He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Tesepeli

“Kotea la tau manatu ʼo ʼuhiga mo te fehuʼi maʼuhiga ʼaeni. [Lau ia te lua fehuʼi ʼo te pasina fakaʼosi ʼo Te Tule Leʼo ʼo Oketopeli–Tesepeli.] Kotea la tau manatu? [Lau te ʼu palakalafe ʼe lua ʼae ʼe tuʼu ʼi te lalo fehuʼi pea mo he vaega Tohi-Tapu ʼi te ʼu vaega ʼae ʼe tohi ai.] ʼE feala la haku toe liliu mai ke hoko atu tatā faipalalau pe ʼe fakatuʼu feafeaʼi anai e te ʼAtua ʼi te kele tana pule?”

Ko Te Tule Leʼo Oketopeli–Tesepeli

“ ʼE matou ʼaʼahi te hahaʼi ʼaki te fakatuʼutuʼu ʼae ke matou tokoni ki te maʼuli fakafamili. ʼI tau manatu la, ʼe kovi koa ia te fakatonutonuʼi ʼo te ʼu fanau? [Tuku ke fai mai hana tali pea lau ia Taaga Lea 4:1, 2.] ʼE fakaha ʼi te alatike ʼaeni pe ʼe faʼifaʼitakiʼi feafeaʼi e te ʼu matuʼā ia te ʼAtua moka natou fakatonutonuʼi ʼanatou fanau.” Fakaha age te alatike ʼae ʼe kamata ʼi te pasina 8.

Réveillez-vous! Tesepeli

“ ʼE matou ʼaʼahi koutou ʼi te ʼaho nei koteʼuhi ʼe matou fia palalau ʼo ʼuhiga mo he aluʼaga ʼe tau mo te tokolahi ʼi te malamanei katoa. ʼO mulimuli ki te ʼu sivi neʼe fai e te Kautahi Fakamalamanei ki Te Maʼuli Haohaoa, ʼe ko te ʼu mahaki fakatupu lotovaivai ohage la ko te lotomamahi. Pea ʼe feala ki te toko 25 ki te teau ke natou kau ki te mahaki ʼaia. ʼI tau manatu la, ʼe hoko tuʼumaʼu koa ia te ʼu mahaki fakatupu lotovaivai ʼaia? [Tuku ke fai mai hana tali.] ʼE foaki mai ʼi te Tohi-Tapu ia he ʼamanaki ki te ka haʼu, ʼe pulihi anai ia te ʼu mamahi fuli ʼe maʼu ʼi te kele. [Lau ia Apokalipisi 21:3, 4.] ʼE fakaha ʼi te nusipepa ʼaeni he ʼu manatu ʼe feala ai hatatou iloʼi ia te ʼu mahaki fakatupu lotovaivai ʼaia.”