Polokalama ʼo Te Ako ʼo Te Minisitelio Faka Teokalatike Ki Te Taʼu 1993

TE ʼU AKONAKI

ʼI te taʼu 1993, ko te ʼAko ʼo te minisitelio faka teokalatike ʼe fēnei anai tona fai:

TE ʼU TOHI: Les Saintes Ecritures — Traduction du monde nouveau [bi12], pea mo te ʼu tohi “Toute Ecriture est inspirée de Dieu et utile” [si], Manuel pour lʼEcole du ministère théocratique [sg], Le plus grand homme de tous les temps [gt], Comment raisonner à partir des Ecritures [rs], pea mo te faʼahiga kupu ʼo te — “Sujets de conversation bibliques” ʼe tuʼu ʼi te fakaʼosi ʼo te Tohi-Tapu Traduction du monde nouveau [*td].

Ko te ako ʼe kamata anai ʼaki te hiva ʼo he katiko pea mo te faikole. Hili leva te ʼu ʼuluaki palalau moʼo kamata ʼo te fono, pea ʼe fēnei leva tona hoko atu:

AKONAKI N° 1: Minuta e 15. ʼE foaki age anai ki he tagata ʼāfea pe ko he tagata faifekau faka minisitelio ʼe faiva. ʼE fakatafito anai ki te tohi “Toute Ecriture est inspirée de Dieu et utile” peʼe ko te tohi Manuel pour lʼEcole du ministère théocratique, ʼo fai anai ia ohage ko he akonaki, minuta 10 peʼe 12 ʼo fakahoko ʼaki he fakamanatu e minuta 3 peʼe 5 ʼo faiʼaki he ʼu fehuʼi ʼe tuʼu ʼi te tohi. Ko te fakatuʼutuʼu ʼe mole gata ʼaki pe ia te lau ʼo te ʼu fahaʼi ʼaia, kae ʼe tonu foki ke kita faigaʼi ʼo fakahā tona maʼuhiga ʼo te akonaki ʼaia pea mo fakahā te meʼa ʼaē ʼe ʼaoga lelei ki te kokelekasio. ʼE feala anai ke fili hona kupu totonu. Ko nātou fuli ʼaē ʼi te fono, ʼe fakaloto mālohiʼi nātou ke nātou teuteu lelei, ke ʼaoga lelei kia nātou te ʼu fakatuʼutuʼu ʼaia.

Ko te ʼu tēhina ʼaē ka foaki anai ki ai te ʼu akonaki ʼaia ʼe nātou fakatokaga anai ʼo fakaʼapaʼapa ki te temi neʼe tuku age kia nātou. ʼE tokoniʼi takitokotahi anai nātou mo kapau ʼe ʼaoga ke tokoniʼi.

TE ʼU PUANI FAKA TOHI-TAPU MAʼUHIGA: minuta e 6. Ko te koga ʼaia ʼe fai anai e te tagata taupau ʼo te ako peʼe ko he tahi tēhina ʼe faiva, pe ko he tagata ʼāfea pe ko he tagata faifekau faka minisitelio, neʼe ina hinoʼi. ʼE mole ko he fakamanatu pe ia ʼo te fahaʼi neʼe tuku mai ke lau. ʼI te ʼosi ʼo te fai, lolotoga sekonita e 30 peʼe 60, he fakamanatu tāfito ʼo te ʼu kapite ʼaē neʼe fakatuʼutuʼu mai ke lau, ko te tēhina ʼaia ʼe ina tokoniʼi anai nātou fuli ʼi te fono ke nātou mahino pe koʼe pea mo feafeaʼi te ʼaoga ʼo te ʼu fahaʼi ʼaia kia nātou fuli. ʼE feala hana maʼu he ʼu manatu ʼaoga ʼi tana fakasiosioʼi te ʼu ʼatu numelo ʼo te ʼu Tule Leʼo. ʼI te hili ʼo te fahaʼi ʼaia, ʼe fakaafe anai e te tagata taupau ʼo te ako te kau ako ke nātou ʼolo ki tonatou ʼu kalasi totonu.

AKONAKI N° 2: minuta e 5. ʼE ko te lau ʼo te Tohi-Tapu ʼe fai anai ʼe he tēhina. Ko te fakatuʼutuʼu ʼaia ʼe fai ʼi te ʼuluaki kalasi ʼo feiā foki mo te tahi ʼatu ʼu kalasi. Ko te koga tohi ʼaē ʼe lau ʼe nounou ke feala ai kia ia ʼe ina lau te fahaʼi ʼaia ke ina fakahā hana ʼu manatu, ʼi te kamataʼaga, pea mo te fakaʼosi. ʼE feala he palalau ki te hisitolia, ki te ʼuhiga ʼo te lea faka polofeta peʼe ko te ʼu manatu fakatagata, peʼe ko te fakahā pe ʼe feafeaʼi te maʼuliʼi ʼo te ʼu lao. Ko te ʼu vaega fuli neʼe fakatuʼutuʼu mai ʼe lau anai ʼi he temi pe e tahi.

