Ko Te ʼu Fono Gāue ʼo Sepetepeli
Vāhaʼa ʼe Kamata ʼi Te 5 Sepetepeli
Katiko 48
10 mn: Ko te ʼu logo ki te kokelekasio pea mo te ʼu Tonu ʼaoga ʼo Te Minisitelio ʼo Te Puleʼaga.
20 mn: “Ke Koutou Fakalahi Tokotou Koloā ʼi Te Gāue Ki Te Puleʼaga.” Ko te tagata taupau ki te gāue pea mo he tahi tagata ʼāfea ʼe nā fai palalau anai ki te ʼu puani ʼo te alatike. ʼE nā toe vakaʼi te gāue ʼa te kokelekasio ʼi te taʼu kua hili, ʼo nā fai he fakamālo ʼo ʼuhiga mo te gāue mo nā foaki he ʼu tokoni ke feala ai hana tuputupu. ʼE fakamahino ai ko tatatou fakatuʼutuʼu ko te fakatuputupu ʼo tatatou kau takitokotahi ki te minisitelio.
15 mn: “Tou Uga Te Fia Logo Ki Te Tohi Mauli O Heegata.” Ko te ʼu kaugā fai faka mafola e toko tolu peʼe toko fā, ʼo kau ai mo he tūpulaga, ʼe nātou fai palalau ki te alatike pea ʼe nātou fai he faʼifaʼitaki. ʼE nātou fai anai he ʼu faʼifaʼitaki e lua peʼe tolu pea ʼosi ʼaia pea nātou toe talanoa ki te ʼu faʼifaʼitaki, ʼo nātou fefoakiʼaki he ʼu manatu ʼe ʼaoga pea mo he ʼu fakamālo.
Katiko 151 pea mo te faikole fakaʼosi.
Vāhaʼa ʼe Kamata ʼi Te 12 Sepetepeli
Katiko 35
7 mn: Ko te ʼu logo ki te kokelekasio.
20 mn: “Te Annuaire—Ko He Koloā Fakaloto Mālohi.” Ko he famili ʼe ina fakaʼaogaʼi te Annuaire foʼou. Ko te pule famili ʼe ina ʼeke tona famili ʼaki tanatou vakaʼi te ʼu ʼuluaki palalau ʼi te ʼu ʼuluaki pasina ʼo te Annuaire 1994. ʼE ina fakaʼosi te fai palalau ʼo fakahā te ʼu fakatuʼutuʼu ʼa te famili ke nātou lau he ʼu kiʼi pasina ʼo te Annuaire ʼi te vāhaʼa fuli.
18 mn: “Neʼe Mole Fakatatāʼofi Tanatou Fai Faka Mafola.” ʼO fai ʼaki he ʼu fehuʼi pea mo he ʼu tali. ʼO fakahā ai tatau aipe peʼe mole maʼu tatau ʼe tatou fuli te temi ki te minisitelio, ʼe tonu ke tou maʼu te fiafia pea mo tou faiga ke tou fai mo totatou nefesi katoa.
Katiko 146 pea mo te faikole fakaʼosi.
Vāhaʼa ʼe Kamata ʼi Te 19 Sepetepeli
Katiko 36
10 mn: Ko te ʼu logo ki te kokelekasio. Lau te falā pea mo te ʼu fakamālo ʼo ʼuhiga mo te ʼu meʼa ʼofa.
15 mn: Ko Te ʼu Tali Ki ʼAkotou ʼu Fehuʼi. ʼO fai ʼaki he ʼu fehuʼi pea mo he ʼu tali. Fakamahino te ʼu tapuakina ʼe tou maʼu ʼi tatatou tali ʼaē ʼi te ʼu fono.
20 mn: “Tou Kamata He ʼu Ako Faka Tohi-Tapu ʼAki Te Tohi Mauli O Heegata.” Fai palalau mo nātou ʼaē ʼi te fono. Fakatuʼutuʼu he ʼu faʼifaʼitaki e lua ʼo fakaʼaogaʼi te ʼu manatu ʼaē ʼe tuʼu ʼi te alatike.
