Ko Te ʼu Fono Gāue ʼo Sepetepeli
Vāhaʼa ʼe kamata ʼi te 7 sepetepeli
Katiko 84
15 mn: Ko te ʼu logo ʼo te kokelekasio pea mo te ʼu Tonu ʼaoga ʼo te Minisitelio ʼo te Puleʼaga. Fai palalau ki te alatike “ ʼE feala koa hatatou lagaʼi te fia logo? ” pea mo he faʼifaʼitaki nounou ʼo fakahā ai pe ʼe feafeaʼi te fai ʼo he ʼaʼahi feiā.
15 mn: “Tou fakavikiviki ki te ʼAtua te Tupuʼaga.” ʼO faiʼaki he ʼu fehuʼi pea mo he ʼu tali. ʼE teuteu anai he tahi ke ina fakamatala te faʼifaʼitaki ʼe toʼo mai ʼi te yb87 ʼe tuʼu te palakalafe 4.
15 mn: “Ko te ʼu fakahā ʼe lagaʼi ai te fia logo.” Fai palalau mo nātou ʼaē ʼi te fono ʼo ʼuhiga mo te fakaʼaogaʼi lelei ʼo te ʼu manatu ʼaia ʼi te telituale. Teuteuʼi he ʼu faʼifaʼitaki e lua peʼe tolu ʼe moʼoni pea neʼe teuteuʼi lelei.
Katiko 96 pea mo te faikole fakaʼosi.
Vāhaʼa ʼe kamata ʼi te 14 sepetepeli
Katiko 79
10 mn: Ko te ʼu logo ki te kokelekasio; palalau ʼo ʼuhiga mo te falā; fakamālo ki te ʼu meʼa ʼofa. Fakamālo kia nātou fuli ʼi te fono ʼi tanatou lagolago te ʼu gāue ʼo te kokelekasio ʼo feiā foki ki te ta ʼo te ʼu tohi, te ʼu ako pea mo te tufa ʼo te Tohi-Tapu. Kapau ʼe fealagia te temi, ʼe fakamatala anai ʼe he kau faka mafola neʼe teuteu he ʼu faʼifaʼitaki ʼo ʼuhiga mo te fakahā ʼo te tohi Création.
20 mn: “Taupau ʼakotou fānau mai he fakaʼaogaʼi kovi ʼo te toto.” Akonaki ʼe fai ʼe he tagata ʼāfea, ʼo kamata mai te palakalafe 1 ki te 11. Fakamahino lelei te manatu ʼaē ʼe fakahā ai ko te ʼu mātuʼa ʼaē ʼe nātou tuku he tōketā ke ina faitoʼo tana fānau ʼaki te manatu ʼe tuʼu ʼi te palakafe 5 ki te 7 ʼe mole nā fakagafua ko he fahaʼi ʼe feala.
15 mn: “Tou tokaga ʼo fai he ʼu ʼaʼahi.” ʼO faiʼaki he ʼu fehuʼi pea mo he ʼu tali. Faʼifaʼitaki neʼe lelei tona teuteuʼi ʼo fakaʼaoga te ʼu manatu ʼo te palakalafe 6. Fakaloto mālohiʼi te kau faka mafola ke nātou liliu ʼo ʼaʼahi te ʼu hahaʼi ʼaē neʼe felāveʼi mo nātou ʼi te kamataʼaga ʼo te māhina pea neʼe nātou fakahā tanatou fia logo.
Katiko 10 pea mo te faikole fakaʼosi.
Vāhaʼa ʼe kamata ʼi te 21 sepetepeli
Katiko 125
5 mn: Ko te ʼu logo ki te kokelekasio. Ko he faʼifaʼitaki nounou ʼo te faka mafola ʼi te telituale peʼe ko he ʼu manatu totonu ʼe feala ke tou fakaʼaogaʼi ʼi te fai faka mafola ʼi te vāhaʼa ʼaenī.
15 mn: “Taupau ʼakotou fānau mai he fakaʼaogaʼi kovi ʼo te toto”, palakalafe 12 ki te 28. ʼO faiʼaki he ʼu fehuʼi pea mo he ʼu tali. Koutou fakatokagaʼi te ʼu tali ʼo te ʼu fehuʼi neʼe lagaʼi ʼi te ʼu palakalafe 12 pea mo 20. Fakahā ko te ʼu mātuʼa ʼe feala ke nātou hāo mo te foʼi huki toto mokā ʼe nātou tokaga ki te ʼu faitoʼo ʼaē ʼe ʼaoga ki tanatou ʼu fānau.