AKONAKI N° 3: minuta e 5. Ko te akonaki ʼaia ʼe tuku age anai ki he ʼu tuagaʼane. Ko te ʼu puani ʼaē ka fakasiosioʼi ʼe toʼo mai anai mai te tohi Le plus grand homme de tous les temps. Ko te kau ako ʼaē neʼe fakatuʼutuʼu ki te fahaʼi ʼaia ʼe tonu ke nātou popoto ʼi te lautohi. ʼE nātou fai anai tanatou ʼu akonaki ʼo heheka peʼe tutuʼu. ʼE hinoʼi anai e te tagata taupau ʼo te ako he tahi tuagaʼane ke nā fai, kae ʼe feala ki ʼihi ʼatu ke nātou kau ki te akonaki ʼaia. Ko te fakatā ʼo tona faiʼaga, ʼe tonu ke tou fakaʼaogaʼi he ʼu faʼahiga ʼaluʼaga neʼe hoko ʼi te fai faka mafola peʼe ʼi te fagonogono faiga mālie. Ko ia ʼaē ʼe ina fai te akonaki ʼaia, ʼe kamata anai tana palalau ʼo fakahā te fakatā ʼo te faiʼaga peʼe ina tuku te fahaʼi ʼaia kia ia ʼaē ʼe kau fagona mo ia ki tana fai palalau. Kae ʼe mole ko te fakatā ʼo te faiʼaga ʼaē ʼe maʼuhiga, kae ko te ʼu puani ʼaē ʼe tonu ke fakasiosio fakalelei ki ai. Ko te kau ako ʼe nātou fakaʼaogaʼi anai te kupu tāfito ʼaē neʼe hinoʼi.

AKONAKI N° 4: minuta e 5. ʼE tuku age anai ki he tēhina pe ko he tuagaʼane. Kapau ko he tēhina ʼaē ʼe ina fai te akonaki ʼaia, ʼe tonu anai ke palalau ia kia nātou fuli ʼe nonofo ʼi te fono. ʼE maʼuhiga ke teuteu leleiʼi e te tēhina ʼaia tana akonaki ke feala ai tana fai fakalelei kia nātou fuli ʼe ʼi te Fale ʼo te Puleʼaga ke mahino mo ʼaoga kia nātou fuli te akonaki. Kapau ko te ʼu manatu ʼe ʼaoga anai ki he tahi age faʼahiga ʼaluʼaga, ʼe feala anai ke fai e te tēhina tana akonaki ʼo mulimuli ki ai. Ko te kau ako ʼe nātou fakaʼaogaʼi anai te kupu tāfito ʼaē neʼe hinoʼi mai.

Kapau ko te akonaki ʼaia neʼe tuku age ia ki he tuagaʼane, ʼe ina fai anai ʼo mulimuli ki te ʼu tokoni ʼe fakahā mai ʼi te akonaki ʼo te numelo 3.

TE ʼU TOKONI PEA MO TE ʼU FAKATOKAGA: ʼI te ʼosi ʼo te ʼu akonaki, ʼe foaki anai e te taupau ʼo te ako he ʼu tokoni totonu, ʼe mole ʼaoga hana muliʼi te ʼu puani ʼaē ʼe tuʼu ʼi te pepa ʼo te ʼu tokoni ki te fai akonaki. ʼE tonu ke ina vakaʼi pe te ʼu puani ʼaē ʼe tonu ke gāueʼi ʼe ia ʼaē kei ako. Kapau ʼe ʼaoga ke ai he “Lelei” (L) kae ʼe mole ʼi tana pepa te ʼu tokoni ohage la ko te “F” (Fai ke lelei) peʼe “G” (Gāueʼi te puani ʼaia), ko te taupau ʼo te ako ʼe ina fakahā anai ʼi te pepa ʼaia te puani ʼaē ʼe tonu ke ina tokaga ki ai. Ki te fahaʼi ʼaia, ʼe ina takaʼi anai peʼe ko te “L”, peʼe ko te “F”, peʼe ko te “G”. ʼE ina fakahā anai kia ia ʼaē neʼe fai akonaki ʼi te afiafi pe ʼaia pea ʼe ina fakahā age anai ki ai te kalitate ʼaia ʼe tonu ke tuʼu ʼi te pepa ʼaē Vae ki te Ako faka minisitelio faka teokalatike (S-89) ʼo tuku age anai kia ia ʼaē kei ako. Nātou fuli ʼaē ʼe ʼi ai tanatou akonaki ʼe tonu ke nātou heheka ʼi te ʼu ʼatu muʼa ʼo te loto Fale ʼo te Puleʼaga. ʼE mole puli anai te temi pea ʼe faigafua anai ki te tagata taupau ʼo te ako tana tokoniʼi nātou fakahagatonu. Kapau ʼe fealagia te temi, ʼi te ʼosi ʼo tana foaki age te ʼu tokoni ʼe ʼaoga, ʼe feala tana fakahā he ʼu tokoni ʼo ʼuhiga mo he ʼu manatu ʼe ʼaoga peʼe ko he ʼu puani neʼe mole fakahā e ia ʼaē kei ako. Ko te taupau ʼo te ako ʼe tokaga anai naʼa fakalaka tana ʼu tokoni pea mo tana ʼu fakatokaga ia minuta e lua ʼi te ʼosi ʼo te akonaki. Kapau ko te fakahā ʼo te ʼu puani ʼaoga ʼo te Tohi-Tapu ʼe tonu ke toe gāueʼi ke lelei age, ʼe foaki age anai te ʼu tokoni ʼaia kia ia tokotahi.

