Ko Te ʼu Fono Gāue ʼo Novepeli
Vāhaʼa ʼe kamata ʼi te 1 novepeli
Katiko 5
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga. Fai he fakamālo ki te kau fai faka mafola ʼo ʼuhiga mo tanatou kau ki te faka mafola ʼo te Puleʼaga.
15 mn: Logo ʼe ʼaoga ki te kokelekasio peʼe “Ko te felogoi ʼe mole gata ʼaki pe te palalau”. Akonaki ʼe fakatafito ki te ʼu alatike ʼo Te Tule Leʼo ʼo te ʼaho 1 ʼo ʼaukusito 1993, ʼu pasina 3 ki te 8.
20 mn: “Te maʼuhiga ʼo te Tohi-Tapu ʼi te mālama ʼaenī.” Ko he fai palalau ʼa te tagata taupau ki te gāue pea mo he tahi ʼi te kau fai faka mafola ʼe fia tuputupu ʼi te gāue faka mafola. ʼI te ʼosi vakaʼi ʼo te palakalafe 3, ʼe ʼui age e te tagata taupau ki te gāue kia ia ʼaē ʼe fai faka mafola ke ina ʼahiʼahiʼi te fai ʼo te faʼifaʼitaki ʼaē ʼe tuʼu ʼi te alatike mo ia. ʼI te ʼosi vakaʼi ʼo te palakalafe 4, ʼe fai anai e te tagata taupau ki te gāue te faʼifaʼitaki mo ia ʼaē ʼe fai faka mafola. Fakaloto mālohiʼi te kokelekasio ke tokoni ki te hahaʼi ʼaē ʼe fia logo pea mo te kau ako Tohi-Tapu ke nātou leleiʼia te maʼuhiga ʼo te Tohi-Tapu Traduction du monde nouveau.
Katiko 52 pea mo te faikole fakaʼosi.
Vāhaʼa ʼe kamata ʼi te 8 novepeli
Katiko 7
10 mn: Ko te ʼu logo ki te kokelekasio. Fai he faʼifaʼitaki ʼo fakahā he alatike ʼo te ʼu nusipepa foʼou ʼe feala ke fakaʼaogaʼi ʼi te gāue faka mafola ʼi te fakaʼosi vāhaʼa ʼaenī. Talanoa ki te alatike “Ko he māhina makehe ki te gāue faka mafola”, pea fakaafe te kau fai faka mafola katoa ke nātou vakaʼi fakamalotoloto te fealagia moʼo fakatuputupu ʼo tanatou gāue ʼi te fai faka mafola ʼi tesepeli ʼo nātou pionie vaeluaʼi temi peʼe nātou kaugā gāue mo te kau pionie.
15 mn: “Te tohi ʼaē ʼe ina foaki mai te takitaki moʼoni.” ʼO fai ʼaki he ʼu fehuʼi pea mo he ʼu tali. Fai he faʼifaʼitaki ʼo he ʼaʼahi ʼo fakatafito ki te palakalafe 3. Fakaloto mālohiʼi te kau fai faka mafola katoa ke nātou fiafia ʼo maʼuliʼi te maʼuhiga ʼo te Tohi-Tapu mokā ʼe nātou palalau mo te hahaʼi ʼi te fai faka mafola ʼi te ʼu ʼapi pea mo te ʼu ʼaʼahi.
20 mn: “Kau tūpulaga: koutou fakafiafia te loto ʼo Sehova.” Fai palalau ʼa he tagata ʼāfea mo he ʼu tēhina tūpulaga peʼe ko he ʼu tuagaʼane e tokolua peʼe tokotolu ki te ʼu manatu ʼo te ʼu palakalafe 1 ki te 18. Fakahā te ʼu tapuakina ʼe maʼu e te kau tūpulaga ʼuhi ko tanatou faʼifaʼitaki lelei pea mo te maʼuhiga ʼo te ʼu alatike “Les jeunes sʼinterrogent...”. Vakaʼi te ʼu vaega mokā ʼe fealagia te temi.
Katiko 80 pea mo faikole fakaʼosi.
Vāhaʼa ʼe kamata ʼi te 15 novepeli
Katiko 73
10 mn: Ko te ʼu logo ki te kokelekasio, ʼo kau ai mo te tānaki falā pea mo te ʼu meʼa ʼofa. Fakamālo kia nātou ʼaē ʼi te fono ʼo ʼuhiga mo tanatou lagolago paʼaga ki te kokelekasio ʼo feiā aipe ki te Kesi ʼo te Sosiete ki te ʼu Fale ʼo te Puleʼaga pea mo te gāue faka malamanei ʼa te Sosiete.
15 mn: “Rêves” (misi), alatike ʼo te tohi Comment raisonner, ʼi te ʼu pasina 333 mo te 334. Fai palalau mo he tahi ʼe ina ako te Tohi-Tapu. ʼE fehuʼi e ia ʼaē ʼe ako peʼe ko he aga fakapotopoto mokā tou tuku ia tatou ke taki e ʼatatou ʼu misi. Fakahā ia te tuʼutāmaki ʼo te faʼahi ʼaia, peʼe feafeaʼi tana uga ia tatou ke tou liliu ʼo mulimuli ki te ʼu manatu ʼa te malamanei pea mo te kau temonio. Fakahā te maʼuhiga ʼo te mulimuli ki te ʼu fakatuʼutuʼu ʼa te Folafola ʼa te ʼAtua.
