Ko Te ʼu Fono Gāue ʼo Sūlio
Vāhaʼa ʼe Kamata ʼi Te 1 Sūlio
Katiko 1
12 min: Ko te ʼu logo ʼo te kokelekasio. Te ʼu Tonu neʼe toʼo mai Te Minisitelio ʼo Te Puleʼaga. Talanoa ki te tānaki gāue ʼo ʼApelili ʼo te kokelekasio.
15 min: “Tou Fakahoko Tatatou Fakapapau ʼi Te ʼAho Fuli.” ʼO fai ʼaki te ʼu fehuʼi pea mo te ʼu tali. ʼO kau ai mo te ʼu fakamatala ʼe fakatafito ki te tohi Auxiliaire pour une meilleure intelligence de la Bible, ʼi te pasina 975, ʼe fakahā ai ko he fakapapau ʼe ko he maʼua mamafa.
18 min: “Tou Faʼifaʼitaki Kia Sehova ʼo Tou Tokaga Fakamalotoloto Ki Te Hahaʼi.” (Palakalafe 1 ki te 3) Tou fakaʼaogaʼi te ʼuluaki palakalafe ʼo talanoa ki te kupu tāfito ʼo te alatike. Tou vakaʼi te ʼu kaupepa ʼaē ʼe maʼu ʼi te kokelekasio, pe ko te ʼu kaupepa fea ʼaē ʼe feala ke ina uga te fia logo ʼa te hahaʼi ʼi tokotou telituale. ʼOsi ʼaia pea koutou vakaʼi te palakalafe 2 ki te 3, pea koutou fakahā peʼe feafeaʼi te fai ʼo te ʼuluaki palalau pea mo te ʼaʼahi ʼaki te kaupepa ʼE tokaga moʼoni koa te ʼAtua kia tatou? Tou fakahā peʼe fakahā feafeaʼi e te ʼu kaugā fai faka mafola he tahi kaupepa ʼe ʼaoga ki te telituale.
Katiko 149 pea mo te faikole fakaʼosi.
Vāhaʼa ʼe Kamata ʼi Te 8 Sūlio
Katiko 43
10 min: Ko te ʼu logo ʼo te kokelekasio. Lau te falā.
15 min: “Tou Faʼifaʼitaki Kia Sehova ʼo Tou Tokaga Fakamalotoloto Ki Te Hahaʼi.” (Palakalafe 4 ki te 5) Koutou palalau ki te palakalafe 4 ki te 5 pea mo fakahā he ʼu puani maʼuhiga ʼo te kaupepa Mokā Mate He Tahi ʼe Tou ʼOfa Mamahi Ai. ʼOsi ʼaia pea koutou fakahā te ʼu faʼifaʼitaki ʼo Te Minisitelio ʼo Te Puleʼaga ʼi te alatike ʼo ʼuhiga mo te ʼuluaki palalau pea mo te ʼaʼahi.
20 min: “ ʼE ʼAoga Ke Lahi He ʼu Tēhina ʼi Te Gāue Pionie.” ʼO fai ʼaki te ʼu fehuʼi pea mo te ʼu tali. Kapau ʼe feʼauga te temi, pea koutou toe vakaʼi peʼe feafeaʼi te tokaga ki te ʼu meʼa ʼi te faʼahi faka paʼaga, ohage ko tona tuʼu ʼi Te Tule Leʼo ʼo te ʼaho 15 ʼo Sepetepeli 1993, ʼi te pasina 29 ki te 31.
Katiko 16 pea mo te faikole fakaʼosi.
Vāhaʼa ʼe Kamata ʼi Te 15 Sūlio
Katiko 151
10 min: Ko te ʼu logo ki te kokelekasio.