15 mn: “Ko koe pe koa ʼi tou famili katoa ʼe nofo ʼi te moʼoni?” — ʼI te ʼosi fakasiosio ʼo te alatike ʼaki he ʼu fehuʼi pea mo he ʼu tali, ʼui age ki he kau faka mafola ʼe nonofo ʼi te fahaʼi ʼaia ke nātou fakahā te tokoni pea mo meʼa fuli neʼe fai ʼe nātou ʼi te kokelekasio moʼo tokoniʼi ʼonatou.
10 mn: Fakasiosio ʼo te gāue ʼo te kokelekasio. ʼAki te fakaʼaogaʼi ʼo te faka au numelo ʼaē ʼe tuʼu ʼi te tuʼaʼi pepa ʼo te Tānaki ʼo te kokelekasio (S-10) ʼaē neʼe ʼave ki te Sosiete ʼi te kamataʼaga ʼo te māhina, ko te taupau pelesita pea mo te taupau ki te gāue ʼe nā fai palalau ki te ʼu puani tafito ʼo te gāue ʼo te kokelekasio ʼi te taʼu kua hili. Fakamālo fakafiafia ki te kau faka mafola pea mo te kau pionie ʼo ʼuhiga mo tanatou faiga ʼi te fai faka mafola pea mo tonatou agatonu ki te ʼu fono. Fakahāhā totonu te ʼu fahaʼi ʼaē neʼe nātou faiva ai. Fakahā te ʼu puani ʼaoga ʼe tonu ke toe hikihiki lolotoga te taʼu gāue 1993.
Katiko 43 pea mo te faikole fakaʼosi.
Vāhaʼa ʼe kamata ʼi te 28 sepetepeli
Katiko 51
15 mn: Ko te ʼu logo ki te kokelekasio. Logo faka teokalatike. Fakamanatu pe ko te ʼu nusipepa fea ʼaē kei toe ki te fai faka mafola; fakahā he ʼu manatu e lua peʼe tolu ʼe ʼaoga ki te telituale. Faʼifaʼitaki: ʼe feafeaʼi te fakahā ʼo te ʼu nusipepa fakamuli ʼaki he fakahā faka tohi-tapu, ohage la ko he manatu ʼe tuʼu ʼi te alatike ʼi ʼoluga ʼi te pasina fakaʼosi. ʼUi age kia nātou ʼi te fono ke nātou ʼomai mo tanatou tohi Ko te tagata ʼaē ʼe lahi tokotahi ki te fono gāue ʼo te vāhaʼa ka haʼu.
15 mn: “Baptême” (Papitema), ko te tohi Comment raisonner, ʼu pasina 47 ki te 50. Akonaki ʼo te kamataʼaga ʼe fakatafito ki te palakalafe “Définition” (Faka ʼuhiga). Faʼifaʼitaki: ko he tagata ʼāfea ʼe fai palalau mo he tahi ʼe lotolotolua ke papitema. Fakahāhā te ʼu manatu ʼo te pasina 47. Fakahā te maʼuhiga ʼo te foaki ʼo to kita maʼuli ki te ʼAtua pea mo fakahā ʼaki te papitema ʼi te vai. ʼE fakaʼosi te akonaki ʼaki he ʼu fakamahino fakanounou ʼo te papitema ʼi te laumālie maʼoniʼoni, te papitema ki te ʼu mate pea mo te papitema ʼaki te afi.
15 mn: Tou fakahā te ʼu nusipepa ʼi ʼoketopeli. Akonaki nounou ʼo fakahā ai te maʼuhiga ʼo te Koutou ʼaʼala! pea mo Te Tule Leʼo. Ko te kau fai faka mafola ʼe tonu ke nātou lau fakavilivili te ʼu numelo fakamuli ke feala ai hanatou fakahā ki te kāiga ʼaki he loto fiafia. Tou fakatokaga pe ʼe fia fai moʼoni te hahaʼi ki te ʼu nusipepa ʼi muʼa ʼo te fakahā kia nātou te apone. Faʼifaʼitaki: ko he tahi ʼi te kau faka mafola ʼe ina fakahā he nusipepa pea ina toe fakahā age ki ai ʼe toe liliu mai mo te nusipepa ʼaē ka hoa mai, ʼo kamata ai hana ʼave tuʼumaʼu te ʼu nusipepa ki ai.
Katiko 48 pea faikole fakaʼosi.