Polokalama ʼo Te Fono Gāue

Vāhaʼa ʼo te ʼaho 14 ʼo Sānualio

Kātiko 41

10 min: Te ʼu logo. Te ʼu Tonu. ʼAki te ʼu manatu ʼaē ʼe tuʼu ʼi te pāsina 8 peʼe ko he tahi faʼahiga palalau ʼe ʼalutahi mo tokotou telituale, fai he ʼu faʼifaʼitaki moʼo fakahā te tufa ʼo Te Tule Leʼo ʼo te ʼaho 1 ʼo Sānualio pea mo te Réveillez-vous ! ʼo Sānualio peʼe ko te ʼu nusipepa fakamuli e lua ʼaē kua tau mai.

15 min: “Kotou Fakaʼaogaʼi Lelei Tokotou Temi ʼi Te Minisitelio.”a Fakafehuʼi he tehina ʼe ina tuku he faʼifaʼitaki lelei ʼi tana tokaga ʼaē ki te kūtuga ʼi te fono ki te fai fakamafola. Koteā ʼaē ʼe ina fai moʼo teuteuʼi te kūtuga ki te fai fakamafola pea mo fakaʼaogaʼi lelei te temi ʼi te minisitelio?

20 min: “Ke Konakonaʼi Takotou ʼu Palalau ʼAki Te Māsima.”b ʼI te palakalafe 2, lau ia Soane 4:7-15, 39.

Kātiko 85

Vāhaʼa ʼo te ʼaho 21 ʼo Sānualio

Kātiko 215

10 min: Te ʼu logo. Fakahā ia te tufa ʼo Fepualio, pea fai hona faʼifaʼitaki. Fakalotomālohiʼi te nofoʼaki ke natou sioʼi te foʼi ʼata Soigner sans transfuser — Besoins et droits du patient moʼo teuteuʼi ia te fai palalau kā fai anai ʼi te Fono Gāue ʼo te vāhaʼa ʼo te ʼaho 4 ʼo Fepualio.

10 min: ʼE Kotou Fakaʼaogaʼi Koa Te Kiʼi Kaupepa Tou Vakaʼi Ia Te Tohi-Tapu ʼi Te ʼAho Fuli? Ko he akonaki pea mo he fai palalau mo te nofoʼaki pea ʼe fakatafito ki te ʼu ʼuluaki palalau ʼo te kiʼi kaupepa Tou Vakaʼi Ia Te Tohi-Tapu ʼi Te ʼAho Fuli — 2008. Fai palalau ki te maʼuhiga ʼaē ke tou toʼo he temi ʼi te ʼaho fuli moʼo lau ia te vaega Tohi-Tapu pea mo tona fakamatala. Fakaafe te nofoʼaki ke natou talanoa ʼo ʼuhiga mo tanatou agamāhani ʼaē ko te lau ia te vaega pea koteā tona fua lelei kiā nātou. ʼE feala ke teuteuʼi fakatomuʼa he ʼu fakamatala e tahi peʼe lua. Talanoa fakanounou ki te vaega fakatohi-tapu ʼo te taʼu 2008.

25 min: “Tou ‘Fakamoʼoni Kātoa Ki Te Logo Lelei.’ ”c (Pal. 1 ki te 10) ʼE fai e te taupau ki te gāue. Fakafehuʼi he ʼu kaugā fai fakamafola e tahi peʼe lua neʼe toʼo te selevisi pioniē vaeluaʼi temi ʼi te taʼu kua hili logolā tanatou gāue temi kātoa ʼi te mālama peʼe māhahaki. Neʼe natou lava fakahoko feafeaʼi tanatou selevisi pioniē vaeluaʼi temi? Koteā te ʼu fiafia neʼe natou maʼu? ʼI te palakalafe 7, fakahā ia te fakatuʼutuʼu ʼo ʼuhiga mo te ʼu fono ki te fai fakamafola ʼi te ʼu māhina ʼo Malesio, mo ʼApelili, pea mo Maio.