TEUTEUʼI ʼO TE ʼU AKONAKI: Ko te ʼu tēhina ʼaē ʼe nātou fai te akonaki n° 1 ʼe tonu ke nātou fili he kupu tāfito mo kapau ʼe ʼaoga. Ko nātou ʼaē ʼe nātou fai te akonaki n° 2 ʼe tonu ke nātou fili he kupu tāfito ke feala ai tanatou gāueʼi fakalelei te ʼu manatu. Ko nātou ʼaē ʼe nātou fai te ʼu akonaki n^os 3 pea mo 4 ʼe tonu ke nātou mulimuli ki te kupu neʼe fakatuʼutuʼu mai. ʼI muʼa ʼo te fai ʼo te akonaki, ko nātou fuli ʼaia ʼe tonu ke nātou lau muʼa te ʼu manatu ʼo te Manuel pour lʼEcole ʼaē ʼuhiga mo te kalitate ʼo te fai akonaki ʼe tonu ke nātou gāueʼi.

TONA LOALOAGA: ʼE mole ʼaoga ke loaloaga age he akonaki ʼi te temi ʼaē neʼe tuku mai. ʼO toe feiā foki mo te temi ʼe fai fakatokaga pea mo te ʼu tokoni ʼa te tagata taupau ʼo te ako. Ko te ʼu akonaki n^os 2 mo te 4 ʼe fakagata anai mo kapau ʼe loaloaga ia ʼi te temi neʼe tuku mai. Ko te tagata ʼaē neʼe hinoʼi ki te fahaʼi ʼaia ʼe tonu ke ina fakahā mokā hoko te temi. Kapau ko te akonaki n° 1 ʼe loa fau, ʼe tuku age anai he ʼu tokoni kia ia tokotahi. ʼE tahi tokaga anai ʼo fakaʼapaʼapa ki te temi ʼaē neʼe tuku age. Ko te loaloaga ʼo te ako katoa ko te ʼu minuta e 45, mole kau ki ai te katiko pea mo te faikole.

FAKAMANATU ʼO TOHI KI HE PEPA: Tuʼumaʼu ʼe ʼi ai te fakamanatu ʼo tohi ki te pepa. Mo teuteuʼi ʼo koutou, koutou toe vakaʼi te ʼu manatu ʼaē neʼe koutou akoʼi pea mo fakaʼosi takotou lau te koga ʼo te Tohi-Tapu ʼaē neʼe hinoʼi. ʼE ko te Tohi-Tapu pe ʼaē ʼe tonu ke fakaʼaogaʼi ki te fakamanatu ʼaia e minuta 25. Ko te toe ʼo te temi ʼe fakaʼaogaʼi anai ki he fai palalau ʼo faiʼaki he ʼu fehuʼi pea mo he ʼu tali. ʼE tahi fakatonutonu pe anai tana pepa. Ko te tagata taupau ʼo te ako ʼe ina vakaʼi fuli anai te ʼu tali mo te kau fono ʼo ʼuhiga mo te ʼatu ʼu fehuʼi ʼo te fakamanatu. ʼE ina fakahā anai te maʼuhiga ʼo te ʼu fehuʼi ʼaē ʼe faigataʼa pea ʼe ina faigaʼi anai ʼo tokoniʼi nātou fuli ʼo te fono ke nātou mahino ki te ʼu tali. Kapau ʼe ʼi ai he ʼu fihifihia, ko te fakamanatu ʼaia ʼe feala hona toe holo atu ʼi he vāhaʼa e tahi ki te ʼaho ʼaē neʼe fakatuʼutuʼu ki ai ʼi te polokalama.

TE ʼU KOKELEKASIO LALAHI PEA MO VELIVELI: Ko te ʼu kokelekasio ʼaē ko tanatou kau ako e 50 ʼe feala foki hanatou fai tuʼumaʼu hanatou ʼu akonaki. Ko nātou ʼaē mole heʼeki papitema kae ʼe nātou muliʼi te ʼu lao faka kilisitiano ʼe feala tanatou ʼolo ʼo tohi ki te ako ʼaia ke fai hanatou ʼu akonaki.

KO TE TO ʼI TE FONO: Ko nātou fuli ʼo te kokelekasio ʼe nātou fakahā anai tanatou fakafetaʼi ʼo ʼuhiga mo te ako ʼi tanatou ʼomai ʼi te vāhaʼa fuli, ʼi tanatou teuteuʼi fakalelei tanatou ʼu akonaki pea mo kau ki te tali ʼo te ʼu fehuʼi ʼe fai mai muʼa. ʼE mātou falala ko te kau ako takitokotahi ʼe nātou fai fakalelei anai tanatou ʼu akonaki ʼaē ʼe tuku age kia nātou. Kapau ʼe ʼi ai he tahi ʼi te ako ʼaia ʼe to ʼi te fono, ʼe feala anai ke kole ki he tahi ʼe lotolelei ke ina fai te akonaki ʼaia, ʼo manatuʼi foki te temi nounou ʼaē ʼe tuku age kia ia. Peʼe, ko te tagata taupau ʼo te ako ʼe ina fakahoko pe anai ia te fahaʼi ʼaia ʼo fai ni fehuʼi kia nātou ʼe ʼi te fono.