Katiko 172 pea mo te faikole fakaʼosi.
Vāhaʼa ʼe Kamata ʼi Te 26 Sepetepeli
Katiko 135
10 mn: Ko te ʼu logo ki te kokelekasio. Fakaafe ia nātou ʼaē ʼi te fono ke nātou fai he ʼu fakamatala fakanounou ʼo ʼuhiga mo te fakahā ʼo te tohi Mauli O Heegata peʼe ko te kamata ʼo he ʼu ako faka Tohi-Tapu ʼaki te tohi ʼaia.
15 mn: Ko te ʼu logo ʼe ʼaoga ki te kokelekasio. Peʼe ko he akonaki ʼe mulimuli ki te alatike ʼo Te Tule Leʼo ʼo te ʼaho 1 ʼo Sepetepeli ʼo te taʼu 1994 (fakafalani) ʼi te ʼu pasina 27 ki te 28, ko tona kupu tafito “ ʼE koutou lotovaivai koa ʼi te ʼu tuʼakoi ʼaē ʼe fakamaʼuaʼi koutou ki ai?”
20 mn: Ke tou tufa Te Tule Leʼo pea mo te nusipepa Réveillez-vous! lolotoga te māhina ko ʼOketopeli. Ko ʼatatou ʼu nusipepa ʼe maʼuhiga ʼaupito ʼi te gāue fai faka mafola; ko te lauʼi miliona hahaʼi neʼe nātou ʼuluaki ʼiloʼi te moʼoni ʼaki te ʼu nusipepa ʼaia. Fakahā te maʼuhiga ʼo te fakaʼaogaʼi hoholo ʼo te ʼu nusipepa ʼaia ʼi te fai faka mafola ʼi te ʼu ʼapi tatau aipe mokā ʼe tou tufa he tahi age tohi. Fakahā te ʼu lelei ʼo te ʼaho ʼaē ʼe tufa ai te ʼu nusipepa ʼi te vāhaʼa fuli. Fakamatala peʼe feafeaʼi te faka fealagia e te fagonogono ʼi te ala peʼe ʼi te ʼu koloā hatatou tufa te ʼu nusipepa. Fakamanatuʼi ki te ʼu tēhina ke nātou taupau maʼu te ʼu nota ʼaē neʼe nātou tohi, ʼo nātou fakatuʼutuʼu ke nātou fai he ʼu apone peʼe ke nātou liuliuga ʼo ʼave te ʼu nusipepa ki niʼihi. Fakamahino ʼe feala ke fai te ʼu apone ʼi te ʼu ʼaʼahi, te ʼu ako faka Tohi-Tapu, ʼo feiā aipe ki te ʼu kaumeʼa peʼe ko te ʼu hahaʼi ʼo totatou famili. ʼE lahi te hahaʼi ʼi te ʼu motu peʼe ʼi te vao ʼe nātou fia lau anai ʼatatou ʼu nusipepa. He koʼe ʼe mole tou faiga ke nātou maʼu hanatou apone ʼo tou faitohi kia nātou. Ko te temi ʼaē ʼe tou fakaʼaogaʼi ki te fai ʼo te ʼu tohi ki te hahaʼi ʼe feala ke lau ʼi tatatou pepa tānaki. Fai he ʼu faʼifaʼitaki e tolu, ko te ʼuluaki ko he tūpulaga, ʼe ina fakahā fakanounou te nusipepa pea ina fakahā te apone, ko te lua faʼifaʼitaki ko he faitohi ki te hahaʼi ʼe nonofo ʼi he ʼu koga meʼa mamaʼo, ko te tolu ʼe ina fakaʼaogaʼi te ʼu nusipepa ʼi te fagonogono faigamālie.
Katiko 114 pea mo te faikole fakaʼosi.