Ko Te ʼu Fono Gāue ʼo ʼOketopeli
Vāhaʼa ʼe kamata ʼi te 5 ʼoketopeli
Katiko 92
5 mn: Ko te ʼu logo ki te kokelekasio, mo te ʼu Tonu ʼaoga ʼo te Minisitelio ʼo te Puleʼaga pea mo te ʼu Logo faka teokalatike. Palalau ki te ʼu alatike maʼuhiga ʼo te ʼu nusipepa fakamuli; fakatuʼutuʼu he faʼifaʼitaki e tahi peʼe lua ʼo fakahā peʼe feafeaʼi tona fakahā ʼi te ʼosi ʼo he fai palalau faka tohi-tapu.
10 mn: “Tou fakaʼaoga fakaleleiʼi te ʼu nusipepa.” ʼO faiʼaki he ʼu fehuʼi pea mo he ʼu tali. Fakahā ʼe maʼuhiga te fakahā ki te hahaʼi fuli te apone. Fakaloto mālohiʼi te kau faka mafola ke tahi fai hana fakatuʼutuʼu ʼi te māhina ʼaia ʼe fakahā ai te apone.
30 mn: Fakamanatu te ʼu puani tāfito ʼo te polokalama ʼo te fakatahi faka tisitilike “Ko te ʼu hahaʼi toʼo mālama”. Ko te fakamanatu ʼaia ʼe feala ke fai ʼe he ʼu tēhina e lua peʼe tolu ʼe faiva ʼe nātou fakahāhā anai te ʼu manatu tāfito. ʼAki tona teuteuʼi lelei, ʼe tokoni anai kia nātou ʼaē ʼi te kokelekasio ke nātou manatuʼi te ʼu manatu tāfito, ke feala ai hanatou maʼuliʼi takitokotahi pea mo fakaʼaoga ʼi te fai faka mafola. Fakasiosio ʼo te alatike ʼaē “Te ʼu hahaʼi toʼo mālama ki ʼonatou vāhaʼa fale”. Fakahāhā he ʼu faʼahiga fakaʼaogaʼi ʼo te ʼu tohi foʼou ʼi te telituale ʼo te kokelekasio.
Katiko 63 pea mo te faikole fakaʼosi.
Vāhaʼa ʼe kamata ʼi te 12 ʼoketopeli
Katiko 77
10 mn: Ko te ʼu logo ki te kokelekasio. Lau te tānaki ʼo te falā; fakamālo ki te kokelekasio ʼo toʼo ia 2 Kolonito 9:6, 7. Fakaafe he ʼu kau faka mafola neʼe teuteu ke nātou fakamatala he ʼu manatu tāfito ʼe ʼaoga ki te fakahā ʼo te ʼu nusipepa pea mo te ʼu apone ʼi ʼoketopeli.
15 mn: “He ʼu ʼuluaki palalau ʼe uga ai he tahi.” Akonaki ʼe fakamahino ai peʼe feafeaʼi te teuteuʼi ʼo he ʼu fakahā ʼo fakaʼaogaʼi te ʼu alatike ʼi te ʼu nusipepa ʼo ʼoketopeli. Ko he tokolua peʼe tokotolu kau faka mafola faiva, ʼo kau ai mo he tūpulaga, ʼe nātou fakahā anai peʼe feafeaʼi te fakaʼaoga ʼo te ʼu faʼifaʼitaki neʼe tuku mai ki te fahaʼi ʼaia.
20 mn: “Tou tokaga ki te ʼu hahaʼi ʼaē ʼe lotolelei.” Fai palalau mo nātou ʼi te fono. Lolotoga te fakasiosio ʼo te palakalafe 2, koutou toe toʼo he ʼu manatu ʼi Te Tule Leʼo ʼo te ʼaho 1 ʼo ʼoketopeli 1981, ʼu pasina 4 ki te 6, moʼo fakahā ai peʼe feafeaʼi te faʼifaʼitaki ʼo Sesu ʼaki hatatou tokaga moʼoni ki te kāiga. Palalau ʼo ʼuhiga mo te faʼahiga tohi ʼo te pepa ʼaē ʼe tohi ai te ʼu nota ʼi te fai faka mafola ʼi te ʼu ʼapi pea mo tona fakaʼaogaʼi ʼaē moʼo taupau ai te fia logo. Faʼifaʼitaki nounou ʼo ʼuhiga mo te faʼahiga fakaʼaogaʼi ʼo he manatu. ʼI te ʼosi fakahā ʼe he tagata faka mafola faiva pe ʼe feafeaʼi te fakaʼaogaʼi ʼo he faʼifaʼitaki neʼe tuku mai, fakaafe nātou ʼi te fono ke nātou fakahā mai pe koteā te ʼu tupuʼaga ʼaē ʼe feala ai ke kamata he ʼu ako faka tohi-tapu ʼi te telituale.
