Ko Te ʼu Fono Gāue ʼo ʼApelili
Vāhaʼa ʼe kamata ʼi te 4 ʼApelili
Katiko 16
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga. Fakamanatuʼi kia nātou fuli ʼaē ʼi te fono ko te akonaki makehe ʼe fai anai ʼi te ʼaho 10 ʼo ʼApelili, ko tona kupu tāfito “Ko Te Lotu Moʼoni ʼe Ina Foaki ʼo Katoa Te ʼu Meʼa ʼAē ʼe ʼAoga Ki Te Tagata.” ʼE fai anai he faiga makehe ke feala ai te ʼōmai ʼa te hahaʼi foʼou ki te akonaki ʼaia.
15 mn: “Ko Te Tule Leʼo Pea Mo Te Réveillez-vous!—Ko Te ʼu Nusipepa ʼo Te Moʼoni.” ʼO fai ʼaki he ʼu fehuʼi pea mo he ʼu tali. Fakaafe ia nātou ʼaē ʼi te fono ke nātou fakahāhā te ʼu faʼahiga meʼa neʼe nātou fakaʼaogaʼi moʼo fakatuputupu ʼo te tufa ʼo te ʼu nusipepa. Kapau ʼe faigamālie te temi pea fai he ʼu fakamatala.
20 mn: “Koutou Tufa Ki Te Mālama Te ʼu Nusipepa ʼAē ʼe Lelei ʼAupito.” Fai palalau ki te alatike mo nātou ʼaē ʼi te fono, fakahā te ʼu manatu makehe ʼo te ʼu nusipepa. Talanoa ki te palakalafe 2, fehuʼi ki he tahi ʼe faiva ʼi te fai faka mafola ke ina fakamatala peʼe feafeaʼi tana fakamāmāhani mo te ʼu manatu ʼo te ʼu nusipepa pea e feafeaʼi tana teuteuʼi moʼo fakahā ʼo te nusipepa. Fai he ʼu faʼifaʼitaki e lua ʼo fakahā ai te faʼahiga fakahāhā ʼo te ʼu alatike ʼo te ʼaho 1 ʼo ʼApelili mo te ʼaho 15. Fakaʼosi ʼaki te fakahā ʼo he ʼu manatu ʼo te ʼu alatike ʼaē ʼe tonu ke fakaʼaogaʼi moʼo fakahāhā ʼo te ʼu alatike foʼou ʼo te Réveillez-vous!
Katiko 69 pea mo te faikole fakaʼosi.
Vāhaʼa ʼe kamata ʼi te 11 ʼApelili
Katiko 80
10 mn: Ko te ʼu logo ki te kokelekasio. Fai palalau ki te ʼu puani tāfito ʼo te alatike Ko Te ʼu Tali Ki ʼAkotou ʼu Fehuʼi.
15 mn: “Ko Te Fono Gāue ʼe Ina Tokoniʼi Tatou Ke Tou Faiva Ia Meʼa Fuli Moʼo Fai ʼo He Gāue Lelei.” ʼO fai ʼaki he ʼu fehuʼi pea mo te ʼu tali. Fai he faʼifaʼitaki ʼe fakahā ai peʼe feafeaʼi te teuteu ʼa he famili ki te fono; fakahāhā te maʼuhiga (1) ʼo te teuteu fakatomuʼa, (2) te fakalogo lelei, pea mo te (3) kau ki te fai faka mafola.
20 mn: “Ke ʼAua Naʼa Fakaleluʼi Tatou ʼi Tatatou Gāue ʼAē Kia Sehova.” Alatike ʼe ʼalutahi mo te Minisitelio ʼo te Puleʼaga. ʼO fai ʼaki he ʼu fehuʼi pea mo he ʼu tali. ʼO mulimuli ki te ʼu palakalafe 1 ki te 6.
Katiko 90 pea mo te faikole fakaʼosi.
Vāhaʼa ʼe kamata ʼi te 18 ʼApelili
Katiko 100
10 mn: Ko te ʼu logo ki te kokelekasio. Lau te tānaki falā pea mo te ʼu fakamālo ʼa te Sosiete ʼo ʼuhiga mo te ʼu meʼa ʼofa.
15 mn: “Tou ʼAʼahi Ia Nātou ʼAē Neʼe Nātou Tali Te Nusipepa Pea Mo Te Kaupepa Lahi.” Fai palalau mo nātou ʼaē ʼi te fono. Fakafehuʼi ia nātou pe koteā ʼaē ʼe ʼaoga ai ke nātou ʼiloʼi lelei te ʼu manatu ʼo te ʼu nusipepa pea mo tokagaʼi fakalelei te ʼu ʼuluaki tali ʼa ia ʼaē ʼe fai palalau mo tatou moʼo vakaʼi ai peʼe feafeaʼi te fai fakalelei ʼo te faʼifaʼitaki. Kapau e fealagia te temi, ʼe fai anai ʼe he kau faka mafola faiva he faʼifaʼitaki ʼo mulimuli ki te ʼu faʼifaʼitaki.
20 mn: “Ke ʼAua Naʼa Fakaleluʼi Tatou ʼi Tatatou Gāue ʼAē Kia Sehova.” Ko te pepa ʼe ʼalutahi mo te Minisitelio ʼo te Puleʼaga. ʼO fai ʼaki he ʼu fehuʼi pea mo he ʼu tali. ʼO mulimuli ki te ʼu palakalafe 7 ki te 12.
Katiko 51 pea mo te faikole fakaʼosi.
Vāhaʼa ʼe kamata ʼi te 25 ʼApelili
Katiko 70
10 mn: Ko te ʼu logo ki te kokelekasio. Logo faka teokalatike.
15 mn: Ko te Tui. ʼE fakatafito ki te tohi Comment raisonner, ʼi te ʼu pasina 168 ki te 172. Fai palalau ʼa he tagata ʼāfea pea mo he ʼu tūpulaga. ʼE talanoa anai te tagata ʼāfea ki te ʼuhiga ʼo te tui, ʼosi ʼaia pea fehuʼi ki te kau tūpulaga. He koʼe ʼe tokolahi ʼe mole nātou maʼu te tui? Koteā te tafitoʼaga ʼo tatatou tui? E feafeaʼi tatatou taupau maʼu he tui mālohi? E feafeaʼi tatatou fakahā te taʼi tui ʼaia? ʼE fakaʼosi e te tagata ʼāfea ʼaki he fakamālo pea mo fakaloto mālohiʼi te kau tūpulaga.
20 mn: “Ko Te Fakamaʼa ʼe Fakavikiviki Ai Te ʼAtua.” Fai palalau ʼa he tagata ʼāfea mo nātou ʼaē ʼi te fono. Fakaʼosi ʼaki he akonaki fakanounou ʼo toe vakaʼi te tokoni ʼe tuʼu ʼi Te Tule Leʼo ʼo te ʼaho 1 ʼo Sūnio 1989 (fakafalani), ʼi te ʼu pasina 15 ki te 20.
Katiko 75 pea mo te faikole fakaʼosi.