Tou Kau Tuʼumaʼu Ki Te Gāue Faka Mafola
1 ʼE tou fai fakalelei koa he ʼu fakatuʼutuʼu ke tou kau tuʼumaʼu ki te gāue faka mafola? ʼE tou faiga koa ʼo foaki fakavilivili tatatou pepa tānaki gāue ki te Fale ʼo te Puleʼaga ʼi te māhina fuli? Ko te meʼa ʼaia ʼe tonu ke tou faiga ʼo fai fuli, ke ʼaua naʼa hili he māhina kae mole tou fakahā tatatou tui. — Lom. 10:9, 10.
2 Kae ʼi tuʼa atu ʼo tatatou fai faka mafola tuʼumaʼu, ʼe tonu ke tou tokaga ʼo tokoniʼi niʼihi ke nātou kau tuʼumaʼu ki te minisitelio (Filp. 2:4). E feafeaʼi koa tatatou fai te meʼa ʼaia? ʼE feala ke tou fakaafe he ʼu kau faka mafola mole heʼeki papitema neʼe hoki kamata pe tanatou fai faka mafola ke kaugā gāue mo tatou ʼi te minisitelio. Ko he polokalama lelei ʼi te fai faka mafola ʼe tokoni anai kia nātou ke tauʼaka te moʼoni ʼi tonatou loto.
3 Tou kau tuʼumaʼu ki te gāue faka mafola. Foaki fakalelei takotou pepa tānaki gāue ʼi te māhina fuli. Tokoni ki niʼihi ke nātou kau tuʼumaʼu ki te gāue. Tou fakahā totatou “ ʼofa ki te famili katoa ʼo te ʼu tēhina”. — 1 Pe. 2:17.