Kua Vave Hoko Totatou Fakaʼateainaʼi e Te ʼAtua Pea Mo Kilisito

Kotea te ʼu fihifihia ʼe kotou tauʼi ʼi te ʼaho fuli? ʼE ko koe koa ko he pule famili ʼe lahi ʼona maʼua? ʼE ke tauhi tokotahi koa tau fanau? ʼE gaohi koviʼi koa koe ʼi te fale ako e ʼou kauga ako? ʼE ke tauʼi koa hou mahaki faigataʼa, peʼe ko te ʼu fihifihia ʼo te vaivai matuʼa? ʼE lahi te ʼu fihifihia ʼe tauʼi e ʼihi Kilisitiano ʼi he temi pe ʼe tahi. Kae ʼe tou iloʼi kua vave fakaʼateainaʼi tatou mai te ʼu fihifihia ʼaia.—2Ko 4:16-18.

Kae ʼi muʼa ʼo te hoko ʼo te faʼahi ʼaia, ʼe tou fiafia he ʼe tou iloʼi ʼe lotomahino ia Sehova ki ʼotatou fihifihia. ʼE maʼuhiga kia te ia ia tatatou nonofo agatonu mo tatatou faʼa kataki, pea ʼe ina tapuakinaʼi lahi anai tatou. (Sel 29:11, 12) ʼE toe tokaga foki pea mo Sesu kia tatou. ʼI tatatou fakahoko ʼotatou maʼua Fakakilisitiano, neʼe ina fakapapauʼi fenei mai: “ ʼE au nofo anai mo koutou.” (Mat 28:20) ʼE malohi anai tatatou ʼamanaki mo tatatou ʼutakiʼi ʼotatou fihifihia moka tou metitasio ki totatou fakaʼateainaʼi ʼi te ka haʼu moka pule anai te Puleʼaga ʼo te ʼAtua.—Lom 8:19-21.

VAKAʼI TE ʼATA VITEO ʼI TE FAKAOVI MAI ʼO TE AFĀ, TOU HAGA SIOʼI IA SESU!—TAPUAKINA KA FOAKI MAI ANAI E TE PULEʼAGA, PEA MO TALI KI TE ʼU FEHUʼI ʼAENI:

• Neʼe fakamamaʼo feafeaʼi te malamanei mai te ʼAtua, pea kotea ʼona fua?

• Kotea te ka haʼu kia natou ʼae ʼe agatonu kia Sehova?

• ʼE lava hoko feafeaʼi te ka haʼu taulekaleka ʼaia?

• Kotea la he ʼu lelei ʼe ke fakaʼamu ki ai ʼi te malama foʼou ʼae neʼe fakapapauʼi mai?