ʼE Feala Koa Takotou Fai Te Faʼahi ʼAia?
1 ‘Koteā te meʼa ke fai?’ ko takotou fehuʼi ʼaia. ʼE maʼu te tali ia Tāʼaga Lea 3:27: “ ʼAua naʼa fakafisi te meʼa ʼe lelei kia nātou ʼaē ʼe ʼaoga ki ai, mokā ko te mālohi ʼe ʼi tou nima moʼo fai ʼo te faʼahi ʼaia.” ‘Ko te mālohi ʼe ʼi tou nima’ koa moʼo fakatuputupu ʼo takotou ʼu gāue ke koutou pionie vaeluaʼi temi peʼe pionie katoa? ʼE feala koa takotou fai te faʼahi ʼaia?
2 Neʼe fakaloto mālohi te lau ʼi te Annuaire 1993 ʼi Niu-Kaletonia neʼe ko te toko 140 pionie katoa pea mo vaeluaʼi temi, ʼo fakakatoa ko te kau faka mafola e 1 ʼi te 9 ʼe pionie. Pea, ko te toko 17 ko tanatou hoki toʼoe te gāue pionie ʼi te taʼu kua hili.
3 Ko te gāue pionie vaeluaʼi temi ʼe ko he faʼahi ʼaia moʼo fai ʼo te meʼa ʼe lelei ki niʼihi. ʼI te taʼu kua hili neʼe ko te laka ʼo te ʼu pionie vaeluaʼi temi ko te toko 184. Ko te meʼa lelei ʼaia. Tokolahi te kau faka mafola ʼe nātou faiga ʼo tautau pionie vaeluaʼi temi ʼi te taʼu.
4 Moʼo fakasiosio peʼe feala hakotou “fai te faʼahi ʼaia” peʼe kailoa, ʼuluaki ʼe ʼaoga ke koutou vakaʼi te meʼa ʼaē ʼe ina uga tokotou loto (Mat. 22:37-39). ʼE tala fēnei ia Gāue 20:35: “ ʼE lahi age te manuʼia ia ʼo tata foaki ʼi ʼaē ia ʼo tata tali.” ʼE moʼoni ʼe mole fakapuna’maʼuli ia, ko nātou ʼaē ʼe nātou foaki fakalelei he tokoni fakalaumālie ki niʼihi ʼe nātou maʼu pe te ʼu manatu lelei ʼi tonatou loto. Ko te holi ʼaia ʼe maʼuhiga mokā ʼe kita loto ke kita liliu ko he kau faka mafola peʼe ko he pionie faiva.
5 Lua, koutou fakakaukau ki tokotou ʼu ʼaluʼaga ʼi te temi nei. ʼE feala koa he fetogi ʼo tokotou ʼu ʼaluʼaga māhani ke feala ai hakotou gāue katoa? ʼE mole feala ke tou fai fuli te faʼahi ʼaia. Kae, ʼi te ʼosi faikole pea mo fakakaukau lelei, tokolahi ʼi te taʼu ʼe nātou fakasiosio ʼe feala tanatou “fai te faʼahi ʼaia”. (Kol. 4:5; w 78 1/7pp. 9,10.)ohage la, ko he ʼu familiʼe nātou fakatuʼutuʼu ke pionie vaeluaʼi temi niʼihi ʼi te famili peʼe ko nātou fuli ʼi he ʼu māhina kehekehe. Ko ʼihi famili ʼe nātou faiga ke pionie katoa he tahi ia nātou. Neʼe kua koutou fakakaukauʼi koa ʼi tokotou famili te ʼu fealagia ʼaia? — Vakaʼi ia Tāʼaga Lea 11:25.
6 Tou tokoni ki niʼihi ke nātou ʼiloʼi te moʼoni ʼe tou maʼu ai te fiafia moʼoni, peʼe ko tatou ko he kau faka mafola peʼe ko he pionie. ʼE tou ʼiloʼi anai te fiafia moʼoni ʼi tatatou fai te meʼa ʼae ʼe lelei ki niihi, tāfito mokā ‘ko te mālohi ʼe ʼi totatou nima moʼo fai ʼo te faʼahi ʼaia’.