20 min: “Neʼe Kua Koutou ʼAhiʼahi Koa Te Fai Faka Mafola ʼi Te Afiafi?” Ko he fai palalau mo nātou ʼi te fono pea mo fakafehuʼi he ʼu tēhina mo he ʼu tuagaʼane. Fakamatala pe koteā te meʼa ʼaē neʼe tokagaʼi ʼi te fai faka mafola ʼi te afiafi ʼi totatou telituale. ʼO kau ai mo he ʼu fakamatala ʼe hā ʼaki ai te ʼu fua lelei ʼaē ʼe maʼu ʼaki te fai faka mafola ʼi te afiafi. Talanoa ki te fakatuʼutuʼu ʼa te kokelekasio ʼi te vāhaʼa ʼo ʼuhiga mo te ʼu fono ki te fai faka mafola.
15 min: “Tou Faʼifaʼitaki Kia Sehova ʼo Tou Tokaga Fakamalotoloto Ki Te Hahaʼi.” (Palakalafe 6 ki te 8) Tou fakaʼaogaʼi te palakalafe fakaʼosi ʼo te alatike moʼo fakaloto mālohiʼi ʼo te ʼu kaugā fai faka mafola fuli ke nātou foimo ʼaʼahi ia nātou ʼaē neʼe nātou toʼo te ʼu kaupepa. Tou fakaʼaogaʼi te palakalafe 6 ki te 7, ʼo tou fakahā peʼe feafeaʼi te fakahā ʼo te kaupepa Fiafia Kite Mauli Heegata Ite Kele ʼi tatatou ʼuluaki palalau pea e feafeaʼi hatatou kamata he ako Tohi-Tapu ʼi te ʼuluaki kapite ʼo te tohi Te ʼAtamai Mālama mokā tou fai te ʼaʼahi. Tou fakamanatuʼi ki te ʼu kaugā fai faka mafola, ʼe feala ke nātou faʼufaʼu te ʼu faʼahiga palalau ʼaē ka nātou fai moʼo fakahā te tahi ʼu kaupepa, ʼo mulimuli ki te ʼu faʼifaʼitaki ʼaē ʼe tuʼu ʼi Te Minisitelio ʼo Te Puleʼaga.
Katiko 98 pea mo te faikole fakaʼosi.
Vāhaʼa ʼe Kamata ʼi Te 22 Sūlio
Katiko 46
10 min: Ko te ʼu logo ki te kokelekasio. Toe vakaʼi fakanounou te ʼu alatike ʼo te ʼu nusipepa fakamuli, ʼo fakahā te ʼu puani maʼuhiga ʼaē ʼe feala ke fakaʼaogaʼi moʼo fakahā ʼo te ʼu nusipepa ʼi te ʼu matapā.
15 min: Tou Faiga Tuʼumaʼu Ki Te Selevisi Pionie. Ko he tagata ʼāfea ʼe fai palalau mo he tūpulaga e tahi peʼe toko lua, ʼo fakatafito ki Te Tule Leʼo Fakafalani ʼo te ʼaho 15 ʼo Tesepeli 1988, pasina 25 ki te 27. ʼE faiga te ʼu tūpulaga ke nā fai hanā ʼu fakatuʼutuʼu ʼo ʼuhiga mo te ʼu meʼa ʼaē ka nā fai ʼi te hili ʼo te ako. ʼE nā fakahā tana fia fai ki te ʼu fealagia ʼaē ʼe foaki e te ʼu gāue fakamālama. ʼE fakahā age anai e te tagata ʼāfea pe koʼe ʼe lelei age anai kia nāua ke nā toʼo te selevisi pionie. ʼE tali e te ʼu tūpulaga kae ʼe nā lotolotolua heʼe mole nā ʼiloʼi peʼe feafeaʼi anai te ʼaluʼaga ʼo tonā maʼuli fakasino. Ko te tagata ʼāfea ʼe ina fakahā age te ʼu faʼifaʼitaki ʼo te alatike ʼo Te Tule Leʼo, ʼo ina fakahā ko te selevisi pionie ʼaia ʼe ko he meʼa fakafiafia, heʼe ko he fakatuʼutuʼu fakapotopoto pea ʼe feala ke tou kau fuli kiai. ʼI te ʼosi ʼo te fai palalau, ʼe fakahā age e te ʼu tūpulaga ʼe nā leleiʼia te ʼu fakamatala ʼa te tagata ʼāfea, pea ʼe nā fakatuʼutuʼu ke nā fakakaukauʼi lelei peʼe feala hanā kau ki te gāue katoa ki te Puleʼaga.
