Ko Te ʼu Fono Gāue ʼo Sepetepeli
FAKATOKAGA: ʼE tuʼu anai ʼi Te Minisitelio ʼo Te Puleʼaga te polokalama ʼo te Fono Gāue ʼi te vāhaʼa fuli lolotoga te māhina. ʼE feala ke fai e te ʼu kokelekasio he fetogi ke feala ai hanatou kau ki te Fakatahi Faka Tisitilike “Te Kau ʼAve Logo ʼo Te Tokalelei Fakaʼatua,” pea ʼi te fono gāue ʼo te vāhaʼa ʼaē ʼe hoa atu kiai, ʼe vakaʼi ai te ʼu puani maʼuhiga ʼo te fakatahi ia minuta e 30. Ko te fakamanatu ʼaia ʼo te polokalama ʼi te ʼu ʼaho e tolu, ʼe tonu ke teuteuʼi fakatomuʼa e he ʼu tēhina e lua peʼe tolu ʼe faiva, ʼe feala anai hanatou faka maʼuhigaʼi te ʼu puani tāfito. Ko te fakamanatu ʼaia ʼaē neʼe teuteuʼi lelei, ʼe tokoni anai ki te kokelekasio ke nātou manatuʼi te ʼu puani tāfito, pea ke feala hanatou fakaʼaogaʼi ʼi tonatou maʼuli takitokotahi pea mo nātou fakaʼaogaʼi ʼi te fai faka mafola. Ko te ʼu tali pea mo te ʼu fakamatala ʼa nātou ʼaē ʼi te fono ʼe tonu ke nounou pea mo totonu.
Vāhaʼa ʼe Kamata ʼi Te 2 Sepetepeli
Katiko 98
12 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga.
15 min: “Tou Ako Te Tohi ʼo Te Tagata ʼAē ʼe Lahi Tokotahi ʼo Te ʼu Temi Fuli.” ʼO fai ʼaki he ʼu fehuʼi pea mo he ʼu tali. Fakaloto mālohiʼi tāfito te ʼu tēhina ʼaē ʼe nātou fai te ʼu Ako Tohi ʼo te Kokelekasio ke nātou mulimuli ki te ʼu tokoni ʼaia.
18 min: “Tou Fakahā Te Logo Lelei ʼo Tou ʼAmanaki ʼe Fua Lelei Anai.” Fai te ʼu ʼuluaki palalau ʼo fakatafito ki te palakalafe 1. ʼOsi ʼaia pea talanoa ki te palakalafe 2 ki te 5 ʼo te alatike. Fai he ʼu faʼifaʼitaki neʼe teuteuʼi lelei ʼe fakahā ai peʼe feafeaʼi te tufa ʼo te tohi Te tagata ʼaē ʼe lahi tokotahi, fai he ʼaʼahi, pea mo kamata he ako ʼaki te tohi Te ʼAtamai Mālama.
Katiko 48 pea mo te faikole fakaʼosi.
Vāhaʼa ʼe Kamata ʼi Te 9 Sepetepeli
Katiko 65
12 min: Ko te ʼu logo ʼo te kokelekasio. Lau te falā. Talanoa ki te alatike “Tou Faka Mafola Te Puleʼaga.”
18 min: Vakaʼi Te Tānaki Gāue ʼa Te Kokelekasio ʼo Te Taʼu Gāue 1996. Ko he akonaki fakaloto mālohi, mo fakafiafia ʼe fai e te tagata taupau ki te gāue. (Vakaʼi te tohi Organisés pour bien remplir notre ministère, ʼi te pasina 101 ki te 102.) Fakahā te faʼahi ʼaē neʼe lelei ai te gāue ʼa te kokelekasio, pea mo fai he fakamālo ʼo ʼuhiga mo tanatou gāue. Fakahā peʼe feafeaʼi te tokoni mālohi ʼa te gāue ʼa te kau pionie katoa pea mo te kau pionie vaeluaʼi temi ki te tuputupu lelei ʼo te gāue ʼi te telituale. Fakahā pe neʼe tokofia te hahaʼi ʼaē neʼe kau ki te ʼu fono, ʼo koutou talanoa ki te maʼuhiga ʼaē ke tou kau tuʼumaʼu ki te ʼu fono. Fakahā te ʼu fakatuʼutuʼu ʼaē ʼe feala ke fai e te kokelekasio ʼo ʼuhiga mo te taʼu ka haʼu.
15 min: “Tou Fakahā Te Logo Lelei ʼo Tou ʼAmanaki ʼe Fua Lelei Anai.” Vakaʼi te palakalafe 6 ki te 8, pea fai he ʼu faʼifaʼitaki ʼo fakahā ai te ʼu ʼuluaki palalau mo he tahi ʼi te fai faka mafola, pea mo te fai ʼo he ʼaʼahi. Fakaloto mālohiʼi ia nātou fuli ʼi te fono ke nātou foimo fai tanatou ʼu ʼaʼahi.
