Polokalama ʼo Te Vāhaʼa 21 ʼo Sepetepeli

Katiko 22 Pea Mo Te Faikole

Ako Tohi-Tapu ʼo Te Kokelekasio:

gt kapite 7 (30 min.)

Ako Fakateokalatike:

Lau ʼo Te Tohi-Tapu: 2 Hau 19-22 (8 min.)

N° 1: 2 Hau 20:12-21 (3 min. peʼe siʼi ifo)

N° 2: ʼE Tokoni Feafeaʼi Te Tohi-Tapu Ki Te ʼu Fafine ʼOhoana?—igw p. 26 pal. 3-4 (5 min.)

N° 3: my hisitolia 17 (5 min.)

Fono Gaue:

Kupu Tafitō ʼo Te Mahina: “Ke au fakaha te logo lelei.”​—Gaue 20:24.

Katiko 97

10 min: Kotea ʼAe Neʼe Tou Fai ʼi Te Taʼu ʼAeni Kua Hili? Ko he akonaki ʼe fai e te taupau gaue. Vakaʼi te ʼu gaue ʼa te kokelekasio ʼae neʼe fai ʼi te taʼu ʼaeni kua hili. Talanoa tafitō ki te ʼu gaue lelei neʼe fakahoko, pea mo fai he fakamalō ki te kokelekasio. Talanoa ki he puani ʼe tahi peʼe lua ʼe feala anai ke gaueʼi e te kokelekasio ʼi te taʼu ʼaeni, pea mo vakaʼi he ʼu tokoni ʼe ʼaoga ke natou tuputupu ai.

10 min: ʼE Fua Lelei Tatatou Faifakamafola. Ko he faipalalau ʼe fakatafito ki te Annuaire 2015, (Fakafalani) pasina 54, palakalafe 1; pasina 56 palakalafe 2 ki te pasina 57 palakalafe 1; pasina 63 palakalafe 2 ki te pasina 64 palakalafe 1. ʼI te ʼosi vakaʼi ʼo te ʼu fakamatala ʼaia, fakaafe ia te nofoʼaki ke natou fakaha te ʼu ako ʼae neʼe natou maʼu mai te ʼu fakamatala ʼaia.

10 min: “Tokoni Ki Te Kau Ako Ke Natou Takitaki Hanatou Ako Tohi-Tapu.” Ko he faipalalau.

Katiko 81 Pea Mo Te Faikole