Tou Fakaʼaogaʼi Te ʼu Nusipepa Ke Fua Lelei Ki Niʼihi
1 ʼI meʼa fakafiafia leva mokā tou maʼu te ʼu alatike foʼou ʼo Te Tule Leʼo pea mo te nusipepa ʼaē Koutou ʼaʼala! Ke tou faka maʼuhigaʼi te temi ʼaē ʼe tou maʼu ai te ʼu nusipepa ʼo tou lau fakavilivili ke feala ai hatatou maʼu he fua lelei ʼo te talanoa ʼaē ʼe tuʼu ʼi ai. ʼO mole gata ʼaki pe tatatou kumi te alatike ʼaē ʼe feala ke tokoni kia tatou takitokotahi, ʼe ko he manatu lelei hatatou kumi he ʼu puani ʼe feala ke fakaʼaogaʼi mokā tou tufa te ʼu nusipepa ki niʼihi. ʼE feala ke tou fakaʼiloga te ʼu puani ʼaē ʼe ʼaoga tāfito anai ki te hahaʼi ʼaē ʼi te telituale ʼo totatou kokelekasio peʼe tou tohi he ʼu manatu ʼi tatatou nusipepa ke tou manatuʼi te ʼu puani ʼaē ke tou palalau kiai pea ʼe feafeaʼi hatatou fakahā te alatike ʼi te telituale.
2 Ko ʼatatou ʼu sulunale ʼe ʼaoga tuʼumaʼu. Logope la ʼe tonu ke tou ʼuluaki tokaga ʼo fakahā te ʼu nusipepa foʼou, kae ʼe mole ʼaoga leva ke tou tuku kehe te ʼu alatike ʼāfea, koteʼuhi ko te manatu ʼaē ʼi loto ʼe mole heʼeki ʼāfea ia. Koutou tuku he ʼu alatike ʼāfea ʼi takotou kato fai faka mafola heʼe ʼaoga anai mokā ʼe koutou fai faka mafola. Ko te ʼu alatike ʼaia ʼe ʼaoga tāfito mokā ʼe hā lelei mai te meʼa ʼaē ʼe ʼaoga kia ia ʼaē ʼe palalau mo tatou. Kapau ʼe tuku he nusipepa ʼāfea ki he tahi, ʼe tonu ke tou fakahā fakalelei age ki ai ʼe totogi.