Polokalama ʼo Te Fono Gāue

Vāhaʼa ʼo te ʼaho 10 ʼo ʼApelili

Kātiko 49

10 min: Te ʼu logo ʼo te kokelekasio. Te ʼu Tonu. ʼAki te ʼu manatu ʼo te pasina 8 (mo kapau ʼe ʼaoga ki tokotou telituale), fai he ʼu faʼifaʼitaki ki te tufa ʼo Te Tule Leʼo ʼo te ʼaho 1 ʼo ʼApelili pea mo te Réveillez-vous ! ʼo ʼApelili. Kapau ʼe mole heʼeki tau atu te ʼu nusipepa ʼaia, pea fai te ʼu faʼifaʼitaki ʼaki te ʼu nusipepa fakamuli e lua. ʼI he tahi age faʼifaʼitaki, ko te kaugā fagona ʼe ina foaki mo te tohi Te Ako Mai Te Tohi-Tapu ki he tahi ʼe fia logo moʼoni ki te logo lelei ʼo te Tohi-Tapu.

15 min: “Tou Haga Kātaki ʼi Tatatou Faʼafai.”a Fakahā te ʼu manatu ʼo te pasina 14 ʼi te palakalafe 13 ʼo Te Tule Leʼo ʼo te ʼaho 15 ʼo Sūnio 2002.

20 min: “ ʼE Feala Koa Hakotou Fetogi Takotou Polokalama?”b Koutou fakaʼaogaʼi ia te ʼu manatu ke ʼalutahi mo te kokelekasio. Koutou fakamahino age ia te ʼu fakatuʼutuʼu ʼaē ʼe fai ʼo ʼuhiga mo te fai faka mafola ʼaē ʼi te afiafi.

Kātiko 13 pea mo te faikole fakaʼosi.

Vāhaʼa ʼo te ʼaho 17 ʼo ʼApelili

Kātiko 165

15 min: Te ʼu logo. Fakahā te ʼu fakatuʼutuʼu ʼaē neʼe fai e te kokelekasio ʼo ʼuhiga mo te akonaki makehe ki te kaugamālie. Fakaloto mālohiʼi te nofoʼaki ke nātou fakaʼaogaʼi te tuʼaʼi pasina ʼo Te Tule Leʼo ʼo te ʼaho 1 ʼo ʼApelili moʼo fakaafe te hahaʼi ʼaē neʼe ʼōmai ki te ʼAho Fakamanatu, te kau ako Tohi-Tapu, pea mo te hahaʼi ʼaē ʼe fia logo ki te moʼoni. Talanoa fakanounou ki he ʼu faʼifaʼitaki e lua peʼe tolu ʼe tuʼu ʼi te alatike ʼo Te Tule Leʼo moʼo fakaafe te hahaʼi ki te akonaki makehe ki te kaugamālie.

12 min: Ko he akonaki ʼe ʼaoga ki te kokelekasio.

18 min: “Te ʼu Ako Tohi-Tapu ʼe Kamata ʼi Te Gutu Matapā Pea Mo He ʼu Ako Tohi-Tapu ʼe Fai ʼi Te Telefoni.”c Fai he faʼifaʼitaki nounou, ʼe fakahā ai te ʼu palalau ʼaē ʼe lava fai e he kaugā fagona moʼo hoko atu te ako Tohi-Tapu ʼi te loto fale.

Kātiko 92 pea mo te faikole fakaʼosi.

Vāhaʼa ʼo te ʼaho 24 ʼo ʼApelili

Kātiko 66

15 min: Te ʼu logo. Lau ʼo te falā pea mo te ʼu meʼa ʼofa. Lolotoga te māhina ʼo Maio, ʼe hoko atu anai tatatou tufa ia Te Tule Leʼo pea mo te Réveillez-vous ! ʼAki te ʼu manatu ʼo te pasina 8 peʼe ko he tahi atu ʼu manatu ʼe ʼaoga ki tokotou telituale, fai he faʼifaʼitaki ʼo te tufa ʼo Te Tule Leʼo ʼo te ʼaho 1 ʼo Maio pea mo te Réveillez-vous ! ʼo Maio. Kapau mole heʼeki tau atu te ʼu nusipepa ʼaia, pea koutou fakaʼaogaʼi te ʼu nusipepa fakamuli e lua. ʼI te ʼosi ʼo te ʼu faʼifaʼitaki, fakahā age he tahi ʼu alatike ʼe feala ke fia lau e te hahaʼi ʼo tokotou telituale.

