Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa 2 ʼo Sepetepeli ki te vāhaʼa 23 ʼo Tesepeli 1996. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hala” moʼo tali ki te ʼu palalau ʼaē ʼe hoa mai:

1. Ko te kau Fakamoʼoni ʼa Sehova ʼe mole ʼi ai honatou tagata takitaki. [jv p. 117 § 4.]

2. Neʼe fakahā e N. H. Barbour ʼe tui ki te totogi, pea ʼe tui neʼe mate ia Kilisito maʼa tatou. Neʼe mole ina tali te manatu ʼaē ko Sesu neʼe haʼu ʼo mate moʼo “fetogi” ʼo tatou—kae neʼe mate ia Kilisito maʼa tatou. [jv p. 131 §§ 3, 4, kiʼi nota ʼi te lalo pasina.]

3. ʼI tana ako te Tohi-Tapu, neʼe mahino ai ia Russell ko te liliu mai ʼa Kilisito ʼe fakapulipuli anai, kae ʼe toe fakapulipuli anai, māʼia mo te temi ʼaē ka ina fakahoko ai tana fakamāu ki te kau agakovi. [jv p. 133 § 3.]

4. Ko te lea faka polofeta ʼa Taniela 9:​24, 25 ʼe ina fakahā te tupu ʼa Sesu. [kl p. 36 § 8.]

5. Ko te hahaʼi ʼaē ʼe ʼofa ki ai te ʼAtua ʼe mole hoko kia nātou he ʼu malaʼia. [Lau te Tohi-Tapu; vakaʼi te w92 15/9 p. 4.]

6. Ko te ʼu palalau ʼaē neʼe fai e Sopo ia Sopo 31:​1, ʼe ʼalutahi mo te meʼa ʼaē neʼe akoʼi mai e Sesu ia Mateo 5:27, 28. [Lau te Tohi-Tapu; vakaʼi w79 15/3 p. 30.]

7. Ia taʼu e 1 500 tupu ia muʼa ʼo te temi ʼo Kilisito, neʼe fakahā e Sopo tana ʼamanaki ʼaē ki te fakatuʼuake. [Lau te Tohi-Tapu; vakaʼi ia Sopo 14:13 pea mo te w93 15/4 p. 11.]

8. Ko te kupu “Se’lah,” ʼaē ʼe hā tuʼa 71 ʼi te tohi ʼo te ʼu Pesalemo, ʼe mole tonu ke tou puʼaki te kupu ʼaia mokā tou lau ia te ʼu Pesalemo. [si p. 96 § 5.]

9. ʼO mulimuli kia Pesalemo 15:4, kapau ʼe ʼiloʼi e he Kilisitiano ko te meʼa ʼaē neʼe ina fakapapau ke ina fai ʼe mole ʼalutahi mo te Tohi-Tapu, pea ʼe tonu ke ina haga fakahoko pe te faʼahi ʼaia. [Lau te Tohi-Tapu; vakaʼi te w89 15/9 pp. 28-9.]

10. Ko te tohi ʼo Sopo ʼe ina fakamoʼoni mai ʼe mole ko te ʼAtua ʼaē ʼe ina fakatupu te ʼu mamahi, te mahaki, pea mo te mate ʼa te tagata. [si p. 95 § 42.]

Koutou tali ki te ʼu fehuʼi ʼaenī:

11. Ko ai te “Iselaele [moʼoni] ʼo te ʼAtua,” pea ko te taʼu fea ʼaē neʼe ʼiloʼi ai pe ko ai ia te Iselaele ʼaia? (Kal. 6:16) [jv p. 141 §§ 3, 4.]

12. Koteā te puani ʼaē neʼe toe fakamahino lelei ʼi te taʼu 1962 ʼo ʼuhiga mo tatatou fakalogo ki “te ʼu pule māʼoluga”? (Loma 13:1-7) [jv p. 147 § 3)

13. Logope la neʼe kua ʼiloʼi tatou ko te kau Kilisitiano pea mo he kau ako ʼo te Tohi-Tapu ʼi te taʼu 1931, kae he koʼe neʼe tonu ke tou toʼo te higoa ʼaē ko te kau Fakamoʼoni ʼa Sehova? [jv p. 150 § 5-p. 151 § 2.]

