ʼE Feala Koa Hakotou Toe Toʼo Te Gāue Pionie?
1 Lolotoga te ʼu taʼu e nima ʼaenī kua hili, neʼe mavae te ʼu pionie katoa ʼi te gāue pionie. ʼE koutou kau koa kia nātou ʼaia? Kapau neʼe koutou fai te faʼahi ʼaia, e lagi neʼe ʼi ai he tupuʼaga ʼo takotou tuku te pilivilesio ʼaia. E lagi neʼe koutou tau mo he meʼa neʼe mole koutou ʼamanaki kiai. Kei koutou tau koa mo te faʼahi ʼaia ʼi te temi nei? Kapau ko te maʼuli mālōlō, te ʼu faigataʼaʼia ʼuhi ko te falā, peʼe ko te ʼu maʼua faka famili ʼaē neʼe koutou mavae ai ʼi te gāue pionie, kua fetogi koa la tokotou ʼu ʼaluʼaga? Neʼe feala koa hakotou fai he ʼu fakatuʼutuʼu fakapotopoto ke feala ai hakotou maʼu te ʼu tapuakina ʼaki hakotou toe liliu ʼo pionie? Neʼe koutou fakakaukauʼi koa ke koutou toe fai te faʼahi ʼaia?
2 Ohage pe ko te meʼa ʼe koutou ʼiloʼi, ʼe ʼaoga ke fai he fakatuʼutuʼu pea mo fai he polokalama lelei. ʼUhi ko te mole lahi ʼo te temi ʼaē ke fakaʼaogaʼi ki te ʼu mālōlō, ʼe lelei ʼaupito ki te kau pionie ke nātou toʼo honatou kiʼi temi mālōlō. (Taag. 19:17; Gāue 20:35) Ko te nofo maʼumaʼua ʼi te gāue, ʼe puipui ai koutou mai te mālohi ʼo te mālama ʼaē ʼe ina fakamuʼamuʼa te manatu pe ʼaē kia kita. Neʼe fakapapau e Sehova ʼe ina foaki atu anai he ʼu koloā fakalaumālie mokā ʼe koutou maʼu he maʼuli faka sakilifisio pea mo koutou fakamuʼamuʼa te Puleʼaga. ʼE koutou maʼu anai he fiafia moʼoni mokā ʼe koutou kaugana kia Sehova mo tokotou loto katoa.—Taag. 10:22; Kol. 3:23, 24.
3 ʼE tonu koa ke tokagaʼi te gāue pionie katoa ohage he pilivilesio ʼe faka fealagia pe ki he tokosiʼi? Kailoa. ʼI tatatou foaki totatou maʼuli kia Sehova, ʼe tonu ke fakasiosioʼi fakalelei e te Kilisitiano takitokotahi te gāue pionie katoa gata pe mokā ʼe mole fealagia kiai.—Maleko 12:30.
4 Kapau ko tokotou maʼuli mālōlō pea mo te ʼu maʼua fakalaumālie ʼe mole nātou faka fealagia ke koutou pionie ʼi te temi nei, ʼe feala ke koutou ʼiloʼi ko Sehova ʼe ina ʼiloʼi tona tupuʼaga pea ʼe mahino ia ki te faʼahi ʼaia. ʼE ina fakapale anai koutou ʼo ʼuhiga mo takotou agatonu ʼi te ʼu faʼahi neʼe faka fealagia atu kia koutou. (1 Ko. 4:2; 2 Ko. 8:12) Kae, kapau leva kua feala hakotou toe liliu ʼo pionie, he koʼe koa ʼe mole koutou ʼolo ki te taupau pelesita pea mo kole ki ai he pepa?
5 ʼE Feala Koa He Tokoni ʼa Tokotou Famili Kia Koutou? E lagi neʼe koutou mavae ʼi te gāue pionie ʼuhi ko tokotou maʼua faka famili. ʼE feala koa ki niʼihi ʼi tokotou famili ʼi te temi nei ke nātou foaki atu he tokoni ke feala ai hakotou toe liliu ʼo pionie? Ki ʼihi, ʼaki he faʼahiga tokoni moʼo fakahoko ʼo ʼihi ʼu maʼua, ʼe feala ke nātou toe toʼo te gāue pionie.
6 Ko te felogoi lelei pea mo he faiga lahi ʼa ʼihi ʼi te famili ʼe faka fealagia ai te faʼahi ʼaia. ʼE feala ke nātou tokoni falā peʼe ko te tokoni ki takotou ʼu meʼa feʼaluʼaki, ʼo feiā aipe ki te fai tuʼumaʼu ʼo he ʼu fakatuʼutuʼu ke feala hakotou gāue tahi ʼi te fai faka mafola. ʼE ʼi ai foki ʼihi ʼu meʼa ʼe feala ke nātou fai moʼo tokoni kia koutou. Kapau ʼe mole feala hakotou toe toʼo te pilivilesio ʼaia, e lagi ko te faʼahiga tokoni ʼaia ʼe feala ke foaki ki he tahi ʼi te famili ʼaē ʼe feala tana fai te faʼahi ʼaia.
7 He koʼe ʼe mole koutou palalau mo tokotou famili ʼo ʼuhiga mo te faʼahi ʼaia? Ko te ʼu fakatuʼutuʼu ʼaia e lagi ʼe fua lelei anai mokā ʼe koutou fai fakatahi te faʼahi ʼaia. Kapau ʼe ʼi ai he tahi ʼe ina toʼo te gāue pionie, ʼe fiafia fuli anai te famili ʼi tana fai te faʼahi ʼaia. Ko he loto manavaʼofa ʼe mole gata ʼaki pe te fua lelei ʼo te faka mafola ʼo te logo ʼo te Puleʼaga ʼi te telituale kae ʼe ina faka fealagia anai foki ki te famili ke logo tahi ʼi te faʼahi fakalaumālie.—Luka 6:38; Filp 2:2-4.