Kotou Fakaʼaogaʼi Te ʼu Tohi ʼĀfea ʼAē ʼe Maʼu ʼi Te Kōkelekāsio Kae Mole Kotou Tānaki

ʼE lahi te ʼu kōkelekāsio neʼe natou tānaki ia te ʼu tohi ʼāfea. He koʼē koa ʼe mole kotou kole he ʼu tohi moʼo fakakātoa takotou tānakiʼaga tohi? ʼE moʼoni, kua lagi kotou lau ia te ʼu tohi ʼāfea ʼaia ʼi te olotinatea ʼaki te Watchtower Library. Kae ʼe lelei ke kotou maʼu ia te ʼu tohi ʼaia. ʼE kotou ako koa mo he tahi ʼe tuputupu ʼi tana ako? Pea kotou fakalotomālohi ia ia ke ina maʼu ia te ʼu tohi ʼāfea ʼaia pea ke ina kamata faʼufaʼu hana tānakiʼaga tohi. Ko te taupau ʼo te Ako Fakateokalatike ʼe lelei ke ina vakaʼi peʼe maʼu ʼi te tānakiʼaga tohi ʼo te Fale ʼo Te Puleʼaga te ʼu tohi ʼāfea fuli ʼaē ʼe tānaki ʼi te kōkelekāsio. ʼE kei ʼaoga pē te ʼu tohi ʼāfea ʼaia. ʼE lelei age kiā tātou ke tou fakaʼaogaʼi ia te ʼu tohi ʼaia ʼi hatatou haga taupau maʼu ʼi te kōkelekāsio!