Katiko 88 pea mo te faikole fakaʼosi.
Vāhaʼa ʼe kamata ʼi te 19 ʼoketopeli
Katiko 164
5 mn: Ko te ʼu logo ki te kokelekasio. Fakamahino fakanounou peʼe feafeaʼi te tohi ʼo te pepa apone pea fakahā te higoa ʼo te tēhina pe ko te ʼu tēhina ʼaē ʼe tokaga ki te ʼu apone.
20 mn: “Tokoniʼi te ʼu fānau ke nātou tauhi kia Sehova mo tonatou loto.” Fai palalau mo nātou ʼi te fono. Fakahā ki te ʼu mātuʼa ʼe maʼuhiga ke nātou fai fakalelei tonatou maʼua ʼo foaki he faʼifaʼitaki pea mo akoʼi totonu tanatou fānau ʼi te minisitelio. Fakaafe he tokotahi ʼi te kau faka mafola peʼe ko he tokolua ʼe ʼi ai hanā fānau ke nā fakahā pe koteā ʼaē neʼe tokoni kia nāua ke nā maʼu he ʼu fua lelei. Fehuʼi ki he tāmai peʼe ko he faʼe ke ina fakahā pe neʼe feafeaʼi tana tokoniʼi he fānau ke ina teuteuʼi he fai palalau faka tohi-tapu ʼo ʼuhiga mo te minisitelio ʼi te ʼu ʼapi. Fakaʼosi te fai palalau ʼo fehuʼi age ki he faka mafola tūpulaga ke ina fai he faʼifaʼitaki ʼo fakaʼaogaʼi he fai palalau ʼi te ʼu manatu neʼe fakatuʼutuʼu ki te fahaʼi ʼaia.
10 mn: Ko te ʼu tali ki ʼa kotou ʼu fehuʼi. Fai palalau mo nātou ʼi te fono. Fakamahino pe koteā ʼe maʼuhiga ai ke logona te ʼu fānau ʼuhi ko tanatou aga ʼe lelei pea mo tanatou holi fakamalotoloto ke nātou kau ki te fai faka mafola ke feala ai hanatou fai te ʼu maʼua ke nātou kau ki te kau fai faka mafola mole heʼeki papitema.
10 mn: Ko he ʼu tūpulaga ʼi te kau faka mafola ʼe nātou fakahā mai tanatou ʼu manatu. Fakaafe he ʼu tūpulaga neʼe teuteu ke nātou fakamahino te meʼa ʼaē neʼe nātou fai ke feala ai tanatou fai te ʼu maʼua ke nātou kau ki te kau faka mafola mole heʼeki papitema, pe koʼe ʼe nātou leleiʼia te fai faka mafola pea mo nātou loto ke hoholo atu tona fai. Ko te kau tūpulaga ʼaē neʼe fai kia nātou te ʼu fehuʼi ʼe nātou fakahāhā mai anai tanatou ʼu manatu totonu ʼe ʼaoga, kae mole nātou ʼui mai anai he ʼu palalau neʼe fakatotonuʼi age ʼe he tahi kia nātou.
Katiko 221 pea mo te faikole fakaʼosi.
Vāhaʼa ʼe kamata ʼi te 26 ʼoketopeli
Katiko 46
10 mn: Ko te ʼu logo ki te kokelekasio. Fakaloto mālohiʼi te kau faka mafola takitokotahi ke nātou fai he fakatuʼutuʼu ʼo pionie vaeluaʼi temi ʼi novepeli peʼe ko tesepeli, ko te ʼu māhina ʼaia ʼe lahi ai te temi ʼāteaina ʼuhi ko te ʼu ʼaho mālōlō.
20 mn: Fai palalau ʼo ʼuhiga mo te “Tohi-Tapu” ʼo fakatafito ki te tohi Comment raisonner, ʼu pasina 51 ki te 57. Fakahā tāfito te ʼu lelei ʼaē ʼe tou maʼu takitokotahi mo kapau ʼe tou maʼuliʼi te ʼu fakatuʼutuʼu ʼo te Tohi-Tapu ʼi totatou maʼuli.
15 mn: Tou fakahā te Traduction du monde nouveau mo te tohi La Bible: Parole de Dieu ou des hommes? ʼi novepeli. Akonaki pea mo he faʼifaʼitaki. Fakasiosio te ʼu manatu maʼuhiga ʼe tuʼu ʼi te talanoa ʼaē “Traduction du monde nouveau” ʼi te tohi Comment raisonner, ʼu pasina 408 ki te 411. ʼOsi ʼaia fai he faʼifaʼitaki ʼo ʼuhiga mo te faʼahiga fakaʼaogaʼi ʼo te fitu manatu ʼaē ʼe foaki mai ʼi te pasina 10 ʼo te tohi Comment raisonner lolotoga ʼo he fai palalau.
Katiko 111 pea mo te faikole fakaʼosi.