POLOKALAMA

*td  – “Sujets de conversation bibliques” ʼo te Tohi-Tapu Traduction du monde nouveau

4 sanualio Lau ʼo te Tohi-Tapu: Gāue 17 ki te 19

Katiko n° 62

N° 1: sg pp. 116-118 §§ 1-12

N° 2: Mateo 16:​24–17:9

N° 3: Ko he ako ʼo te manavaʼofa (gt kap. 40)

N° 4: Koteā te toʼo ʼo te ’Ēkelesia, pea koteā te ʼuhiga ʼo te ʼui ʼaē ʼe ‘ ʼave’ kia tafa ʼo te ʼAliki? (rs p. 130 § 2)

11 sanualio Lau ʼo te Tohi-Tapu: Gāue 20, 21

Katiko n° 59

N° 1: sg pp. 119-121 §§ 13-28

N° 2: Mateo 17:​10-27

N° 3: ʼE nofo Sesu ʼi te lotolotoiga ʼo he fakafeagai (gt kap. 41)

N° 4: *td 9A He koʼe ʼe mole lelei te ʼatolasioʼi ʼo te ʼu kui?

18 sanualio Lau ʼo te Tohi-Tapu: Gāue 22 ki te 24

Katiko n° 43

N° 1: sg pp. 122-125 §§ 1-21

N° 2: Mateo 18:​1-10

N° 3: Neʼe fakatotonuʼi e Sesu te kau Faliseo (gt kap. 42)

N° 4: Ko ai nātou ʼaē ʼe ‘toʼo ʼi te ʼao’ ʼo ʼave kia tafa ʼo te ʼAliki? (rs p. 131 § 1)

25 sanualio Lau ʼo te Tohi-Tapu: Gāue 25, 26

Katiko n° 42

N° 1: sg pp. 126-129 §§ 1-22

N° 2: Mateo 18:​12-22

N° 3: ʼE fakahā e Sesu te ʼu fakatā e nima ʼi te loto vaka (gt kap. 43 §§ 1-8)

N° 4: *td 9B He koʼe ʼe feala ke fakaʼapaʼapa ki te ʼu tagata, kae ko te ʼAtua tokotahi pe ʼe tonu ke ʼatolasio ki ai?

1 fepualio Lau ʼo te Tohi-Tapu: Gāue 27, 28

Katiko n° 40

N° 1: sg pp. 130-133 §§ 1-20

N° 2: Mateo 18:23-35

N° 3: Ko te kau tisipulo ʼe nātou fakaʼaogaʼi lelei te ʼu ʼakonaki ʼa Sesu (gt kap. 43 §§ 9-19)

N° 4: Ka “hifo anai mai lagi” te ʼAliki, ʼe mole hā anai ia ʼo tou sio ki ai (rs p. 131 §§ 2, 3)

8 fepualio Lau ʼo te Tohi-Tapu: Loma 1 ki te 3

Katiko n° 91

N° 1: Loma — ʼUluaki palalau; Fakaʼaoga (si p. 194 § 1 ki te p. 195 § 7; p. 197 §§ 20-25)

N° 2: Mateo 19:​1-15

N° 3: ʼE fakapale e Sesu tana ʼu tisipulo ʼaki he akonaki katoa (gt kap. 43 §§ 20-31)

N° 4: *td 17A ʼE feafeaʼi anai te pulihi ʼo te agakovi?

15 fepualio Lau ʼo te Tohi-Tapu: Loma 4 ki te 6

Katiko n° 38

N° 1: sg 133-135 §§ 1-8

N° 2: Mateo 19:​16-30

N° 3: Neʼe tāʼofi e Sesu te afā fakamataku (gt kap. 44)

N° 4: Koteā te ʼuhiga ʼo te ʼui ʼaē ʼe tou “sio” anai ki te ʼAliki ʼi tana ‘haʼu ʼi te ʼao’? (rs p. 132 § 1)

22 fepualio Lau ʼo te Tohi-Tapu: Loma 7 ki te 9

Katiko n° 29

N° 1: sg pp. 135-138 §§ 9-21

N° 2: Mateo 20:​1-16

N° 3: Ko he tagata neʼe ulu sino ai te temonio neʼe liliu ko he tisipulo (gt kap. 45)

N° 4: *td 17B Ko te tau ʼaē ʼi Halamaketone ʼe ko he fakahā anai koa ʼaia ʼo te ʼofa ʼo te ʼAtua?

1 malesio Lau ʼo te Tohi-Tapu: Loma 10 ki te 12

Katiko n° 82

N° 1: sg pp. 138-141 §§ 1-19

N° 2: Mateo 20:​17-28

N° 3: Neʼe fāfā e te fafine tona kofu (gt kap. 46)

N° 4: He koʼe ʼe mole feala ke hake te ʼu kilisitiano ki te lagi mo ʼonatou ʼu sinoʼi tagata (rs p. 132 §§ 2, 3)

8 malesio Lau ʼo te Tohi-Tapu: Loma 13 ki te 16

Katiko n° 85

N° 1: sg pp. 142-145 §§ 1-15

N° 2: Mateo 20:​29–21:9

N° 3: ʼI te ʼu loʼimata ki te fakafiafia (gt kap. 47)

N° 4: *td 2A Ko te papitema ʼe fakamaʼua ki ai te kau kilisitiano

15 malesio Lau ʼo te Tohi-Tapu: 1 Kolonito 1 ki te 3

Katiko n° 25

N° 1: 1 Kolonito — ʼUluaki palalau; Fakaʼaoga (si p. 198 § 1 ki te p. 199 § 7; p. 201 §§ 23-26)

N° 2: Mateo 21:​10-22

N° 3: Logope la te ʼu milakulo ʼaē neʼe fai e Sesu, neʼe mole tali leleiʼi ia ia (gt kap. 48)