Kātiko 26

Vāhaʼa ʼo te ʼaho 28 ʼo Sānualio

Kātiko 52

10 min: Te ʼu logo. Fakamanatuʼi ki te kau fai fakamafola ke natou ʼaumai tanatou ʼu kiʼi pepa tānaki gāue ʼo Sānualio. Lau ʼo te falā pea mo te ʼu meʼa ʼofa. Ko he fai palalau mo te nofoʼaki ʼo fakatafito ki Te Tule Leʼo ʼo Fepualio pea mo te Réveillez-vous ! ʼo Fepualio peʼe ko te ʼu nusipepa fakamuli e lua kua tou maʼu. ʼI te ʼosi vakaʼi fakanounou ia te ʼu nusipepa takitahi, fehuʼi ki te nofoʼaki pe ko te ʼu ʼalatike fea ʼaē ʼe lagi fia lau anai e te hahaʼi ʼi te telituale pea koteā tona tupuʼaga. Fakaafe te nofoʼaki ke natou foaki he ʼu manatu moʼo fakahā he ʼu ʼalatike neʼe natou fakatuʼutuʼu ke natou palalau kiai. Koteā te fehuʼi ʼe feala ke tou lagaʼi moʼo kamata ʼaki ia he fai palalau? Ko te vaega fea ʼi te ʼalatike ʼe feala anai ke lau age? ʼE lava fakaʼalutahi feafeaʼi ia te vaega Tohi-Tapu ʼaia pea mo te ʼalatike? ʼAki te ʼu manatu ʼo ʼuhiga mo te ʼu nusipepa ʼaē ʼi te pāsina 8, fai he faʼifaʼitaki moʼo fakahā pe lava tufa feafeaʼi ia te ʼu nusipepa takitahi.

20 min: “Tou ‘Fakamoʼoni Kātoa Ki Te Logo Lelei.’ ”d (Pal. 11 ki te 17) Kapau kua maʼu ia te ʼu pepa fakaafe makehe ki te ʼAho Fakamanatu, pea tufa kiā nātou fuli ʼi te nofoʼaki he pepa fakaafe ʼi te vakaʼi ʼaē ʼo te palakalafe 14. Fakahā te ʼu fakatuʼutuʼu ʼo te kōkelekāsio moʼo tufa ia te pepa fakaafe ʼaia ʼi te telituale.

15 min: “Tou Tokoni Ki Te Kau Ako Tohi-Tapu Ke Natou Liliu Ko He Kau Fai Fakamafola ʼo Te Logo Lelei ʼo Te Puleʼaga.”e Kapau ʼe feʼauga te temi, fakaafe te nofoʼaki ke natou talanoa ʼo ʼuhiga mo te ʼu vaega Tohi-Tapu ʼe tuʼu ʼi te ʼalatike.

Kātiko 106

Vāhaʼa ʼo te ʼaho 4 ʼo Fepualio

Kātiko 161

10 min: Te ʼu logo. Te Tali Ki ʼAkotou ʼu Fehuʼi.

10 min: Ko he akonaki ʼe ʼaoga ki te kōkelekāsio.

25 min: “ ʼE Kotou Fakatuatuai Koa ʼi Tona Tohi?” ʼE fai e he tagata ʼāfea. Kamata ia te fai palalau mo te nofoʼaki ki te foʼi ʼata Soigner sans transfuser — Besoins et droits du patient, ʼo fakaʼaogaʼi ia te ʼu fehuʼi ʼaē ʼe tuʼu ʼi te ʼalatike. Moʼo fakaʼosi, lau ia te palakalafe fakamuli pea fakalotomālohiʼi ia te nofoʼaki ke natou toe vakaʼi fakalelei ia te ʼu ʼalatike ʼaē ʼe talanoa kiai ʼaē i Te Tule Leʼo pea mo Te Minisitelio ʼo Te Puleʼaga. Fakamahino kiā nātou takitokotahi ʼaē ʼe mole heʼeki natou tohi ia tanatou foʼi kate toto, ʼe feala hanatou fakaʼaogaʼi ia te ʼu lisi maʼuhiga ʼaē ʼe tuʼu ʼi te pepa ʼaē neʼe tufa tahi mo Te Minisitelio ʼo Te Puleʼaga ʼo Novepeli ʼo te taʼu 2006, moʼo fai he ʼu tonu ʼo ʼuhiga mo te ʼu kihiʼi koga ʼo te toto pea mo te ʼu faitoʼo kā natou tali, pea ke natou tohi leva te ʼu tonu ʼaia ki te kate ʼo te toto. Ko nātou ʼaē kua natou tohi tanatou kate ʼo te toto, ʼe lagi natou fia vakaʼi anai te ʼu tonu ʼaē neʼe natou fai ki muʼa atu pea kapau ʼe ʼaoga, ʼe natou fia tohi anai he kate foʼou.

Kātiko 4

[ʼU Nota]