Te Tali Ki ʼAkotou ʼu Fehuʼi

◼ Koteā te meʼa ʼaē ʼe tonu ke fai mokā ʼe tauhala mai te tēhina ʼaē ʼe tonu ke ina fai te akonaki ki te kaugamālie ʼi te fono?

ʼI ʼihi lakaga, ʼe ʼi ai te ʼu ʼaluʼaga ʼe tupu ai te tauhala mai ʼa te tēhina ʼaē ʼe tonu ke ina fai te akonaki. Kapau ʼe manatu te ʼu tagata ʼāfea ʼe tauhala mai anai, pea ʼe feala ke nātou kamata te fono ʼaki te Ako ʼo Te Tule Leʼo; pea hoa atu kiai te Akonaki ki te Kaugamālie. Kae ʼe feafeaʼi anai mo kapau ʼe mole haʼu te tēhina ʼaē ʼe tonu ke ina fai te akonaki? ʼE lagi feala anai ke fai e he tēhina ʼo te kokelekasio he akonaki neʼe kua ina teuteuʼi.

ʼI te agamāhani, ʼe lelei te fai ʼo he ʼu fakatuʼutuʼu fakatomuʼa. ʼE tonu ke faka felogoi fakatomuʼa te tēhina ʼaē ʼe ina fakatuʼutuʼu te ʼu akonaki ki te kaugamālie, mo te tēhina ʼaē ka ina fai te akonaki, ʼo ina fakamanatuʼi kia ia tana akonaki. ʼE tonu ke ina fakamanatuʼi kia ia te hola ʼaē ʼe kamata ai te fono, te Fale ʼo te Puleʼaga ʼaē ka fai kiai pea mo tona numelo telefoni, pea mo fakahā fakalelei ki ai peʼe tuʼu ʼifea te fale fono. ʼE tonu ke fakamaʼumaʼu lelei e te tēhina te ʼu puani ʼaia. ʼE tonu ke mulimuli lelei te tēhina ki te fakatuʼutuʼu ʼaia, ʼo ina fai he ʼu fetogi ʼi tana polokalama, ke feala hana fai tona maʼua ʼaia. Kapau ʼe hoko he meʼa ʼe mole feala ai tana fai te akonaki, pea ʼe tonu ke ina foimo fakahā ki te tēhina ʼaē ʼe ina fakatuʼutuʼu te akonaki ke feala ai hana fetogi te faʼahi ʼaia. ʼE tonu ke faiga te ʼu tēhina ke mole nātou fetogi te fakatuʼutuʼu ʼo ʼuhiga mo te akonaki. Kapau ʼe tonu ke holo te akonaki ki he tahi vāhaʼa peʼe tauhala mai anai, pea ʼe feala ke ina fai he ʼu fakatuʼutuʼu ke telefoni ki te Fale ʼo te Puleʼaga, ke ʼiloʼi ai e te ʼu tēhina peʼe feafeaʼi te fakatuʼutuʼu ʼo te fono.

ʼE feala anai ki te kokelekasio ke ʼi ai hana akonaki ʼi te vāhaʼa fuli, mo kapau ʼe mahino ki te ʼu tēhina te maʼuhiga ʼo te ʼu akonaki ʼaē neʼe tuku age ke nātou fai, pea mo nātou teuteuʼi lelei.