N° 4: Ko te kau kilisitiano agatonu ʼe toʼo fakafūfū koa nātou ki te lagi, ʼo mavae ʼi te kele kae heʼeki nātou mamate? (rs p. 133 §§ 1, 2)

22 malesio Lau ʼo te Tohi-Tapu: 1 Kolonito 4 ki te 6

Katiko n° 107

N° 1: sg pp. 145-148, §§ 16-34

N° 2: Mateo 21:​23-41

N° 3: Ko te fagona tuʼa tolu ʼaenī ʼo fai faka mafola ʼi Kalilea (gt kap. 49)

N° 4: *td 2B Ko te papitema ʼe mole ina molehi te ʼu agahala

29 malesio Lau ʼo te Tohi-Tapu: 1 Kolonito 7 ki te 9

Katiko n° 174

N° 1: sg pp. 148-150, §§ 1-8

N° 2: Mateo 21:​42–22:14

N° 3: ʼE teuteuʼi e Sesu tana kau tisipulo ke nātou lavaʼi te fakataga (gt kap. 50)

N° 4: Ko te kau kilisitiano agatonu ʼe toʼo faka milakulo anai koa nātou ʼi te kele ʼi muʼa ʼo te mamahi lahi? (rs p. 133 §§ 3, 4)

5 ʼapelili Lau ʼo te Tohi-Tapu: 1 Kolonito 10 ki te 12

Katiko n° 170

N° 1: sg pp. 150-152, §§ 9-21

N° 2: Mateo 22:​15-33

N° 3: Fakapō lolotoga te kaitahi ʼo te ʼaho tupu (gt kap. 51)

N° 4: *td 3A Ko te tohi-Tapu ʼe haʼu moʼoni koa ia mai te ʼAtua?

12 ʼapelili Lau ʼo te Tohi-Tapu: 1 Kolonito 13, 14

Katiko n° 6

N° 1: sg pp. 153-155, §§ 1-14

N° 2: Mateo 22:​34–23:7

N° 3: Neʼe fafaga faka milakulo e Sesu te ʼu hahaʼi ʼe lauʼi afe mo afe (gt kap. 52)

N° 4: ʼE feafeaʼi anai te hāofaki ʼo te kau kilisitiano lolotoga te mamahi lahi? (rs p. 134 §§ 1, 2)

19 ʼapelili Lau ʼo te Tohi-Tapu: 1 Kolonito 15, 16

Katiko n° 175

N° 1: sg pp. 155-157, §§ 15-24

N° 2: Mateo 23:​8-24

N° 3: ʼE haʼele Sesu ʼi te fuga vai (gt kap. 53)

N° 4: *td 3B He koʼe koa ko te Tohi-Tapu ʼe ko he takitaki ʼaoga ʼaia ki totatou temi

26 ʼapelili Fakamanatu. Toe lau ia Gāue 17 kia 1 Kolonito 16

Katiko n° 8

3 maio Lau ʼo te Tohi-Tapu: 2 Kolonito 1 ki te 4

Katiko n° 150

N° 1: 2 Kolonito — ʼUluaki palalau; Fakaʼaoga (si p. 202 §§ 1-4; p. 204 §§ 18-20)

N° 2: Mateo 23:​25-39

N° 3: Ko te pane mai lagi: ko te meʼa ʼofa mai ia ai? (gt kap. 54)

N° 4: He koʼe neʼe toʼo ʼihi kilisitiano ʼo ʼave ki te lagi, pea ʼe nātou toe ʼomai anai ki te kele ʼo maʼuʼuli talu ai? (rs p. 134 § 7 ki te 135 § 1)

10 maio Lau ʼo te Tohi-Tapu: 2 Kolonito 5 ki te 8

Katiko n° 50

N° 1: sg pp. 157-159 §§ 1-9

N° 2: Mateo 24:​1-14

N° 3: He koʼe ʼe tokolahi te kau tisipulo ʼe mole kei nātou muliʼi ia Sesu (gt kap. 55)

N° 4: *td 3C Neʼe tohi te Tohi-Tapu maʼa ai?

17 maio Lau ʼo te Tohi-Tapu: 2 Kolonito 9 ki te 13

Katiko n° 132

N° 1: sg pp. 159-162 §§ 10-24

N° 2: Mateo 24:​15-31

N° 3: Koteā ʼaē ʼe ina ʼulihi te tagata? (gt kap. 56)

N° 4: ʼE mole ako mai e te Tohi-Tapu te toe liliu mai ʼi he tahi sino ʼi te ʼosi mate (rs p. 305 § 4 ki te p. 307 § 4)

24 maio Lau ʼo te Tohi-Tapu: Kalate 1 ki te 3

Katiko n° 18

N° 1: Kalate — ʼUluaki palalau; Fakaʼaoga (si p. 205 §§ 1-6; p. 206 § 14 ki te p. 207 § 18)

N° 2: Mateo 24:​32-44

N° 3: Ko te ʼofa ʼo Sesu kia nātou ʼaē ʼe nonofo mamahi (gt kap. 57)

N° 4: *td 39A Ko te ʼu foʼi huki toto ʼe ko he maumau ia ki te maʼuhiga ʼo te taputapu ʼo te toto

31 maio Lau ʼo te Tohi-Tapu: Kalate 4 ki te 6

Katiko n° 119

N° 1: sg pp. 162-164 §§ 1-9

N° 2: Mateo 24:​45–25:12

N° 3: ʼE fakatotonu e Sesu te hāla ʼo tana ʼu tisipulo (gt kap. 58)

