He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApe.

“ ʼE ʼaoga kiā tātou fuli ia te falā moʼo taupau ia totatou maʼuli. Kae ʼe ke manatu tahi koa mo te manatu ʼaē ʼe tuʼu ʼi te nusipepa ʼaenī? [Lau age ia 1 Timoteo 6:10, pea tuku ke fai mai hana tali pea kotou lau age ia te palakalafe 8 ʼi te pāsina 8.] Ko te ʼalatike ʼaenī ʼe ina fakahā mai peʼe feafeaʼi hatatou tōkakaga naʼa liliu te falā ko hotatou ʼatua.”

Réveillez-vous! ʼo ʼApe.

“ ʼAki te ʼu meʼa fuli ʼaē ʼe tou fai, kua faigataʼa ki te tokolahi ia hanatou maʼu he temi ki te tauhi ki te ʼAtua. ʼE faigataʼa koa kiā koe ia te faʼahi ʼaia? [Tuku ke fai mai hana tali. Pea kotou lau age ia Efesi 5:15-17.] Ko te ʼalatike ʼaenī ʼe ina foaki mai te ʼu fakamahino Fakatohi-tapu ʼe lelei, ʼo ʼuhiga mo te temi pea mo te lahi ʼaē ʼo te gāue ʼaē ʼe loto e te ʼAtua ke tou foaki age kiā te ia.” Fakahā age ia te ʼalatike ʼaē ʼe kamata ʼi te pāsina 20.

Te Tule Leʼo ʼaho 1 ʼo Maio

“ ʼE ke fia sio moʼoni koa ki te lea fakapolofetā ʼaia? [Lau age ia Isaia 2:4. Pea tuku ke fai mai hana tali.] ʼE ke fakatokagaʼi ko te ʼAtua ʼe tokaga mai anai ki te ʼu gāue ʼaē ʼe fai e te tagata pea ‘ ʼe ina fakatokatoka anai.’ ʼE fakahā mai ʼi te Tohi-Tapu ʼe fakahoko anai e te ʼAtua ia te tau ʼe higoa ko Halamaketone, pea ko he tau ʼe ina fakagata anai ia te ʼu tau fuli. ʼI te nusipepa ʼaenī ʼe ina fakamahino mai, peʼe koteā te fakaʼuhiga ʼo Halamaketone pea he koʼē ʼe tonu ke tou fakatalitali fakafiafia kiai.”

Réveillez-vous! ʼo Maio

“Tokolahi te hahaʼi iā ʼaho nei, ʼe natou mātataku ki te kā haʼu. ʼI tau manatu lā ʼe lelei age anai koa te maʼuli, peʼe kovi age anai ia? [Tuku ke fai mai hana tali. Pea lau age ia Fakahā 21:3, 4.] ʼI te nusipepa ʼaenī, ʼe ina fakamahino mai, pe koʼē ʼe feala ke tou falala ko te ʼAtua kua vave pē anai tana fakatokatoka ia te ʼu fihifihia ʼo te mālamanei ʼaē neʼe mole feala ki te tagata ke ina fakatokatoka.”