Tou Fakahā Tatatou Falala ʼAki Te Tokoni ʼo Te ʼu Kaupepa
1 ʼI tatatou sio ki te fakahoko ʼo te ʼu lea faka polofeta faka tohi-tapu, ʼe tou fakafiafia ʼi te falala ki te Puleʼaga, pea ʼe uga ai tatou ke tou palalau ki he tahi ʼe fakalogo mai (Luka 6:45; Lom. 12:12). ʼI sūlio, ʼe tou fakahā anai he ʼu kaupepa ʼi te fai faka mafola: ko te faʼahi ʼaia ʼe fakahā ai tatatou falala, ohage ko te fakatotonu ʼa Sesu. — Mat. 24:14.
2 ʼE feala hatatou fili heʼe lahi te ʼu kaupepa maʼuhiga pea ʼe lanu, ʼe feala ke tali lelei ki te ʼu meʼa ʼe ʼaoga ki te ʼu hahaʼi ʼo totatou telituale pea mo uga ai ke nātou fia logo? Moʼo fakaʼaoga fakaleleiʼi ʼo te ʼu kaupepa, ʼe tonu ke tou ʼiloʼi lelei. Ko he fakasiosio nounou ʼo te ʼu kaupepa ʼaia ʼe tokoni ai kia tatou.
3 Kote Puleaga ae ka ina fakatuu anai te Palatiso: ʼI te temi neʼe nofo ai Sesu ʼi te kele, ko te kupu tāfito ʼo tana fai faka mafola ko te Puleʼaga ʼo te ʼAtua. Ko te kaupepa ʼaenī ʼe ina fakahā ko te Puleʼaga ʼe ko he puleʼaga moʼoni, pea ʼe ina pulihi anai te ʼu mamahi ʼe faigataʼaʼia ai te maʼuli ʼo te tagata ia ʼaho nei.
4 Fiafia Kite Mauli Heegata Ite Kele!: Ko te kaupepa ʼaenī ʼe ina fakamahino pe koʼe neʼe fakatupu e te ʼAtua te tagata pea ʼe feafeaʼi te maʼuli heʼe gata ʼo fiafia ʼi te kele. Ko tana ʼu paki mālama lelei pea mo totonu ʼe leleiʼia e te kau tūpulaga pea mo nātou ʼaē ʼe faigataʼa tanatou lautohi. ʼE ina faka fealagia te fakahā ʼo te ʼu akonaki tāfito ʼo te Tohi-Tapu kia nātou ʼaē ʼe tuli.
5 Le nom divin qui demeure à jamais: Ko te kaupepa ʼaenī ʼe ina fakahā te huafa ʼo te ʼAtua ʼi te fakatuʼutuʼu ʼa te Tohi-Tapu pea mo te ʼu manatu faka hisitolia. ʼE ina fakahā mai pe koʼe ʼe ʼaoga ke ʼiloʼi e te kau kilisitiano te huafa ʼo te ʼAtua pea ke nātou fakaʼaogaʼi ʼi tanatou lotu.
6 “Voici, je fais toutes choses nouvelles”: Ko te kaupepa ʼaenī ʼe ina fakahāhā te Palatiso pea ʼe ina uga ai tatou ke tou loto fakafetaʼi ki te Tohi-Tapu pea mo totatou Tupuʼaga. ʼI te ʼosi ʼo tana fakamahino pe koʼe ʼe fakagafua e te ʼAtua te agakovi, ʼe ina fakahāhā te ʼu akonaki tāfito e tolu ʼo te Tohi-Tapu: te totogi, te toe fakatuʼuake pea mo te Puleʼaga. ʼE ʼi ʼai mo te ʼu fehuʼi ʼi te kaupepa ʼaenī ʼi lalo ʼo te ʼu pasina; ʼe faigafua ai hatatou taki he ako faka tohi-tapu.
7 Doit-on croire à la Trinité?: Kapau ʼe ʼui ʼe ni hahaʼi ʼe nātou tui ki te Tahitolu, kae ʼe mole tatau tanatou ʼu manatu. Ko te kaupepa ʼaenī ʼe tali ki te ʼu fehuʼi ohage la: Koteā koa te Tahitolu? ʼE akonakiʼi koa te fahaʼi ʼaia e te Tohi-Tapu? Ko Sesu Kilisito ʼe ko te ʼAtua Māfimāfi koa pea ʼe kau koa ia ki he Tahitolu? Koteā koa te laumālie maʼoniʼoni pea ʼe feafeaʼi tana gāue?
8 ʼI te ʼosi ʼo tatatou fili te ʼu kaupepa ʼe tou loto ke tou fakahā ʼi te fai faka mafola pe ʼe ko te fagonogono faiga mālie, ʼe tonu ke tou toe vakaʼi te ʼu alatike ʼe tuʼu ʼi te fakaʼosi ʼo te Minisitelio ʼo te Puleʼaga. ʼE tou maʼu ai he ʼu manatu lelei moʼo fakahā tatatou ʼu kaupepa pea mo fai ʼo he ʼu ʼaʼahi, ʼaki te fakatuʼutuʼu ʼaē ke uga he tahi ke fia logo pea mo kamata he ʼako faka tohi-tapu.
9 Tuʼumaʼu, ko te fai faka mafola ʼi te ʼu ʼapi pe ko te fagonogono faiga mālie, ʼe ko he kaupepa pe ʼi te ʼu kaupepa ʼaenī ʼe ʼaoga ki te fai faka mafola. Kae, ʼe tonu ke tou teuteu, mo lahi hatatou ʼu kaupepa, mo tou ʼiloʼi lelei, pea ke ia tatou te fakasiosio lelei. Ko te manuʼia ʼa Sehova ke ʼi totatou minisitelio ke tokolahi te hahaʼi ʼe ʼomai ʼo fakafiafia mo tatou ʼi te falala ki te Puleʼaga! — Gāue 13:47, 48.