20 min: “E Feafeaʼi Hatatou Fai He ʼu Tisipulo ʼAki Te Tohi Te ʼAtamai Mālama.” Ko he akonaki ʼe mulimuli ki te palakalafe 12 ki te 16 ʼo te pepa ʼe ʼalutahi mo Te Minisitelio ʼo Sūnio 1996. ʼO kau ai mo te ʼu faʼifaʼitaki e lua ʼo he ʼu ako Tohi-Tapu ʼe haʼele lelei. Ko te ʼuluaki faʼifaʼitaki ʼe fakahā ai peʼe feafeaʼi he tokoniʼi ʼo ia ʼaē ʼe ako ke ina faka maʼuhigaʼi te ʼu puani tāfito ʼo te ako, pea mo te ʼu kupu pea mo te ʼu talanoa ʼaē ʼe tali fakahagatonu ki te ʼu fehuʼi ʼaē ʼe tuʼu ʼi ai. Ko te lua faʼifaʼitaki ʼe fakahā ai te meʼa ʼaē ʼe feala ke koutou ʼui moʼo fakaloto mālohiʼi ʼo he tahi ʼe ako Tohi-Tapu ke kau tuʼumaʼu ki te Akonaki ki te kaugamālie pea mo te Ako ʼo Te Tule Leʼo.
Katiko 213 pea mo te faikole fakaʼosi.
Vāhaʼa ʼe Kamata ʼi Te 29 Sūlio
Katiko 212
10 min: Ko te ʼu logo ki te kokelekasio. Vakaʼi te alatike “Ko Te Polokalama Foʼou ʼo Te Fakatahi Faka Silikosikilipisio.”
20 min: Koteā Te Meʼa ʼAē ʼe Tonu Ke Tou Fai Moʼo Tokoni Ki He Tahi Ke Ina Ako Te Tohi-Tapu? Ko he tagata ʼāfea ʼe fai palalau mo he toko lua peʼe ko he toko tolu neʼe nātou maʼu he fua lelei ʼi te fai ʼo te ʼu ako Tohi-Tapu, ʼo nātou vakaʼi te ʼu faʼahi ʼaē ʼe lelei ke fai ke feala ai hatatou kamata he ʼu ako Tohi-Tapu: (1) Ko te faikole ke tou maʼu te tokoni ʼa Sehova. (2) Ko te kau tuʼumaʼu ki te ʼu faʼahi kehekehe ʼo te minisitelio ke tou maʼu ai te ʼu hahaʼi ʼaē ʼe fia fai ki te moʼoni. (3) Ko te tohi ʼo te higoa ʼo nātou ʼaē neʼe fia logo, pea mo tatatou liliu fakavilivili ʼo ʼaʼahi ia nātou. (4) Tou fakahā tuʼumaʼu ki te hahaʼi ʼe feala ke fai hanatou ako Tohi-Tapu mo kapau ʼe nātou loto kiai. (Vakaʼi te talanoa “Koutou Kamata He ʼu Ako Tohi-Tapu,” ʼi te pasina 20 ʼo Te Tule Leʼo ʼo te ʼaho 15 ʼo Fepualio 1996.) (5) Koutou falala ki takotou fealagia ʼaē ko te akoʼi ʼo he tahi, ʼo koutou fakaʼaogaʼi te ʼu manatu e fā ʼaē ʼe tuʼu ʼi te pasina 13 ki te 17 ʼo Te Tule Leʼo Fakafalani ʼo te ʼaho 1 ʼo Novepeli 1984.
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fai e he tagata ʼāfea ʼe fakatafito ki Te Tule Leʼo ʼo te ʼaho 15 ʼo Sanualio 1996, ʼi te pasina 21 ki te 23 ko tona kupu tāfito “Te Loto Fīmālie Mo Te Loto Mālohi—Ko Te ʼu Maka Maʼugataʼa.”
Katiko 165 pea mo te faikole fakaʼosi.