15 min: “Te Fakatahi Faka Tisitilike 2006 ʼa Te Kau Fakamoʼoni ʼa Sehova​—‘Kua Ōvi Mai Ia Te Hāofaki.’ ”d Ko he akonaki ʼe fai e te sikalaipe ʼo te kokelekasio. ʼI takotou ʼosi vakaʼi te palakalafe 1, koutou lau te tohi ʼo te ʼaho 15 ʼo ʼApelili ʼaē ʼe fakahā ai te ʼaho ʼo te fakatahi faka tisitilike ʼaē ʼe kau kiai tokotou kokelekasio. Fakaloto mālohiʼi te nofoʼaki ke nātou fai ni ʼu fakatuʼutuʼu ke feala hanatou kau ki te fakatahi.

15 min: Ko he akonaki ʼe ʼaoga ki te kokelekasio.

Kātiko 191 pea mo te faikole fakaʼosi.

Vāhaʼa ʼo te ʼaho 1 ʼo Maio

Kātiko 211

5 min: Te ʼu logo. Fakamanatuʼi ki te kau fai faka mafola tanatou ʼu kiʼi pepa tānaki gāue ʼo ʼApelili. Vakaʼi te fakamatala ʼaē ʼe ʼātakai ʼi te pasina 6 “ ʼE Koutou Fakalavelave Koa Peʼe ʼi Ai He Tahi Age ʼu hahaʼi ʼe Fia Ako Tohi-Tapu?” Kapau ʼe maʼu he temi, fakaafe te nofoʼaki ke nātou fakahā te ʼu ako Tohi-Tapu ʼaē neʼe nātou fai ʼo mulimuli ki te tokoni ʼaia. Fakahā te ʼu fakatuʼutuʼu makehe ki te fai faka mafola ʼi te ʼaho 8 ʼo Maio.

10 min: “Tou Sioʼi Te Hahaʼi Mokā Tou Fai Palalau Mo Nātou.”e Fai he faʼifaʼitaki nounou, ʼe sioʼi e he kaugā fagona he tahi ʼe nofo ʼi te lāpalasi, ʼo ina kamata ia he fai palalau, pea mo fai fagonogono ki ai.

15 min: Tou Metitāsio Ki Te ʼu Gāue ʼa Sehova. (Pes. 77:12) Ko he akonaki pea mo he fai palalau mo te nofoʼaki ʼe fakatafito ki te Annuaire 2006. Koutou talanoa ki he ʼu puani fakaloto mālohi ʼo te tohi mai te Kolesi Pule ʼi te pasina 7 mo te pasina 8 ʼo Te Minisitelio ʼo Te Puleʼaga ʼo Fepualio 2006. Koutou talanoa ki te kupu tāfito “La traduction de la Bible” ʼi te pasina 10 ki te 11 ʼo te Annuaire. Talanoa ki te ʼu puani maʼuhiga ʼo te taʼu kua ʼosi ʼi te pasina 6 ki te pasina 64. Fakaafe te nofoʼaki ke nātou fakamatala he ʼu puani neʼe nātou leleiʼia ʼi tanatou lau te Annuaire 2006. ʼE fakaloto mālohiʼi ia nātou ʼaē ʼe nātou lava lau te Annuaire Fakafalani ke nātou fakaʼaogaʼi te ʼu faʼifaʼitaki fakaloto mālohi ʼaia moʼo tokoniʼi tonatou famili, ʼo feiā ki tanatou ʼu kau ako Tohi-Tapu ke nātou fakahā tanatou loto fakafetaʼi ki te kautahi ʼa Sehova.

15 min: “Ko He Fai Faka Mafola ʼi Te Malamanei Kātoa Moʼo Fakahā Te Fakatahi Faka Tisitilike ‘Kua Ōvi Mai Ia Te Hāofaki.’ ”f Koutou lau ia te ʼu palakalafe fuli.

Kātiko 43 pea mo te faikole fakaʼosi.

[Nota]