Ko He Māhina Makehe Ki Te Gāue Faka Mafola
1 Ko te māhina ko tesepeli ʼe feala koa ko he māhina makehe kia koutou ʼo ʼuhiga mo te gāue faka mafola? E lagi ʼe ʼaoga ke koutou fai he ʼu fetogi ʼi takotou polokalama māhani, kae ko te ʼu tapuakina ʼe koutou maʼu mai ai ʼe mole ko he meʼa koa ʼaia ʼe ʼaoga ai hakotou faiga?
2 Ko te kau tūpulaga ʼaē kua ʼosi papitema ʼe nātou mālōlō anai ʼi te ako pea ʼe nātou fia pionie vaeluaʼi temi anai lolotoga te māhina. ʼE ko he meʼa fakaloto mālohi kia nātou mokā ʼe nātou gāue tahi ʼi te fai faka mafola mo he ʼu tagata ʼāfea, he ʼu tagata faifekau faka minisitelio, pea mo niʼihi hahaʼi fai faka mafola! Kapau ʼe mole faka fealagia e takotou ʼu ʼaluʼaga takitokotahi ke koutou pionie lolotoga te māhina, ʼe feala koa hakotou gāueʼi pe he ʼu hola ʼi te fai faka mafola mo nātou ʼaē ka pionie anai? ʼE mahino papau ia ko te meʼa ʼaia ʼe fefakaloto mālohiʼi ai tatou.
3 Kapau e lahi te faiga ʼa te kau fai faka mafola fuli, ʼe feala ke fai e te ʼu tagata ʼāfea he ʼu fakatuʼutuʼu ʼo ʼuhiga mo te fai faka mafola ʼi te ʼaho fuli lolotoga te temi mālōlō ʼo feala ai kia nātou ʼaē ʼe pionie ke nātou maʼu tuʼumaʼu honatou kaugā fagona ʼi te gāue faka mafola.
4 Ko te temi ʼaenī ʼe tonu ai ke fai he fakatuʼutuʼu, ʼi tokotou faʼahi takitokotahi pea mo tokotou famili ʼo feiā ai foki ki te kokelekasio, ke koutou faigaʼi ia te māhina ko tesepeli ko he māhina makehe ʼo ʼuhiga mo te gāue faka mafola ʼi tokotou kokelekasio.