N° 4: Ko te akonaki ʼa te Tohi-Tapu ʼo ʼuhiga mo te nefesi pea mo te mate ʼe mole ʼalu tahi mo te tui ʼaē ʼe kita toe liliu mai ʼaki he tahi sino (rs p. 308 §§ 1-3)

7 sūnio Lau ʼo te Tohi-Tapu: Efese 1 ki te 3

Katiko n° 168

N° 1: Efese — ʼUluaki palalau; Fakaʼaoga (si p. 207 § 1 ki te p. 208 § 8; p. 209 § 16 ki te p. 210 § 19)

N° 2: Mateo 25:​13-30

N° 3: Ko ai moʼoni koa ia Sesu? (gt kap. 59)

N° 4: *td 39B ʼE tonu koa ke foimo hāofaki te maʼuli ʼo he tahi?

14 sūnio Lau ʼo te Tohi-Tapu: Efese 4 ki te 6

Katiko n° 181

N° 1: sg pp. 164-166 §§ 10-21

N° 2: Mateo 25:​31-46

N° 3: Ko he hā ʼo te kolōlia ʼo Kilisito ʼi tona Puleʼaga (gt kap. 60)

N° 4: Koteā te ʼu kehekehe ʼo te toe tupu ʼi he tahi sino pea mo te ʼamanaki ʼaē ʼe tuʼu mai ʼi te Tohi-Tapu? (rs p. 308 § 4 ki te 309 § 1)

21 sūnio Lau ʼo te Tohi-Tapu: Filipe 1 ki te 4

Katiko n° 144

N° 1: Filipe — ʼUluaki palalau; Fakaʼaoga (si p. 210 § 1 ki te p. 211 § 7; p. 212 §§ 12-14)

N° 2: Mateo 26:​1-16

N° 3: Te mālohi ʼo te tui (gt kap. 61)

N° 4: *td 4A He koʼe ʼe tou ʼiloʼi neʼe fakaʼosi te ʼu temi ʼo te kau senetile ʼi te taʼu 1914?

28 sūnio Lau ʼo te Tohi-Tapu: Kolose 1 ki te 4

Katiko n° 213

N° 1: Kolose — ʼUluaki palalau; Fakaʼaoga (si p. 213 §§ 1-5; p. 214 § 12 ki te p. 215 § 14)

N° 2: Mateo 26:​17-30

N° 3: Ko he ako ʼo te agavaivai (gt kap. 62)

N° 4: He koʼe ʼe lahi ʼaupito te ʼu lotu, pea ko ai ʼaē neʼe ina fakatupu te fahaʼi ʼaia? (rs p. 310 §§ 1-3)

5 sūlio Lau ʼo te Tohi-Tapu: 1 Tesalonika 1 ki te 5

Katiko n° 105

N° 1: 1 Tesalonika — ʼUluaki palalau; Fakaʼaoga (si p. 215 § 1 ki te p. 216 § 5; p. 217 §§ 13-15)

N° 2: Mateo 26:​31-46

N° 3: ʼE fakahā e Sesu te maʼuhiga ʼaē ʼo te mole fakahiga ʼo he tahi (gt kap. 63)

N° 4: *td 12A Kofea te ’Ēkelesia moʼoni pea ko ai tona tafitoʼaga?

12 sūlio Lau ʼo te Tohi-Tapu: 2 Tesalonika 1 ki te 3

Katiko n° 110

N° 1: 2 Tesalonika — ʼUluaki palalau; Fakaʼaoga (si p. 218 §§ 1-4; p. 219 §§ 10, 11)

N° 2: Mateo 26:​47-61

N° 3: Ko he fakaloto mālohi ki te loto fakamolemole (gt kap. 64)

N° 4: He koʼe ʼe mole tali e te ʼAtua te ʼu lotu fuli (rs p. 310 § 4 ki te p. 311 § 5)

19 sūlio Lau ʼo te Tohi-Tapu: 1 Timoteo 1 ki te 3

Katiko n° 151

N° 1: 1 Timoteo — ʼUluaki palalau; Fakaʼaoga (si p. 220 §§ 1-6; p. 222 §§ 15-19)

N° 2: Mateo 26:​62-75

N° 3: Fagona fakafūfū ki Selusalemi (gt kap. 65)

N° 4: *td 12B Ko Petelo koa ʼaē ko te “maka”?

26 sūlio Lau ʼo te Tohi-Tapu: 1 Timoteo 4 ki te 6

Katiko n° 155

N° 1: sg pp. 167-169 §§ 1-14

N° 2: Mateo 27:​1-14

N° 3: ʼE tuʼutāmakiʼia Sesu lolotoga te lafeti ʼo te ʼu Tapenakulo (gt kap. 66)

N° 4: Ko te temi fea koa ʼaē ʼe ʼaoga ai ke kita mavae mai te lotu ʼaē ʼa te ʼu mātuʼa (rs p. 312 §§ 1-3)

2 ʼaukusito Lau ʼo te Tohi-Tapu: 2 Timoteo 1 ki te 4

Katiko n° 156

N° 1: 2 Timoteo — ʼUluaki palalau; Fakaʼaoga (si p. 223 §§ 1-4; p. 224 § 10 ki te p. 225 § 12)

N° 2: Mateo 27:​15-31

N° 3: He koʼe neʼe mole nātou tāʼofi ia Sesu (gt kap. 67)

N° 4: *td 6A Ko te poto moʼoni ʼo te tagata ʼe ʼalu tahi koa ia mo te Tohi-Tapu?

