Te Tali Ki ʼAkotou ʼu Fehuʼi

◼ Ko te ʼu tohi fea ʼaē ʼe tonu ke ʼai ki te Tānakiʼaga Tohi ʼo Te Ako ʼo Te Minisitelio Faka Teokalatike?

Neʼe faʼu te ʼu tuʼuga tohi fakalaumālie ke ʼaoga ki te hahaʼi ʼa te ʼAtua. Mai tona ʼaluʼaga ʼaē ʼe lahi te ʼu kaugā fai faka mafola ʼe mole nātou maʼu ʼi tonatou ʼapi te ʼu tohi fuli ʼaia, koia ko te Tānakiʼaga Tohi ʼo Te Ako ʼo Te Minisitelio Faka Teokalatike ʼo te Fale ʼo te Puleʼaga, ʼe ko he faka fealagia ʼaia ke nātou kumi ai te ʼu tohi ʼaē ʼe mole nātou maʼu. Koia, ʼe tonu ke tou maʼu ai te ʼu fakaliliu kehekehe ʼo te Tohi-Tapu, te ʼu tohi foʼou ʼa te Sosiete, Te Minisitelio ʼo Te Puleʼaga, te ʼu Volumes reliés ʼo Te Tule Leʼo pea mo te Réveillez-vous!, pea mo te ʼu Index des publications de la Société Watch Tower. Tahi ʼaē meʼa, ʼe tonu ke maʼu ai he tikisionalio ʼo te temi ʼaenī. Kapau ʼe feala, ʼe ʼaoga ke ʼi ai mo he ʼu encyclopédies, he ʼu tohi ʼo te ʼu mape, peʼe ko he ʼu tohi ʼe tou vakaʼi ai te faitohi pea mo te hisitolia. Kae ko te ʼu tohi ʼaē ʼe tonu ke tou maʼu tāfito ai, ʼe ko te ʼu tohi ʼaē ʼe foaki mai e “te tagata kaugana agatonu mo poto.”​—Mat. 24:⁠45.

ʼI te tahi ʼu Fale ʼo te Puleʼaga, neʼe ʼai te ʼu tohi ʼe mole lelei ki te Tānakiʼaga Tohi ʼo Te Ako ʼo Te Minisitelio Faka Teokalatike. ʼE mole ʼaoga ke ʼai kiai te ʼu tohi ʼa te ʼu tagata popoto lalahi, mo te ʼu tohi ʼaē ʼe tuʼu ai te ʼu valoki ʼo ʼuhiga mo te Tohi-Tapu, peʼe ko te ʼu tohi filosofia peʼe ko te ʼu tohi gaohi meʼa fakatemonio. Ko te Tānakiʼaga Tohi ʼo Te Ako ʼo Te Minisitelio Faka Teokalatike ʼe tonu ke maʼu tāfito ai te ʼu tohi ʼaē ʼe nātou faka fealagia kia nātou ʼaē ʼe nātou fakaʼaogaʼi, ke nātou haga tuputupu ʼi te faʼahi fakalaumālie.​—1 Tim. 4:⁠15.

Ko te tagata taupau ʼo te ako ʼe ko ia ʼaē ʼe tonu ke tokaga ki te tānakiʼaga tohi, kae ʼe feala ke ina hinoʼi he tahi tēhina ke tokoni ki ai ki te tokaga ʼaē ki te Tānakiʼaga Tohi. ʼE tonu ke tokaga ke maʼu ai te ʼu tohi foʼou, mo kapau kua maʼu. Ko te ʼu tohi fuli ʼe tonu ke fakaʼiloga lelei ʼi loto te higoa ʼo te kokelekasio. ʼI te taʼu fuli, ʼe tonu ke vakaʼi fakalelei te ʼu tohi ʼaia mo kapau ʼe ʼaoga ke fakafoʼou peʼe fetogi.

ʼE feala ke tou tokakaga fuli ki te tānakiʼaga tohi. ʼE tonu ke tou tokakaga mokā tou fakaʼaogaʼi te ʼu tohi. ʼE mole tonu ke tuku te ʼu fānau liliki ke nātou gaoʼi mo te ʼu tohi ʼaia, pea ʼe mole tonu ke tohi he meʼa ʼi te ʼu tohi ʼaia. ʼE tonu ke tohi ʼi he kiʼi moʼi pepa, ʼo fakamanatuʼi ʼe mole tonu ke kita ʼave te ʼu tohi ʼaia ʼo te Fale ʼo te Puleʼaga.

ʼUhi ko te faʼufaʼu tuʼumaʼu ʼo te ʼu kokelekasio foʼou, ʼe mahino ia ʼe mole lahi anai te ʼu tānakiʼaga tohi. Ko ʼihi ʼu kaugā fai faka mafola ʼaē ʼe nātou maʼu te ʼu tohi ʼāfea ʼe feala ke nātou foaki fakaʼofa ki te kokelekasio. ʼE lagi kole anai e te ʼu tagata ʼāfea ke toe tā e te Sosiete te ʼu volumes ʼo Te Tule Leʼo. ʼI te ʼu ʼaluʼaga ʼaia, ko te Tānakiʼaga Tohi ʼo Te Ako ʼo Te Minisitelio Faka Teokalatike ʼe ʼaoga moʼoni anai kia tatou fuli ke tou maʼu te ʼu koloā maʼuhiga ʼo te Folafola ʼa te ʼAtua, ʼaē ʼe ina foaki mai ia te ʼatamai mālama, te poto, pea mo te mahino.​—Taag. 2:​4-6.