TE MAʼULI FAKAKILISITIANO
Kau Tupulaga: ʼAua Takotou Fakatuatuai ʼi Te Fakalaka ʼi Te “Matapa Lahi”
ʼE ko he meʼa faigafua hatatou manatu ko totatou temi tupulaga ʼe hoko atu pe anai ia. Pea ʼe mole feala anai ʼi he temi ke tou kaku ki “te u aho kovi” ʼae ʼe hoko moka tou matutuʼa ʼi te malama ʼa Satana. (Ekl 12:3) Kapau ko koe ko he tupulaga, ʼe lagi ke tokagaʼi ʼe lahi te temi ʼae ke ke fakahoko ai ni fakatuʼutuʼu fakalaumalie, ohage la ko te selevisi pionie katoa.
ʼE hoko kia tatou fuli ‘te ʼu meʼa fakafokifa,’ ʼo kau ai mo te kau tupulaga. (Ekl 9:11) “E mole kotou iloi pe te mea ka hoko i te apogipogi!” (Skp 4:14) Koia, ʼaua naʼa kotou fakatuatuai ʼi te fakahoko ni fakatuʼutuʼu fakalaumalie. Kotou fakalaka ʼi “te matapa lahi ki te gaue” heʼe kei avahi atu kia koutou. (1Ko 16:9, MN) ʼE mole kotou fakahemala anai.
Ko ʼihi fakatuʼutuʼu fakalaumalie:
Te faifakamafola ʼi he tahi age lea
Te selevisi pionie
Kau ki te ʼu ako Fakatohi-tapu ʼa te kautahi
Te gaue laga fale
Te gaue ʼae ʼi te Petele
Te gaue taupau fakasiliko