Tou Teuteuʼi Te Fakamanatu

Kua tou ʼiloʼi fuli koa, ʼo kau ai mo te tagata fai akonaki, te hola pea mo te faiʼaga totonu ʼo te fakamanatu ʼaia? Kua mahino koa ki te tagata fai akonaki ʼe mole tonu ke fakalaka te polokalama ʼi te ʼu minuta e 45?

Kua hinoʼi koa he tahi ke ina teuteuʼi te pane mo te vino? (Vakaʼi Te Tule Leʼo ʼo te ʼaho 15 ʼo Fepualio ʼo te taʼu 1990, ʼi te ʼu pasina 16 ki te 18.) Kua fai koa he ʼu fakatuʼutuʼu ʼo ʼuhiga mo te fāliki ʼo he kie maʼa, pea mo he ʼu ipu pea mo he ʼu pa ke feʼauga?

Kua fai koa he ʼu fakatuʼutuʼu ʼo ʼuhiga mo te fakamaʼa ʼo te Fale ʼo te Puleʼaga ʼi muʼa ʼo te fono pea mo te hili ʼo te fono? Kua hinoʼi koa te ʼu tēhina ʼaē ʼe nātou tali te hahaʼi, ʼo feiā mo nātou ʼaē ʼe nātou feʼāveʼaki te pane mo te vino? Kua fai koa he fono ʼo ʼuhiga mo nātou moʼo fakatokaga age kia nātou? Koteā anai te fakatuʼutuʼu ʼaē ka fai ke feʼāveʼaki te pane mo te vino ia nātou fuli ʼaē ʼe nātou kau ki te fono?

Kua fai koa he ʼu fakatuʼutuʼu moʼo tokoni ki te ʼu tēhina pea mo tuagaʼane ʼaē ʼe matutuʼa pea mo mahahaki, ke nātou kau ki te ʼaho ʼaia? Kapau ʼe ʼi ai he Kilisitiano fakanofo ʼe takoto mahaki peʼe mole lava mai ki te ʼaho ʼaia, kua fai koa he teuteu moʼo ʼave ki ai te pane mo te vino?