To Help Other People, Fit Help You No Feel Say You Dey Alone​—Wetin Bible Talk

For everywhere for this world, people de feel say them dey alone and say them no fit dey close to other people. Some experts for health matter believe say to de help other people, de help person no too feel say e dey alone.

• U.S. National Institutes of Health talk say: “To de do things to help other people fit help us feel say we de use our life well, and help us no too feel say we dey alone.”

Bible give better advice for wetin we fit do to help other people. If we follow wetin Bible talk, e fit help us no feel say we dey alone.

Wetin you fit do?

Get open hand. Look for chance to spend time with other people, and e go better if na face-to-face. Dey ready to share wetin you get. When you do this one, them go value wetin you do and this one go make una become friends.

• Bible advice: “Make [you] de give, and people go give [you].”​—Luke 6:⁠38.

Use your power help other people. Look for ways to help people wey de face problem. That one mean say you go really listen when them de talk and ready to do things wey fit still make life easy for them.

• Bible advice: “Friend dey wey ready to help, for any situation.”​—Proverbs 17:​17, Contemporary English Version Bible.

To know more about how you fit continue to be better friend with other people, read the article “Family Life and Friendships.” (For English.)