Tou Haga Fai ʼAki Tatatou Faiga ʼAē Ke Tou Maʼu Te Aga Faka Lotu
1 Ko te Ako ʼo te minisitelio faka teokalatike ʼe ina foaki mai he ako moʼo ‘fakaʼaoga lelei te folafola ʼo te moʼoni’. (2 Tim. 2:15.) Neʼe kua koutou tohi koa ki te ako ʼaia? Kapau ʼe mole heʼeki fai, pea koteā ʼe mole koutou tohi ʼi te temi nei, mokā ʼe koutou fai ia meʼa fuli ʼe ʼaoga ki te fahaʼi ʼaia, ke feala ai hakotou kau ki te fakatuʼutuʼu lelei ʼaia?
2 Ko te polokalama lau ʼo te Tohi-Tapu ʼi te vāhaʼa fuli ʼe ʼi ai tona maʼuhiga ʼaupito ʼi te ako. Koia, lolotoga takotou ako takitokotahi, ʼe tonu ke koutou fakatuʼutuʼu ke koutou lau te ʼu kapite neʼe hinoʼi mai ki te vāhaʼa, ko te faka fealagia ʼaia kia koutou ke koutou lau te Tohi-Tapu katoa.
3 ʼO kamata ʼi te taʼu 1993, ko ia ʼaē ka ina fai ia te akonaki n° 2 ʼe ina lau tuʼa tahi te koga ʼo te Tohi-Tapu ʼaē ʼe tonu ke ina lau. Ko tona faka ʼuhiga ʼe feala pe ke ina fakahā hana ʼu manatu ʼi tana ʼu ʼuluaki palalau pea mo te fakaʼosi. Ko te tēhina ʼaē ʼe ina fai anai te ʼu puani tāfito faka tohi-tapu ʼe mole ʼaoga anai tana fakamatala fuli te ʼu vaega ʼe ʼaoga ki te akonaki n° 2, ʼo ina foaki anai kia ia ʼaē ʼe ina fai te akonaki te ʼāteaina moʼo fakakatoa ʼo tana ʼu manatu.
4 Ko te tagata taupau ki te ako ʼe ina nota ia nātou ʼaē neʼe nātou fai te ʼu akonaki nos 2, 3 pea mo 4 pea ʼe ina tohi anai te fahaʼi ʼaia ʼi tanatou pepa tokoni. ʼE ina foaki age anai he ʼu tokoni totonu ʼo ʼuhiga mo te ʼu faʼahi ʼaē ʼe ʼaoga ke haʼele ai ia ki muʼa, kae mole fakamaʼuaʼi ke ina muliʼi te ʼu puani ʼe tuʼu ʼi te pepa ʼaia. ʼE mole ʼaoga te nota ʼo te ʼu tēhina ʼaē ʼe nātou fai te ʼu akonaki n° 1, logope peʼe feala ke foaki age kia nātou takitokotahi he ʼu tokoni mokā ʼe ʼaoga te fahaʼi ʼaia.
5 Ko nātou fuli ʼaē kua nātou fai ia meʼa fuli ʼe ʼaoga ki te faʼahi ʼaia, ʼe tonu ke nātou taupau katoa te ʼu fakatuʼutuʼu fakalaumālie neʼe fai e Sehova, ʼo feiā foki ki te ako ʼe haʼu mai te Ako ʼo te minisitelio faka teokalatike. Ko te ako ʼaia ʼe ina tokoniʼi tatou ke tou maʼu he fua lelei ʼi te minisitelio. — 1 Tim. 4:7.