He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Tesepeli

“Tokolahi iā tātou ʼe tou fakaʼamu ki he puleʼaga ʼe lelei. ʼI takotou manatu, ko te faʼahiga puleʼaga fea ʼe feala ke ina fakatokatoka ia te ʼu fihifihia ʼo te mālamanei? [Tuku ke fai mai hana tali.] Kotou fakatokagaʼi peʼe kotea ʼaē ʼe talanoa kiai te nusipepa ʼaenī.” Fakatoʼo age ki ai ia Te Tule Leʼo ʼo te ʼaho 1 ʼo Tesepeli, mo vakaʼi fakatahi ia te manatu ʼaē ʼe tuʼu ʼi te pāsina 10 pea mo kotou lau age he vaega. Kotou tuku age te ʼu nusipepa pea mo kotou fakatuʼutuʼu ke kotou toe liliu age ʼo toe ʼaʼahi.

Te Tule Leʼo ʼAho 1 ʼo Tesepeli

“ ʼE au fia ʼiloʼi pē tau manatu. Kapau ʼe ke fia fai he fehuʼi ki te ʼAtua, koteā anai te fehuʼi ʼaia? [Tuku ke fai mai hana tali.] Neʼe ʼui e Sesu, ʼe lelei ke tou kumi ia te tali ki te ʼu fehuʼi ʼaē ʼe maʼuhiga kiā tātou. [Lau ia Mateo 7:7.] ʼE foaki mai e te nusipepa ʼaenī ia he ʼu tali Fakatohi-tapu ki te ʼu fehuʼi maʼuhiga ʼaenī e tolu.” Kotou fakahā age ia te ʼu fehuʼi ʼaē ʼe tuʼu ʼi te kamataʼaga ʼo te pāsina 3.

Réveillez-vous! ʼo Tesepeli

“ ʼE matou ʼaʼahi koutou, koteʼuhi tokolahi ʼe natou hoha pea mo tuʼania. ʼE kotou tokagaʼi koa kua hoko ʼita ia te hahaʼi ʼi te temi nei mo kapau ʼe tou fakatatau ki te temi muʼa? [Tuku ke fai mai hana tali.] Ko ʼihi ʼe natou ʼui ʼe tou māʼuʼuli nei ʼi te ʼu temi ʼaē ʼe hoha ai te hahaʼi ʼaē neʼe fakakikite ʼo ʼuhiga mo totatou temi. [Lau ia 2 Timoteo 3:1.] ʼE fakamahino mai ʼi te nusipepa ʼaenī pe koʼē ʼe mole lelei ke tou hoko ʼita pea ʼe ina foaki mai he ʼu tokoni ke tou maʼu ia te faʼa kātaki.”