How to Cope When Na Only You Dey for One Place
You de feel say you dey alone because na only you dey for one place? If na so, you fit de feel like the person wey write for the book of Psalms say: “I be like bird wey dey alone for roof.” (Psalm 102:7) The deep sense for Bible fit help you cope with problems wey you fit de face as you dey alone.
De make your friendship with God dey strong
Even if you dey alone for where you dey, you fit dey happy if you continue to do things wey go make your friendship with God dey strong. (Matthew 5:3, 6) See some things wey fit help you to do this one, and you no go need to pay money.
Bible for Internet wey dey correct and easy to read
Bible Study Lessons for Internet wey fit help you get answer to some important questions about life
Short videos about some of the things wey Bible de teach
“Answer to Bible Questions”—Direct answers to questions wey plenty people de ask
“Imitate Their Faith”—The stories about men and women for Bible wey get faith go make you imagine how things really be for them
“They Make-am or E Just Appear?”—The articles for this section de talk about how God use different-different things and ways to design the things wey e make and how them dey fine
Read some verse for Bible wey go encourage you
This Bible verse them don help plenty people to dey strong. Instead make you read plenty Bible verse at once, try use the time wey you dey alone as correct chance to pray and think about this Bible verse one by one.—Mark 1:35.
Psalm 23:1-6
Psalm 34:1-22
Psalm 46:1-11
Psalm 63:6-8
Psalm 91:1-6
Learn about why bad things de happen for the world
You fit cope well with any problem if you know why bad things de happen and wetin God go do about-am.—Isaiah 65:17.
No de over worry
Article wey talk about this topics fit help you manage the stress wey you de get because you dey alone and help you make you no over worry.—Matthew 6:25.
Get friends
Friends fit help you to de think and feel fine. And especially when e dey hard to dey with other people face-to-face, e really dey important make we get friends. If you no fit leave your house, you fit do video call or voice call to talk with your former friends and to get new friends. This articles fit help you find real friends and help you to be “real friend.”—Proverbs 17:17.
De do exercise
Bible talk say exercise dey good for body. (1 Timothy 4:8, footnote) E fit help you dey happy and strong, and to de think fine, especially when you dey alone for one place. Even when you no fit leave your house go outside, some things still dey wey you fit do as exercise.