14. He koʼe ko te ʼu gāue mālohi ʼaē neʼe fakahoko ʼaki te huafa ʼo Sesu ʼe mole ko he fakamoʼoni papau ʼaia ʼe tali e te ʼAtua te ʼu meʼa ʼaia pea mo lagolago kiai? [kl p. 46 §§ 6-7.]

15. ʼO ʼuhiga mo te kele pea mo te koga tohi ʼo Mateo 5:​5, koteā te akonaki ʼaē ʼe hā ai te kehekehe ʼa te kau Fakamoʼoni ʼa Sehova pea mo te Keletiate? [jv p. 161 § 3.]

16. He koʼe ko te higoa Fakamoʼoni ʼa Sehova ʼe mole ko he higoa ʼe nātou toʼo feiā pe? [jv p. 158 § 4.]

17. Koteā te manatu ʼa te kau Fakamoʼoni ʼa Sehova ʼo ʼuhiga mo te tono, te fai folonikasio, pea mo te manako ʼa he tagata ki he tahi tagata? [jv p. 173 § 1, p. 174 § 3.]

18. Koteā te faka ʼuhiga ʼo he pesalemo? [si p. 96 § 2.]

19. Koteā te manatu hala ʼa te kau agakovi ʼaē ʼe mole fakahemala, ʼe fakahā ʼi te Pesalemo 10:13? [Lau te Tohi-Tapu; vakaʼi te w91 1/11 p. 6.]

Koutou tohi te ʼu kupu ʼaē ʼe ʼaoga moʼo fakakatoa ʼo te ʼu kupuʼi palalau ʼaenī:

20. Talu mai te taʼu 1976 ʼo aʼu ki te taʼu 1992, ko te kau gāue ․․․․․․․․ neʼe nātou foaki tonatou temi moʼo tokoni ki te laga ʼo te ʼu ․․․․․․․․ foʼou ʼi te ʼu fenua e 60, neʼe tupu te ʼu ․․․․․․․․ foʼou e 29 000 neʼe tupu ʼi te malamanei katoa, pea kua teitei ke ․․․․․․․․ age te kaugamālie ʼo te kau fai faka mafola ʼo te Puleʼaga ʼo fakalaka ʼi te toko 4 470 000. [jv p. 114 § 2, p. 115 § 2, pea mo te p. 117 § 2.]

21. ʼE tonu ke tou atolasio ki te ʼAtua ʼaki te ․․․․․․․․ , ʼaē ʼe uga e te loto ʼaē ʼe fonu ʼi te tui pea mo te ʼofa; ʼe tonu foki ke tou atolasio kia te ia ʼaki te ․․․․․․․․ ʼo tou ako tana Folafola. [kl p. 45 § 4.]

22. ʼI Sūnio 1882, neʼe fakahā e te Zion’s Watch Tower ko ․․․․․․․․ pea mo ․․․․․․․․ ʼe ko te ʼu ʼipotasi e ․․․․․․․․ kae ʼe mole ko he ʼipotasi e tahi, pea ʼe ʼui ʼe nā tahi mai tona ʼaluʼaga ʼaē ʼe nā ․․․․․․․․ , pea ko te laumālie ʼe mole ko he ․․․․․․․․ ohage pe ko te laumālie ʼo te mālama. [jv p. 123 § 4.]

23. ʼI te ʼaho 22 ʼo Sūnio 1977, ʼi te hili ʼo vāhaʼa e lua ki te mate ʼo te Tēhina ko Knorr, neʼe liliu ia ․․․․․․․․ ko te pelesita ʼo te Sosiete Watch Tower. [jv p. 109 § 4.]

24. Ko te ʼu fakamoʼoni e tolu ʼe fakahā ai ko Sesu neʼe ko te Mesia (1) ․․․․․․․․ , (2) ․․․․․․․․ , pea (3) ․․․․․․․․ . [kl pp. 34-8 §§ 6-​10.]

