WHEN YOU DE CHECK THE PERSON AGAIN
LESSON 7
No Tire
Advice: “Them continue and them no tire to preach and de teach the good news.”—Acts 5:42.
The Thing Wey Paul Do
1. Watch the VIDEO, or read Acts 19:8-10. Then think about this questions:
Instead of Paul to stop to preach when some people give-am trouble, how e no tire to help people wey show say them want listen to the message?
How many times Paul go back to teach this people wey want listen to the message, and how long e do this one?
Wetin We Learn From Paul?
2. We need to really use our time and power to do better return visit and to start Bible study.
Copy Paul
3. Dey ready to check the person for time wey dey okay for-am. Ask yourself say: ‘Na which time go better pass make I check the person? Na which time and place go better pass to talk with the person?’ Dey ready to check the person again, even if the time no dey okay for you.
4. Make una fix time when una go talk again. Each time wey una don talk finish, try to ask the person the particular time wey una go fit talk again. Make sure say you follow the time wey una don agree.
5. No tire to get hope. No think say person wey hard to see for house or person wey really busy no want listen to the good news. (1 Cor. 13:4, 7) Continue to check the person but make sure say you de use your time well.—1 Cor. 9:26.