20 mn: “Kau tūpulaga: koutou fakafiafia te loto ʼo Sehova.” ʼO fai ʼaki he ʼu fehuʼi pea mo he ʼu tali ʼo te ʼu palakalafe 19 ki te 33 ʼo te pepa ʼe ʼalutahi mo te minisitelio. Fakafehuʼi he tūpulaga fai faka mafola e tahi peʼe lua. Fakafehuʼi ia nātou pe ko te tokoni fea neʼe foaki age e te kokelekasio ʼo ʼuhiga mo tanatou tuputupu fakalaumālie.
Katiko 90 pea mo faikole fakaʼosi.
Vāhaʼa ʼe kamata ʼi te 22 novepeli
Katiko 74
10 mn: Ko te ʼu logo ki te kokelekasio pea mo te ʼu Logo faka teokalatike. Fakaloto mālohiʼi te kau fai faka mafola ke nātou fakaʼaogaʼi te ʼu nusipepa foʼou ʼi te fai faka mafola ʼi te fakaʼosi vāhaʼa ʼaenī.
15 mn: “Tou tokoni ki te kau ako Tohi-Tapu ke nātou teuteuʼi tanatou ako.” ʼO fai ʼaki he ʼu fehuʼi pea mo he ʼu tali. Lau te ʼu palakalafe mokā ʼe fealagia te temi.
20 mn: “ ʼE koutou uga koa te fakakaukau ʼa te hahaʼi ʼaki te Tohi-Tapu?” ʼO fai ʼaki he ʼu fehuʼi pea mo he ʼu tali e he tēhina ʼe faiva ʼi te fai faka mafola pea mo te fai ʼo te ʼu ʼaʼahi. ʼI te ʼosi vakaʼi ʼo te palakalafe 4, fai he faʼifaʼitaki peʼe feafeaʼi te fakahā e he tahi ʼi te kau faka mafola te manatu tāfito peʼe ko te lau fakaʼatamai ʼo te vaega mokā ʼe maʼumaʼua ia ia ʼaē ʼe nā fai palalau. ʼI te ʼosi ʼo te faʼifaʼitaki, fakamahino te maʼuhiga ʼo te tokoni ʼaia ʼo tou faiga ʼo “faka mafola te folafola” ʼi he telituale ʼaē ʼe tokolahi te hahaʼi ʼe maʼumaʼua tuʼumaʼu peʼe nātou fai tanatou ʼu gāue ʼi tonatou ʼapi (2 Tim. 4:2). ʼI te ʼosi vakaʼi ʼo te palakalafe 6, fakaafe he tahi ʼe fai faka mafola ke ina fakamatala peʼe feafeaʼi tana fakaʼaogaʼi te tohi Comment raisonner ʼi te fai faka mafola.
Katiko 108 pea mo te faikole fakaʼosi.
Vāhaʼa ʼe kamata ʼi te 29 novepeli
Katiko 83
10 mn: Ko te ʼu logo ki te kokelekasio. Fakaloto mālohiʼi ia nātou fuli ʼaē ʼe feala ke nātou pionie vaeluaʼi temi ʼi tesepeli.
15 mn: “Te Tohi-Tapu: ko he takitaki ʼaoga ki te tagata ʼo te temi nei.” Akonaki ʼe fai e he pule faka famili ʼo fakatafito ki te alatike ʼo Te Tule Leʼo ʼo te ʼaho 1 ʼo maio 1993. Fakamahinohino ko te maʼuliʼi ʼo te ʼu fakatuʼutuʼu ʼa te Tohi-Tapu ʼe faka fealagia ai te tokalelei, te haʼele lelei ʼo te famili ʼi te ʼofa. Ko he tokotahi peʼe ko he tokolua ʼe nā fakamatala pe neʼe feafeaʼi te tokoni ʼa te ʼu fakatuʼutuʼu ʼa te Folafola ʼa te ʼAtua ki he famili peʼe ki he tokotahi.
20 mn: Fakaʼaogaʼi te tohi Le plus grand homme (Te tagata lahi) moʼo tokoni ki te hahaʼi ʼaē ʼe hage ko he ʼu ōvi ʼi tesepeli. Fai palalau mo nātou ʼaē ʼi te fono. Fai te ʼu fehuʼi ohage: Koteā te fakamatala ʼo te minisitelio ʼo Sesu peʼe ko tana ʼu felogoi mo ʼihi neʼe lave mālohi kia koutou? He koʼe ʼe lave kia koutou te fakamatala ʼaia? Koteā te maʼuhiga ʼo te tohi ʼaenī kia koutou? Koteā te meʼa neʼe koutou ako ʼo ʼuhiga mo Sehova ʼi takotou ako ia te tohi? Koteā te puani (peʼe ko te ʼu puani) neʼe koutou fakaʼaogaʼi ʼi takotou fakahā ia te tohi? Faʼifaʼitaki ʼe fai e he tahi ʼe faiva ʼi te fai faka mafola ʼo ina fakahā ia te tufa ʼo te māhina. Fakaloto mālohiʼi ia nātou fuli ʼaē ʼi te fono ke nātou kau ki te fai faka mafola ʼi te ʼahotapu.
Katiko 94 pea mo te faikole fakaʼosi.