Koutou fakaʼiloga te ʼu tali ʼaē ʼe totonu:

25. Ko te fakatuʼutuʼu tāfito ʼa te ʼAtua ʼe ko (te hāofaki ʼo te tagata; te fakaʼauha ʼo te Tevolo; te faka lākatonuʼi ʼo tana pule faʼifaʼitaliha). [jv p. 166 § 6.]

26. Neʼe kamata te fetogi ʼi te kautahi ʼi te ʼaho 1 ʼo ʼOketopeli 1972, ʼo ina ʼui fēnei ʼe tonu ke fakatuʼutuʼu (he tagata taupau; he tagata kaugana ʼi te kokelekasio; he kolesi ʼo te ʼu tagata ʼāfea) moʼo takitaki ʼo te ʼu kokelekasio. [jv p. 106 § 2.]

27. Ia Sopo 42:5, ko te ʼui ʼaē neʼe sio ia Sopo ki te ʼAtua, ko tona faka ʼuhiga neʼe (sio ia ki te ʼAtua ʼi te afā matagi, neʼe sio ia ki he ʼaselo ʼe hā age kia ia, kua ina ʼiloʼi lelei age ia Sehova). [Lau te Tohi-Tapu; vakaʼi te w88 15/8 p. 12 § 11.]

28. Ko te ʼu fakatafito ʼaē kua maumauʼi, ohage ko tona fakamatala ia Pesalemo 11:3, ʼe faka ʼuhiga ki te (ʼu fakatafito ʼo te fale lotu ʼi Selusalemi; kia Sesu Kilisito ʼaē ko te Maka Tāfito; te ʼu fakatafito ʼo te sosiete, ohage ko te faitotonu, te lao, pea mo te tahi age ʼu meʼa). [Lau te Tohi-Tapu; vakaʼi te w86 15/8 p. 20.]

Fakatahiʼi te ʼu vaega faka Tohi-Tapu ʼaē ʼe ʼalutahi mo te ʼu kupuʼi palalau ʼaenī: Sopo 14⁠:​1, 2, 21; 14:14, 15; 26:7; Pes. 19⁠:​7-10; Soa. 10:16; Sake 1:​26, 27; 1 So. 2:​15-​17

29. Ke feala he leleiʼia e te ʼAtua tatatou tauhi, ʼe mole tonu ke tou ʼulihi ʼaki te ʼu aga heʼe faka lotu ʼo te malamanei, pea mo ʼaua foki naʼa galo kia tatou te ʼu meʼa ʼaē ʼe maʼuhiga ki te ʼAtua. [kl p. 51 § 20.]

30. ʼE mole ʼi ai he fakataupiepie ʼi te kalasi ʼo te kau fakanofo pea mo te toe hahaʼi tokolahi, peʼe ʼui e he tahi ʼi te ʼu kalasi ʼaia ʼe māʼoluga age ia peʼe mālalo age ia ʼuhi ko tana ʼamanaki peʼe ko tona tuʼulaga. [jv p. 171 § 2.]

31. ʼE mole he meʼa ʼe hili kiai te kele. [Lau te Tohi-Tapu; vakaʼi te w92 15/5 p. 5.]

32. ʼI totatou ʼuhiga Kilisitiano moʼoni, ʼe tonu ke tou līaki te ʼu aga ʼaē ʼe hā ai te manatu ʼo te mālama ʼaenī. [kl p. 50 § 17.]

33. ʼE loto moʼoni ia Sehova ke ina fakatuʼuake te kau mate. [Lau te Tohi-Tapu; vakaʼi te w90 1/5 p. 7.]

34. Neʼe fakahā e Tavite tana loto fakafetaʼi ki te poto ʼo te ʼAtua. [Lau te Tohi-Tapu.]

35. ʼE mole he ʼuhiga ʼo tatatou faka maʼuhigaʼi te kau mate koteʼuhi ʼe mole nātou ʼiloʼi he meʼa. [Lau te Tohi-Tapu.]