Fakamalohiʼi Tau Falala ʼAe ʼe Lava Haofaki Tatou e Sehova

Lau ia Numelo 13:25–​14:4. ʼE fakaha ai neʼe mole kei falala te kau Iselaele kia Sehova.

Vakaʼi te aluʼaga ʼae neʼe hoko ʼi te temi ʼaia. He koʼe neʼe tonu ke falala te kau Iselaele ki tonatou lava haofaki e Sehova? (Pes. 78:​12-16, 43-53) Kotea ʼae neʼe tupu ai tanatou mole kei falala kia Sehova? (Tet. 1:​26-28) Neʼe fakaha feafeaʼi e Sosue mo Kalepo neʼe nā falala katoa kia Sehova?—Num. 14:​6-9.

Fai he ʼu fekumi. Kotea ʼae neʼe feala ke fai e te kau Iselaele moʼo fakamalohiʼi tanatou falala kia Sehova? (Pes. 9:10; 22:4; 78:11) Kapau ʼe tou fia falala kia Sehova, he koʼe ʼe ʼaoga ke tou fakaʼapaʼapa kia te ia?—Num. 14:11.

Kotea te ʼu ako ʼe ke maʼu mai ai. Fai te ʼu fehuʼi ʼaeni:

• “Kotea te ʼu aluʼaga ʼe faigataʼa ai kia au taku falala katoa kia Sehova?”

• “Kotea ʼae ʼe feala ke au fai ke au falala lahi age kia Sehova ia ʼaho nei pea mo te ka haʼu?”

• “He koʼe ʼe mole tonu ke au mataku moka hoko mai te mamahi lahi?”—Luka 21:​25-28.