9 ʼaukusito Lau ʼo te Tohi-Tapu: Tito 1 ki te 3

Katiko n° 2

N° 1: Tito — ʼUluaki palalau; Fakaʼaoga (si p. 225 § 1 ki te 226 § 4; p. 226 § 8 ki te p. 227 § 10)

N° 2: Mateo 27:​32-44

N° 3: Te tupuʼaga fakaʼatua ʼo Sesu pea mo tona maʼuli ʼi te lagi ʼi te temi ka haʼu (gt kap. 68 §§ 1-11)

N° 4: Koteā te manatu ʼa te Tohi-Tapu ʼo ʼuhiga mo te fakatahitahiʼi ʼo te ʼu lotu? (rs p. 313 §§ 1-4)

16 ʼaukusito Lau ʼo te Tohi-Tapu: Filemone

Katiko n° 121

N° 1: Filemone — ʼUluaki palalau, Fahaʼi ʼi loto; Fakaʼaoga (si p. 227 § 1 ki te 228 § 10)

N° 2: Mateo 27:​45-61

N° 3: Te moʼoni ʼaē ʼe ina faka ʼāteaina (gt kap. 68 §§ 12-16)

N° 4: *td 6B Ko te ʼu ʼaho ʼaē neʼe fakatupu ai te ʼu meʼa fuli, ʼe ko he ʼu ʼaho koa e hola 24?

23 ʼaukusito Lau ʼo te Tohi-Tapu: Hepeleo 1 ki te 3

Katiko n° 88

N° 1: Hepeleo — ʼUluaki palalau (si p. 229 § 1 ki te p. 230 § 9)

N° 2: Mateo 27:​62-28:7

N° 3: Ko te fehuʼi ʼo ʼuhiga mo te tāmai ʼo te hōloga (gt kap. 69)

N° 4: He koʼe ʼe tonu ke maʼui mālie meʼa fuli ʼi te lotu moʼoni (rs p. 314 § 1 ki te p. 315 § 2)

30 ʼaukusito Fakamanatu. Toe lau ia 2 Kolonito 1 kia Hepeleo 3

Katiko n° 217

6 sepetepeli Lau ʼo te Tohi-Tapu: Hepeleo 4 ki te 7

Katiko n° 191

N° 1: sg pp. 169-171 §§ 15-22

N° 2: Mateo 28:​8-20

N° 4: *td 7A He koʼe neʼe tutuki Sesu ʼi te pou?

13 sepetepeli Lau ʼo te Tohi-Tapu: Hepeleo 8 ki te 10

Katiko n° 47

N° 1: sg pp. 171-174 §§ 1-13

N° 2: Maleko 1:​1-15

N° 4: He koʼe ʼe mole feʼauga pe ʼi te ʼofa ʼaē ki te kāiga (rs p. 315 § 4)

20 sepetepeli Lau ʼo te Tohi-Tapu: Hepeleo 11 ki te 13

Katiko n° 201

N° 1: Hepeleo — Fakaʼaoga (si p. 232 § 23 ki te p. 233 § 27)

N° 2: Maleko 1:​16-31

N° 3: ʼE fekauʼi e Sesu te kau tisipulo e 70 ke nātou ʼolo ʼo fai faka mafola (gt kap. 72)

N° 4: *td 7B ʼE tonu koa ke ʼatolasio te kau kilisitiano ki te koluse?

27 sepeteli Lau ʼo te Tohi-Tapu: Sake 1 ki te 5

Katiko n° 202

N° 1: Sake — ʼUluaki palalau; Fakaʼaoga (si p. 233 § 1 ki te p. 234 § 7; p. 235 § 15 ki te p. 236 § 17)

N° 2: Maleko 1:​32-45

N° 3: Ko ai koa totatou kāiga moʼoni? (gt kap. 73)

N° 4: He koʼe ʼe mole feʼauga pe ʼi te ʼu felogoi takitokotahi ʼaē mo te ʼAtua (rs p. 315 §§ 5, 6)

4 ʼoketopeli Lau ʼo te Tohi-Tapu: 1 Petelo 1 ki te 5

Katiko n° 172

N° 1: 1 Petelo — ʼUluaki palalau; Fakaʼaoga (si p. 236 § 1 ki te p. 237 § 5; p. 238 §§ 11-13)

N° 2: Maleko 2:​1-12

N° 3: ʼE tokoniʼi e Sesu ia Maleta (gt kap. 74 §§ 1-5)

N° 4: *td 26A He koʼe ʼe mate te tagata?

11 ʼoketopeli Lau ʼo te Tohi-Tapu: 2 Petelo 1 ki te 3

Katiko n° 161

N° 1: 2 Petelo — ʼUluaki palalau; Fakaʼaoga (si p. 239 §§ 1-3; p. 240 §§ 8-10)

N° 2: Maleko 2:​13-28

N° 3: Te maʼuhiga ʼo te faikole tuʼumaʼu (gt kap. 74 §§ 6-9)

N° 4: He koʼe ʼe mole feʼauga pe ʼi ta kita lau tokotahi te Tohi-Tapu (rs p. 316 §§ 1, 2)

18 ʼoketopeli Lau ʼo te Tohi-Tapu: 1 Soane 1 ki te 5

Katiko n° 222

N° 1: 1 Soane — ʼUluaki palalau; Fakaʼaoga (si p. 241 § 1 ki te p. 242 § 5; p. 243 §§ 11-13)

N° 2: Maleko 3:​1-15

N° 3: Te faʼahiga tali lelei ki te ʼu milakulo ʼa Sesu (gt kap. 75)

N° 4: *td 26B ʼE feafeaʼi te ʼaluʼaga ʼa te kau mate?

