Tou Fakahā He ʼu Manatu ʼAoga
1 ʼE feafeaʼi te fakaloto mālohiʼi ʼo te hahaʼi ke nātou lau Te Tule Leʼo pea mo te Koutou ʼaʼala! tuʼumaʼu? ʼI tatatou ʼu fakahā, ʼe tonu ke tou fakahā he ʼu manatu ʼe ʼaoga ʼi te ʼu nusipepa ʼaē ʼe tou fakahā age. Kapau ʼe tou ʼiloʼi lelei te ʼu hahaʼi ʼo totatou telituale, tou manatuʼi ia nātou mokā ʼe tou lau te ʼu nusipepa pea ke tou kumi he ʼu manatu ʼe nātou fia logo ki ai.
2 ʼI ʼihi kolo, ko te hahaʼi ʼe hau mai te lanu e tahi; koia ʼe faigafua ai te fakaʼaogaʼi ʼo he palalau ʼe ʼaoga kia nātou. ʼI he tahi fahaʼi, ʼe tou felāveʼi anai mo ni hahaʼi ʼe lanu kehekehe pea mo tuʼulaga faka sosiale kehekehe. Kapau ʼe lahi he ʼu manatu ʼaoga ʼe tou fakakaukauʼi, ʼe feala anai ke tou fakaʼaogaʼi te ʼu manatu ʼaē ʼe ʼaoga kia ia ʼaē ʼe fai palalau mo tatou.
3 ʼI takotou maʼu te ʼu nusipepa fakamuli, vakaʼi naʼa koutou foimo tuku kehe te ʼu nusipepa ki muʼa atu. Ko he tēhina ʼe māhani tana fakahā te ʼu nusipepa e tolu peʼe fā ʼo Te Tule Leʼo pea ʼe ina tuku ake he fealagia ke ina fili te nusipepa ʼaē ʼe ina fia lau. Ke tou fai te fakatuʼutuʼu ʼaē ke tou kau ʼo lahi age ki te fakahā ʼo te ʼu nusipepa. Kapau ʼe tou sio ifo ʼe mole feʼauga tatatou ʼu nusipepa, tou hikihiki ake.
4 Kapau ʼe tou fakaʼaoga he ʼu manatu ʼe ʼaoga, ʼe lagi tou faigaʼi anai ke fia lau tatatou ʼu nusipepa e te hahaʼi ke feala ai tanatou toʼo te ala ʼo te maʼuli (Mat. 7:14). Kapau ʼe tou tokaga ki te puani maʼuhiga ʼaia, ʼe feala ai ke tou tuku tatatou falala kia Sehova.