Katiko 43 pea mo te faikole fakaʼosi.
Vāhaʼa ʼe Kamata ʼi Te 16 Sepetepeli
Katiko 10
15 min: Ko te ʼu logo ki te kokelekasio. Fakahā te ʼu fua lelei ʼaē ʼe maʼu ʼi te fakaʼaogaʼi ʼo te foʼi fime viteo Les Témoins de Jéhovah: un nom, une organisation moʼo takitaki ʼo te hahaʼi ʼe fia logo ki te moʼoni ki te kautahi. Fai he fakamatala fakanounou e tahi peʼe lua ʼo mulimuli ki Te Tule Leʼo ʼo te ʼaho 1 ʼo ʼOketopeli 1992, pasina 30 ki te 31.
15 min: Ko te ʼu logo ʼe ʼaoga ki te kokelekasio.
15 min: “Tou Haʼele ʼAki Te Tui.” ʼO fai ʼaki he ʼu fehuʼi pea mo he ʼu tali.
Katiko 70 pea mo te faikole fakaʼosi.
Vāhaʼa ʼe Kamata ʼi Te 23 Sepetepeli
Katiko 181
10 min: Ko te ʼu logo ʼo te kokelekasio.
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fakatafito ki Te Tule Leʼo ʼo te ʼaho 15 ʼo Fepualio 1996 ʼi te pasina 27 ki te 29, ko tona kupu tāfito “Ke Sio Mamaʼo Atu ʼi Te ʼu Meʼa ʼAē ʼe Koutou Sio Kiai!”
20 min: “Tou Faka Mafola Te Logo Lelei ʼi Te Potu Fuli Pe.” ʼO fai ʼaki he ʼu fehuʼi pea mo he ʼu tali. Talanoa ki te palakalafe 1 ki te 15. Lau te palakalafe 3 pea mo te 5. ʼO fakapipiki kiai he ʼu fakamatala ʼa nātou ʼaē neʼe nātou maʼu te ʼu fua lelei ʼi te fagonogono ʼi te ala peʼe ko te fagonogono ʼi te ʼu kā.
Katiko 215 pea mo te faikole fakaʼosi.
Vāhaʼa ʼe Kamata ʼi Te 30 Sepetepeli
Katiko 129
12 min: Ko te ʼu logo ʼo te kokelekasio. Talanoa ki te alatike Te Tali Ki ʼAkotou ʼu Fehuʼi.
20 min: “Tou Faka Mafola Te Logo Lelei ʼi Te Potu Fuli Pe.” ʼO fai ʼaki he ʼu fehuʼi pea mo he ʼu tali. Talanoa ki te palakalafe 16 ki te 35. Fakahā peʼe lava fakaʼaogaʼi feafeaʼi te ʼu tokoni ʼaia ʼi te telituale. Fai he ʼu faʼifaʼitaki ʼaki te palakalafe 23 ki te 25. Lau te palakalafe 34 ki te 35.
13 min: Toe Vakaʼi Te Tufa ʼo ʼOketopeli. ʼE tou tufa anai te ʼu nusipepa ʼo Te Tule Leʼo pea mo te Réveillez-vous! ʼE feala ke fai he ʼu apone ʼi te ʼu ʼuluaki fai palalau peʼe ko te fai ʼo te ʼu ʼaʼahi. Talanoa ki he ʼu puani kehekehe, ohage la: (1) Ko te tupuʼaga ʼo te tā ʼo te ʼu nusipepa, ohage ko tona fakamahino ʼi te ʼuluaki pasina. (2) ʼE tā te ʼu nusipepa ʼaia ʼi te ʼu lea kehekehe, ke feala ai he mafola ʼo te ʼatamai mālama ʼo ʼuhiga mo te Tohi-Tapu ʼi te malamanei katoa. (3) Ko Te Tule Leʼo ʼe fai ʼo ʼuhiga mo te ako takitokotahi, te ako faka famili, pea mo te ako ʼi te kokelekasio. (4) ʼE lau te ʼu nusipepa ʼaia e te hahaʼi ʼo te ʼu lotu kehekehe. (5) ʼE tou tuku anai te ʼu alatike fakamuli ki he tahi ʼe loto moʼoni ke ina lau. (6) Neʼe fai tāfito te ʼu nusipepa ki te hahaʼi ʼaē ʼe maʼumaʼua. (7) Neʼe tā Te Tule Leʼo talu mai te taʼu 1879; pea ko te Réveillez-vous! talu mai te taʼu 1919. (8) ʼE mole totogi kovi te ʼu nusipepa ʼaia. Fakaʼosi ʼaki he fakamatala neʼe fai e he tahi neʼe ina leleiʼia te lau ʼo te ʼu nusipepa ʼaia.—Vakaʼi Te Tule Leʼo ʼo te ʼaho 15 ʼo ʼApelili 1986, ʼi te pasina 32.
Katiko 166 pea mo te faikole fakaʼosi.