25 ʼoketopeli Lau ʼo te Tohi-Tapu: 2 Soane, 3 Soane

Katiko n° 34

N° 1: 2 Soane, 3 Soane — ʼUluaki palalau; Fahaʼi ʼi loto; Fakaʼaoga (si p. 243 § 1 ki te p. 244 § 5; p. 245 §§ 1-5)

N° 2: Maleko 3:​16-30

N° 3: Neʼe fakahā e Sesu te ʼuhiga ʼa te kau Faliseo pea mo te ʼu tagata fai lao (gt kap. 76)

N° 4: Ko te lotu moʼoni ʼe fakatafito tana ʼu akonaki ki te Tohi-Tapu pea ʼe ina fakaʼilo te huafa ʼo te ʼAtua (rs p. 316 §§ 3, 4)

1 novepeli Lau ʼo te Tohi-Tapu: Suta

Katiko n° 215

N° 1: Suta — ʼUluaki palalau; Fakaʼaoga (si p. 246 §§ 1-4; p. 247 §§ 8-10)

N° 2: Maleko 3:​31–4:9

N° 3: ʼE talanoa Sesu ʼo ʼuhiga mo te palalau ki he tofiʼa (gt kap. 77)

N° 4: *td 26C ʼE feala koa ha kita felogoi mo te kau mate?

8 novepeli Lau ʼo te Tohi-Tapu: Fakahā 1 ki te 3

Katiko n° 211

N° 1: sg pp. 174-176 §§ 1-14

N° 2: Maleko 4:​10-25

N° 3: ʼE fakaloto mālohiʼi e Sesu tana ʼu tisipulo ke nātou nonofo teuteu ki tana liliu mai (gt kap. 78)

N° 4: Ko te ʼu hahaʼi ʼo te lotu moʼoni ʼe nātou haga tui moʼoni kia Sesu Kilisito (rs p. 317 § 1)

15 novepeli Lau ʼo te Tohi-Tapu: Fakahā 4 ki te 6

Katiko n° 195

N° 1: Fakahā — ʼUluaki palalau (si p. 248 § 1 ki te p. 249 § 7)

N° 2: Maleko 4:​26-41

N° 3: Ko he fenua kua tautea, kae mole ko te fenua katoa (gt kap. 79 §§ 1-5)

N° 4: *td 11A Ko ai te Tevolo?

22 novepeli Lau ʼo te Tohi-Tapu: Fakahā 7 ki te 9

Katiko n° 177

N° 1: sg pp. 177-180 §§ 15-29

N° 2: Maleko 5:​1-17

N° 3: Neʼe toe fakatotonuʼi e Sesu ia nātou ʼaē neʼe nātou fepalalauʼaki ʼo ʼuhiga mo te fakamālōlō neʼe ina fai ʼi te sapato (gt kap. 79 §§ 6-9)

N° 4: Ko te lotu moʼoni ʼe mole ko he meʼa pe ia ʼe tonu ke fai kae ko te faʼahiga maʼuli ia (rs p. 317 § 2)

29 novepeli Lau ʼo te Tohi-Tapu: Fakahā 10 ki te 12

Katiko n° 148

N° 1: sg pp. 180-183 §§ 1-14

N° 2: Maleko 5:​18-34

N° 3: Ko te ʼu ā pea mo te tagata tauhi manu lelei (gt kap. 80)

N° 4: *td 11B Ko ai koa te pule fakapulipuli ʼo te mālama ʼaenī?

6 tesepeli Lau ʼo te Tohi-Tapu: Fakahā 13 ki te 15

Katiko n° 53

N° 1: sg pp. 183-186 §§ 15-34

N° 2: Maleko 5:​35–6:6

N° 3: He koʼe ʼe nātou faiga ke nātou matehi ia Sesu (gt kap. 81)

N° 4: Ko te ʼu hahaʼi ʼo te lotu moʼoni ʼe nātou feʼofaʼaki pea ʼe nātou fakamamaʼo mai te mālama (rs p. 317 §§ 3, 4)

13 tesepeli Lau ʼo te Tohi-Tapu: Fakahā 16 ki te 18

Katiko n° 143

N° 1: sg pp. 186-191 §§ 1-13

N° 2: Maleko 6:​7-20

N° 3: Ko ai ʼaē ka mole hāo anai? (gt kap. 82 §§ 1-6)

N° 4: *td 11C Neʼe tupu feafeaʼi koa te ʼu temonio?

20 tesepeli Lau ʼo te Tohi-Tapu: Fakahā 19 ki te 22

Katiko n° 123

N° 1: Fakahā — Fakaʼaoga (si p. 252 § 29 ki te p. 253 § 35)

N° 2: Maleko 6:​21-34

N° 3: Te ʼu gāue ʼa Sesu ʼi te ala ki Selusalemi (gt kap. 82 §§ 7-11)

N° 4: Ko te ʼu hahaʼi fuli ʼo te lotu moʼoni ko te kau Fakamoʼoni ʼe gāue mālohi (rs p. 317 § 5)

27 tesepeli Fakamanatu. Toe lau ia Hepeleo 4 kia Fakahā 22

Katiko n° 111