Ko Te ʼu Tali Ki ʼa Kotou ʼu Fehuʼi

◼ Ko te kokelekasio ʼe tonu koa ke ina taupau Te minisitelio ʼo te Puleʼaga?

Ko te minisitelio ʼo te Puleʼaga ʼo sunio 1972 neʼe ina fakamahino ʼe ʼaoga ke taupau te ʼu Minisitelio ʼo te Puleʼaga ʼo te māhina fuli ʼi te tanakiʼaga tohi ʼo te Fale ʼo te Puleʼaga ke feala ai hatatou ʼolo ʼo fakasiosio mokā ʼe ʼi ai hona ʼaoga kia tatou. ʼE maʼuhiga ke taupau he fakatahiʼi ʼo te Minisitelio ʼi te tanakiʼaga tohi ʼo te ʼu Fale ʼo te Puleʼaga, ʼe ʼaoga ki te ʼu tagata ʼāfea pea mo te kau faka mafola.

Ko he fakatahiʼi ʼo te ʼu Minisitelio ʼaia ʼe ko he faka fealagia ki te kau faka mafola ke nātou ʼolo ʼo fakasiosio he ʼu alatike ki muʼa atu neʼe palalau ai ʼo ʼuhiga mo te ʼu fakahā ʼe ʼaoga ki te faka mafola, te faʼahiga taki ʼo te ʼu ako faka tohi-tapu, mo te fai ʼo te ʼu ʼaʼahi, etc. ʼE feala anai hanatou maʼu he ʼu manatu lelei ki te minisitelio. ʼI ʼihi temi, Ko te Minisitelio ʼo te Puleʼaga neʼe palalau ki he ʼu numelo neʼe ta ka mole heʼeki kau niʼihi ki te kau Fakamoʼoni ʼa Sehova ʼi te kokelekasio. Kapau ʼe ʼi ai he fakatahiʼi ʼo te Minisitelio, ʼe feala anai ke maʼu ʼe nātou ʼe foʼou he ʼu tokoni kia nātou. ʼE feala anai ke tou fakaʼaogaʼi he tāsini tuku aga nusipepa ʼe tuku ai te ʼu Tule Leʼo moʼo tānaki ʼo he ʼu numelo ʼāfea ʼo te Minisitelio ʼo te Puleʼaga ʼi te Fale ʼo te Puleʼaga.

Ko te ʼu tagata ʼāfea ʼe nātou hinoʼi te taupau ʼo te Ako ʼo te minisitelio faka teokalatike pe ʼe ko he tagata faifekau faka minisitelio faiva ke ina fakatokaga ʼo taupau fakalelei te fakatahiʼi ʼo te Minisitelio ʼaia, ʼi te ʼu māhina fuli. Logope ko Te minisitelio ʼo te Puleʼaga ʼe ina tuku mai he ʼu manatu maʼuhiga kae mole ko he ʼu fakatuʼutuʼu fakakinau, ʼe ko te ʼu alatike ʼaia ʼe maʼuhiga ke taupau ʼi te tanakiʼaga tohi ʼo te Fale ʼo te Puleʼaga ʼi te ʼu kokelekasio fuli. Ko te ʼu numelo ʼāfea ʼo te Minisitelio ʼo te Puleʼaga ʼe mole kei feala hona kole ki te Sosiete.