oos 14:22

XOOSSAA YIHOOWAY NENA MAADDANA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Issi uri bana Yihoowayyo sheedhdhidi xammaqettanawu guyye gaanaadan oottiyaabay aybaa yayyiyoogee?

• Geeshsha Maxaafaa xinaateti ayyaanaaban diccanaadan cimati waati maaddana danddayiyoonaa?

• Isiyaasa 41:10⁠ppe Yihoowabaa ay tamaariyoo?

• Nuuni nagaranchcha gidikkokka, bessiya ogiyan Yihoowayyo haggaazanaadan maaddiya eeshshati awugeetee?