Tou Toe Liliu ʼo Tokoni Ki Te Hahaʼi Ke Nātou Ako Peʼe Feafeaʼi Tanatou Maʼu Te Maʼuli Heʼegata
1 Talu te fai ʼo te tohi Mauli O Heegata, neʼe laka ʼi te 65 miliona tohi neʼe tā ʼi te ʼu lea ʼe 115. Tokolahi ʼe kaugana kia Sehova ʼi te temi nei neʼe nātou ako te ʼu moʼoni tāfito ʼo te Tohi-Tapu ʼaki te meʼa gāue lelei ʼaia. ʼI te māhina ʼaenī pea mo ʼaē ka hoko mai, ʼe feala ke tou maʼu he faigamālie moʼo tuku ʼo te tohi, peʼe feala ke tou maʼu ni hahaʼi ʼi te telituale kua nātou maʼu te tohi ʼaia.
2 Tou ʼaʼahi ia nātou ʼaē kua nātou toʼo te tohi: Ko ni kau faka mafola neʼe nātou maʼu he ʼu fua lelei ʼi tanatou fakahā age kia nātou ʼaē kua nātou toʼo te tohi te pasina ʼaē ʼe tuʼu ai te ʼu talanoa fuli pea ʼi tanatou fehuʼi age kia ia ʼaē ʼe fia logo pe ko te manatu fea ʼaē ʼe ina leleiʼia tāfito. Kapau neʼe ina fili he talanoa, ʼe ʼui age anai e te kau faka mafola ke ina lau te kapite fuli ʼo te tohi ʼi muʼa ʼo te ʼaʼahi ki muli age.
3 Kapau ʼe feala ia meʼa fuli, ʼe tonu anai ke tou fakatuʼutuʼu he ʼaho ke tou toe liliu mai ai. ʼI muʼa ʼo tatatou fai te ʼaʼahi ʼe tou fia teuteuʼi he ʼu kiʼi palakalafe ʼo te kapite ʼaē neʼe fili ki te felogoi. Kapau neʼe mole ina fili he kapite, ʼe feala ke pe tou kamata te fai palalau ʼaki te kapite 1. ʼI te ʼosi vakaʼi ʼo he ʼu kiʼi palakalafe, ʼe feala hatatou lagaʼi he fehuʼi ke feala ai te hoko ʼaki te ʼu palakalafe ʼaē ka hoa mai. Ko te faʼahi ʼaia ʼe ko he faka tāfito anai ʼo he tahi ʼaʼahi, mokā ʼe feala ke hoko atu te ako ʼo te tohi Mauli O Heegata.
4 ʼE moʼoni, kapau ʼe ʼi ai he ʼu fehuʼi ʼa ia ʼaē ʼe fai palalau mo tatou, ʼe lelei age muʼa te tali ki te ʼu fehuʼi ʼaia. ʼE mahino ia ko tana ʼu fehuʼi ʼe maʼu tona ʼu tali ʼi te tohi. Ko tatatou fakamāmāhani mo te ʼu manatu ʼo te tohi, ʼe feala ai ke tou fakahā age he ʼu palakalafe ʼe ʼaoga pea mo fakaʼaogaʼi te tohi moʼo tali ki te ʼu fehuʼi ʼaē neʼe lagaʼi.
5 Tou ʼaʼahi te hahaʼi ʼaē neʼe tou tuku kia nātou te kiʼi pepa lotu: ʼE lagi neʼe tou tuku te kiʼi pepa lotu Une vie paisible dans un monde nouveau kia ia ʼaē neʼe fai palalau mo tatou. ʼI tatatou ʼaʼahi, ʼe feala ke tou fai palalau ki te ʼu ʼuluaki palakalafe ʼo te kiʼi pepa lotu.
Mokā tou aʼu ki te fakaʼosi ʼo te ʼuluaki palakalafe ʼo te pāsina 3, ʼaē ʼe tuʼu ai ia Pesalemo 37:29, ʼe feala ke tou ʼui age:
◼ “Ko te ʼu manatu maʼuhiga ʼaenī ʼe talanoa ki ai te tohi ʼaenī, E Feala Keke Mauli O Heegata Ite Palatiso Ite Kele. Koutou fakatokagaʼi te manatu ʼo te palakalafe 3 ʼo te kapite 1 ʼi te kupu ʼaē ‘Te tupuʼaga ʼo tamatou tui ki ai.’ ” ʼE feala ke tou lau te palakalafe 3, mo fai te fehuʼi ʼaē ʼe tuʼu ʼi ai, pea hoko atu ʼaki te ʼu palakalafe 4 pea mo te 5. ʼOsi ʼaia pea tou ʼui age: “He koʼe koa ʼe alutahi te ʼu ʼaluʼaga ʼaia mo te ʼu fakatuʼutuʼu ʼa te ʼAtua ʼi te temi ʼaenī? Ko te ʼu palakalafe ki muli mai ʼe nātou fakamahino te faʼahi ʼaia, pea ʼe ʼau fia haʼu ʼi te vāhaʼa ka haʼu ʼi te temi pe ʼaenī ʼo tali ki te fehuʼi.” ʼOsi ʼaia pea tuku ake te tohi.
6 Moʼo tuku ʼo te tohi “Mauli O Heegata”, ʼe feala ke tou ʼui age:
◼ “ ʼE ʼau ʼiloʼi papau neʼe ke fiafia ʼi tau maʼu te tohi ʼaenī. Pea neʼe feala pe ke ke lau fakatomuʼa te tohi ʼaia pea ke ke maʼu ai he ʼu manatu lahi ki tata fai palalau.”
7 ʼI tatatou toe liliu ʼo tokoni ki te hahaʼi ke nātou ako peʼe feafeaʼi tanatou maʼu te maʼuli heʼegata ʼe ko te gāue maʼuhiga ʼaia. Neʼe ako e Sesu ki tana ʼu tisipulo ke nātou akoʼi niʼihi ʼo ʼuhiga mo te ʼu meʼa ʼaē neʼe ako age kia nātou. Tou faikole kia Sehova ke ina fekauʼi he tokolahi ki te gāue. Koia, tou fai totatou vahe ʼaē ko te kumi ʼo te hahaʼi ʼaē ʼe fia logo pea mo akoʼi nātou ke nātou liliu ko hotatou kāuga gāue ʼi te taʼukai. — Mat. 9:37; 28:19, 20.